សិស្សានុសិស្សថ្នាក់ទី១២នៅខេត្តកំពត ដែលនឹងត្រូវប្រឡងបាក់ឌុបនៅថ្ងៃទី១០ សីហា ខាងមុននេះ បានលើកឡើងថាពូកគេបានត្រៀមខ្លួនស្ទើររួចរាល់ហើយ ។ បច្ចុប្បន្នមិនប្រឹងខ្លាំងដូចមុនទេ គ្រាន់តែរម្លឹកមេរៀនណាដែលសំខាន់ ហើយពួកគេមិនសូវច្បាស់ឡើងវិញប៉ុណ្ណោះ ខណៈដែលគ្រូបង្រៀននៅតែបន្តមកបង្រៀន បំពេញបន្ថែម និងដកស្រងយកវិញ្ញាសារធ្លាប់ចេញប្រឡង មកពន្យល់ដើម្បីឲ្យសិស្សយល់ច្បាស់ និងទទួលបាននិទ្ទេសល្អជាងឆ្នាំមុនៗ ។
កំពត÷ ក្នុងពិធីជួបសំណេះសំណាលសួរសុខទុក្ខសិស្សានុសិស្ស និងគ្រួសារខ្វះខាតផ្នែកជីវភាព ព្រមទាំងផ្តល់អំណោយជាសម្ភារៈសិក្សា ក៏ដូចជាគ្រឿងឧបភោគបរិភោគនៅសង្កាត់ក្រាំងអំពិល ក្រុងកំពត កាលពីរសៀលថ្ងៃទី៥ ខែកញ្ញា ឆ្នាំ២០២៦ ថ្នាក់ដឹកនាំនៃគ្រឹះស្ថានឯកជនបានអះអាងថា គ្រប់កាលៈទេសៈ វិស័យឯកជនតែងត្រៀមសហការជានិច្ចជាមួយរាជរដ្ឋាភិបាលតាមលទ្ធភាពដើម្បីគាំទ្រការអភិវឌ្ឍធនធានមនុស្ស។ មន្ត្រីអាជ្ញាធរបានបញ្ជាក់ថា កិច្ចសហការរវាងវិស័យឯកជន និងរាជរដ្ឋាភិបាលជាកត្តាដែលមិនអាចខ្វះបានក្នុងការចូលរួមកាត់បន្ថយភាពក្រីក្រនៅមូលដ្ឋាន។
ដើម្បទុកជាប្រយោជន៍ដល់ពលរដ្ឋក្នុងភូមិទន្លេនាម ឃុំចំប៉ី ស្រុកអង្គរជ័យ ដែលប្រើប្រាស់ស្រះទឹកទន្លេនាម ប្រធានក្រុមការងាររាជរដ្ឋាភិបាលចុះមូលដ្ឋានខេត្តកំពត រួមនឹងអាជ្ញាធរស្រុក ខេត្ត និងប្រជាពលរដ្ឋ បានព្រលែងកូនត្រី កូនបង្កង និងខ្យងប្រមាណជាង ៩ម៉ឺនកូនទៅក្នុងស្រះ ដើម្បីទុកបំរើផលប្រយោជន៍ពលរដ្ឋនាពេលខាងមុខ។ ស្រះទឹកទន្លេនាមនេះត្រូវបានស្តារឡើងវិញដោយក្រុមការងាររាជរដ្ឋាភិបាលចុះមូលដ្ឋានខេត្តកំពត បន្ទាប់ពីមានការសំណូមពរពីព្រះសង្ឃ និងប្រជាពលរដ្ឋ ដើម្បីទាញយកទឹកមកប្រើប្រាស់។
កំពត៖ សិស្សថ្នាក់ទី១២នៃសាលាវិទ្យាល័យហ៊ុនសែន ព្រែកត្នោត ក្រុងបូកគោ ខេត្តកំពត បានប្រឡងជាប់សញ្ញាបត្រមធ្យមសិក្សាទុតិយភូមិ១០០% និងមានសិស្សទិន្ទេសA ច្រើននាក់ ២ឆ្នាំជាប់ៗគ្នា។បើតាមការបញ្ជាក់របស់នាយកសាលាថា ឆ្នាំក្រោយសិស្សលោកនៅតែប្រឡងជាប់១០០% ហើយអាចមានសិស្សនិទ្ទេសល្អកើនឡើងផងដែរ ដោយសារសាលាមានផែនការ គោលការណ៍បង្រៀន និងតាមដានលទ្ធផលសិក្សារបស់សិស្សម្នាក់ៗយ៉ាងច្បាស់លាស់ ពិសេសការធ្វើតេស្តស្តង់ដា នៅមុនថ្ងៃប្រឡង។
កំពត៖ សិស្សនុសិស្សដែលជាបេក្ខជនប្រឡងសញ្ញាបត្រមធ្យមសិក្សាទុតិយភូមិនៅខេត្តកំពត សម័យប្រឡង១០ សីហា ២០២៦ បានបង្ហាញអារម្មណ៍រំភើបរីករាយ ពេលបានឃើញលទ្ធផលរបស់ខ្លួន និងមិត្តភក្តិ ល្អប្រសើរលើសការរំពឹងទុក។ ទោះបីសិស្សនិទ្ទេសA ថយចុះ២៦ក៏ពិត្តមែន ប៉ុន្តែអត្រាសិស្សជាប់ទូទាំងខេត្តមានការកើនឡើងខ្ពស់ជាងឆ្នាំមុន។ ពួកគេបានថ្លែងអំណរគុណដល់ មាតាបិតា លោកគ្រូ អ្នកគ្រូ និងថ្នាក់ដឹកនាំ និងសូមលើកទឹកចិត្ត ដល់សិស្សដែលប្រឡងមិនទាន់ជាប់ សូមកុំបាក់ទឹកចិត្ត និងអស់សង្ឃឹម។
