Provincial News
AllAnnouncementsPress releasesLeadership activitiesAuthority activitiesPoliticsAgricultureTourismBusinessReportArts and cultureSocial securityEducation and sportsHealthEnvironmentDevelopmentNatural disasterProvincail news
Provincail news
វិស័យឯកជនជាដៃគូសំខាន់ក្នុងការចូលរួមអភិវឌ្ឍធនធានមនុស្សជាមួយរាជរដ្ឋាភិបាល
កំពត÷ ក្នុងពិធីជួបសំណេះសំណាលសួរសុខទុក្ខសិស្សានុសិស្ស និងគ្រួសារខ្វះខាតផ្នែកជីវភាព ព្រមទាំងផ្តល់អំណោយជាសម្ភារៈសិក្សា ក៏ដូចជាគ្រឿងឧបភោគបរិភោគនៅសង្កាត់ក្រាំងអំពិល ក្រុងកំពត កាលពីរសៀលថ្ងៃទី៥ ខែកញ្ញា ឆ្នាំ២០២៦ ថ្នាក់ដឹកនាំនៃគ្រឹះស្ថានឯកជនបានអះអាងថា គ្រប់កាលៈទេសៈ វិស័យឯកជនតែងត្រៀមសហការជានិច្ចជាមួយរាជរដ្ឋាភិបាលតាមលទ្ធភាពដើម្បីគាំទ្រការអភិវឌ្ឍធនធានមនុស្ស។ មន្ត្រីអាជ្ញាធរបានបញ្ជាក់ថា កិច្ចសហការរវាងវិស័យឯកជន និងរាជរដ្ឋាភិបាលជាកត្តាដែលមិនអាចខ្វះបានក្នុងការចូលរួមកាត់បន្ថយភាពក្រីក្រនៅមូលដ្ឋាន។
Provincail news
កូនត្រី កូនបង្កងអូស្ត្រាលី និងខ្យងជាង ៩ម៉ឺនកូនត្រូវបានព្រលែងក្នុងស្រះទន្លេនាម ស្រុកអង្គរជ័យ ដើម្បីទុកជាប្រយោជន៍សម្រាប់ពលរដ្ឋ
ដើម្បទុកជាប្រយោជន៍ដល់ពលរដ្ឋក្នុងភូមិទន្លេនាម ឃុំចំប៉ី ស្រុកអង្គរជ័យ ដែលប្រើប្រាស់ស្រះទឹកទន្លេនាម ប្រធានក្រុមការងាររាជរដ្ឋាភិបាលចុះមូលដ្ឋានខេត្តកំពត រួមនឹងអាជ្ញាធរស្រុក ខេត្ត និងប្រជាពលរដ្ឋ បានព្រលែងកូនត្រី កូនបង្កង និងខ្យងប្រមាណជាង ៩ម៉ឺនកូនទៅក្នុងស្រះ ដើម្បីទុកបំរើផលប្រយោជន៍ពលរដ្ឋនាពេលខាងមុខ។ ស្រះទឹកទន្លេនាមនេះត្រូវបានស្តារឡើងវិញដោយក្រុមការងាររាជរដ្ឋាភិបាលចុះមូលដ្ឋានខេត្តកំពត បន្ទាប់ពីមានការសំណូមពរពីព្រះសង្ឃ និងប្រជាពលរដ្ឋ ដើម្បីទាញយកទឹកមកប្រើប្រាស់។
Provincail news
សិស្សទី១២នៃវិទ្យាល័យហ៊ុនសែនព្រែកត្នោតក្រុងបូកគោប្រឡងជាប់បាក់ឌុប១០០% ២ឆ្នាំជាប់ៗគ្នា
កំពត៖ សិស្សថ្នាក់ទី១២នៃសាលាវិទ្យាល័យហ៊ុនសែន ព្រែកត្នោត ក្រុងបូកគោ ខេត្តកំពត បានប្រឡងជាប់សញ្ញាបត្រមធ្យមសិក្សាទុតិយភូមិ១០០% និងមានសិស្សទិន្ទេសA ច្រើននាក់ ២ឆ្នាំជាប់ៗគ្នា។បើតាមការបញ្ជាក់របស់នាយកសាលាថា ឆ្នាំក្រោយសិស្សលោកនៅតែប្រឡងជាប់១០០% ហើយអាចមានសិស្សនិទ្ទេសល្អកើនឡើងផងដែរ ដោយសារសាលាមានផែនការ គោលការណ៍បង្រៀន និងតាមដានលទ្ធផលសិក្សារបស់សិស្សម្នាក់ៗយ៉ាងច្បាស់លាស់ ពិសេសការធ្វើតេស្តស្តង់ដា នៅមុនថ្ងៃប្រឡង។
Provincail news
អត្រាសិស្សប្រឡងជាប់បាក់ឌុបនៅខេត្តកំពតបន្តកើនឡើងជាងឆ្នាំមុន
កំពត៖ សិស្សនុសិស្សដែលជាបេក្ខជនប្រឡងសញ្ញាបត្រមធ្យមសិក្សាទុតិយភូមិនៅខេត្តកំពត សម័យប្រឡង១០ សីហា ២០២៦ បានបង្ហាញអារម្មណ៍រំភើបរីករាយ ពេលបានឃើញលទ្ធផលរបស់ខ្លួន និងមិត្តភក្តិ ល្អប្រសើរលើសការរំពឹងទុក។ ទោះបីសិស្សនិទ្ទេសA ថយចុះ២៦ក៏ពិត្តមែន ប៉ុន្តែអត្រាសិស្សជាប់ទូទាំងខេត្តមានការកើនឡើងខ្ពស់ជាងឆ្នាំមុន។ ពួកគេបានថ្លែងអំណរគុណដល់ មាតាបិតា លោកគ្រូ អ្នកគ្រូ និងថ្នាក់ដឹកនាំ និងសូមលើកទឹកចិត្ត ដល់សិស្សដែលប្រឡងមិនទាន់ជាប់ សូមកុំបាក់ទឹកចិត្ត និងអស់សង្ឃឹម។
Provincail news
អភិបាលខេត្តកំពតចុះពិនិត្យទីតាំងសាងសង់អគារបន្ថែមក្នុងមន្ទីរពេទ្យបង្អែកខេត្តកំពត ដើម្បីពង្រីកសេវាថែទាំព្យាបាលជំងឺជូនពលរដ្ឋ
ដើម្បីឆ្លើយតបតាមតម្រូវការក្នុងការមកទទួលសេវាព្យាបាលជំងឺក្នុងមន្ទីរពេទ្យបង្អែកខេត្តកំពត ដែលបច្ចុប្បន្នមានការគាំទ្រ ក៏ដូចជាកើនឡើងនូវការមកទទួលសេវាសុខាភិបាលរបស់ប្រជាពលរដ្ឋ អាជ្ញាធរខេត្តកំពតនឹងរៀបចំអគារពិនិត្យ និងសម្រាកព្យាបាលជំងឺមួយខ្នង ដែលមានបីជាន់ទាំងជាន់ផ្ទាល់ដី ក្នុងបរិវេណមន្ទីរពេទ្យបង្អែកខេត្តកំពត។ ការសាងសង់អគារបន្ថែមនេះ ដោយមើលឃើញពីការកើនឡើងពីការមកទទួលសេវាពិនិត្យ និងព្យាបាលជំងឺរបស់ប្រជាពលរដ្ឋ នៅមន្ទីរពេទ្យបង្អែកខេត្តកំពត។
Provincail news
សិស្សជាង ៦០នាក់ នៅខេត្តកំពត ទទួលបាននិទ្ទេស A ក្នុងការប្រឡងបាក់ឌុប សម័យប្រឡងឆ្នាំ២០២៦
កំពត៖ ក្នុងខេត្តកំពតមានបេក្ខជនចំនួន ៦២នាក់ ទទួលបាននិទ្ទេស A ក្នុងការប្រឡងសញ្ញាបត្រមធ្យមសិក្សាទុតិយភូមិ (បាក់ឌុប) សម្រាប់សម័យប្រឡងថ្ងៃទី១០ ខែសីហា ឆ្នាំ២០២៦។ នេះបើយោងតាមការបញ្ជាក់ពីលោក ខៀវ ធនវុឌ្ឍី ប្រធានស្តីទីនៃមន្ទីរអប់រំ យុវជន និងកីឡា ខេត្តកំពត ខណៈដែលអត្រាប្រឡងជាប់សរុបក្នុងខេត្តបានកើនឡើងរហូតដល់ ៩០.០១%។
Provincail news
កំពតទាក់ទាញភ្ញៀវជាង១៧ម៉ឺននាក់ក្នុងខែសីហាខណៈតំបន់ទេសចរណ៍និងសេវាស្នាក់នៅកាន់តែសម្បូរបែប
កំពត៖ ភ្ញៀវទេសចរជាតិ និងអន្តរជាតិជាង១៧ម៉ឺននាក់បានមកលេងកម្សាន្ត និងស្នាក់នៅក្នុងខេត្តកំពតក្នុងអំឡុងខែសីហា ឆ្នាំ២០២៦ កើនឡើងជាង២៦ភាគរយធៀបនឹងរយៈពេលដូចគ្នាឆ្នាំមុន។ កំណើននេះត្រូវបានមើលឃើញថា កំពតនៅតែមានភាពទាក់ទាញសម្រាប់ភ្ញៀវ ទោះបីជាស្ថិតក្នុងរដូវវស្សាក៏ដោយ ដោយសារមានតំបន់ទេសចរណ៍ចម្រុះ សេវាស្នាក់នៅស្អាត ស្ងប់ស្ងាត់ និងផលិតផលទេសចរណ៍ថ្មីៗកាន់តែច្រើន។
Provincail news
អាជ្ញាធរក្រុងកំពត ចុះអនុវត្តរុះរើសំណង់ដែលបិទផ្លូវសាធារណៈ នៅសង្កាត់កំពង់បាយ
កំពត៖ នៅរសៀលថ្ងៃទី៣១ ខែសីហា ឆ្នាំ២០២៦ អាជ្ញាធរក្រុងកំពត បានចុះអនុវត្តរុះរើសំណង់ដែលសាងសង់របងបិទផ្លូវសាធារណៈ ស្ថិតនៅភូមិកំពង់បាយខាងជើង សង្កាត់កំពង់បាយ ក្រុងកំពត ខេត្តកំពត បន្ទាប់ពីរដ្ឋបាលក្រុងបានជូនដំណឹងជាបន្តបន្ទាប់ ប៉ុន្តែម្ចាស់សំណង់មិនបានចូលរួមដោះស្រាយតាមការណែនាំរបស់អាជ្ញាធរ។
Provincail news
សមិទ្ធផលផ្លូវបេតុងថ្មីចូលរួមចំណែកបង្កើនសោភ័ណភាពក្រុងកំពត និងជំរុញសក្តានុពលទេសចរណ៍
កំពត៖ អាជ្ញាធរ និងប្រជាពលរដ្ឋថា សមិទ្ធផលផ្លូវបេតុងអាមេថ្មីនៅសង្កាត់កំពង់បាយ និងសង្កាត់កំពង់កណ្ដាល ក្រុងកំពត មិនត្រឹមជួយសម្រួលការធ្វើដំណើរ និងដឹកជញ្ជូនរបស់ប្រជាពលរដ្ឋប៉ុណ្ណោះទេ ប៉ុន្តែថែមទាំងរួមចំណែកលើកកម្ពស់សោភ័ណភាពទីក្រុង បង្កើតបរិយាកាសរស់នៅកាន់តែល្អ និងជួយបង្កើនភាពទាក់ទាញភ្ញៀវទេសចរមកកម្សាន្តក្នុងខេត្តកំពត។
Provincail news
ផ្លូវបេតុងអាមេជាច្រើនខ្សែកំពុងលើកកម្ពស់ភូមិឋានជីវភាពនិងគុណភាពរស់នៅរបស់ពលរដ្ឋស្រុកជុំគិរី
កំពត៖ ការអភិវឌ្ឍផ្លូវបេតុងអាមេជាច្រើនខ្សែរបស់មូលនិធិឃុំនានា នៃស្រុកជុំគិរី ខេត្តកំពត កំពុង ផ្តល់ភាពងាយស្រួលដល់ការធ្វើដំណើរ ការដឹកជញ្ជូនកសិផល និងការតភ្ជាប់ប្រជាពលរដ្ឋទៅកាន់ទីផ្សារ សាលារៀន មណ្ឌលសុខភាព និងសេវាសាធារណៈនានា ខណៈសមិទ្ធផលទាំងនេះក៏បានរួមចំណែកលើកកម្ពស់ភូមិឋានស្អាត ជីវភាព និងគុណភាពរស់នៅរបស់ប្រជាពលរដ្ឋនៅជនបទផងដែរ។
Provincail news
កូនត្នោតចំនួន ៣ពាន់ដើមត្រូវបានដាំបន្ថែមតាមព្រំដែនកម្ពុជា-វៀតណាម ក្នុងស្រុកបន្ទាយមាសបន្ទាប់ពីដាំបាន ១ម៉ឺន ៧ពាន់ដើមក្នុងស្រុកកំពង់ត្រាច
កូនត្នោតចំនួន ៣ ០០០ដើមត្រូវបានអាជ្ញាធរខេត្តកំពតបន្តដាំតាមព្រំដែន-កម្ពុជាវៀតណាម ក្នុងភូមិសំរោងចិន ឃុំព្រៃទន្លេ ស្រុកបន្ទាយមាស ក្រោយពីបានដាំចំនួន ៣ដងរួចមកហើយ ដែលមានកូនត្នោតចំនួន ១៧ ០០០ដើម ក្នុងស្រុកកំពង់ត្រាច កាលពីឆ្នាំ២០២២ រហូតដល់ឆ្នាំ២០២៤។ អភិបាលខេត្តកំពត បានប្រាប់ទៅកាន់អាជ្ញាធរ និងប្រជាពលរដ្ឋក្នុងមូលដ្ឋានដែលបានដាំកូនត្នោតនេះ រួមគ្នាថែរក្សាអោយដុះលូតលាស់ល្អ ព្រោះដើមត្នោតគឺជាអត្តសញ្ញាណរបស់ជាតិខ្មែរ និងមានផលប្រយោជន៍ច្រើន។
Provincail news
អភិបាលស្រុកជុំគិរី ដឹកនាំកិច្ចប្រជុំដោះស្រាយបញ្ហាសណ្តាប់ធ្នាប់ផ្សារ និងប្រព័ន្ធអគ្គិសនីនៅជុំគិរី
កំពត៖ នារសៀលថ្ងៃទី២៧ ខែសីហា ឆ្នាំ២០២៦ លោកស្រី ង៉ែត សូរ្យសែង អភិបាលស្រុកជុំគិរី បានដឹកនាំកិច្ចប្រជុំជាមួយប្រធានក្រុមហ៊ុនអគ្គិសនីទឹកឈូ មេឃុំត្រពាំងរាំង អ្នកវិនិយោគ និងអ្នកប្រមូលភាស៊ីផ្សារជុំគិរី នៅស្រុកជុំគិរី ដើម្បីពិភាក្សា និងដោះស្រាយបញ្ហាប្រឈមពាក់ព័ន្ធនឹងការគ្រប់គ្រង សណ្តាប់ធ្នាប់ និងប្រតិបត្តិការក្នុងផ្សារ ឱ្យមានការរៀបចំប្រព្រឹត្តទៅដោយរលូន មានប្រសិទ្ធភាព និងមានសុវត្ថិភាព។
Provincail news
ថ្នាក់ដឹកនាំខេត្តកំពត ចូលរួមកិច្ចប្រជុំពេញអង្គគណៈរដ្ឋមន្ត្រី ក្រោមអធិបតីភាព សម្តេចធិបតី ហ៊ុន ម៉ាណែត
កំពត៖ នៅព្រឹកថ្ងៃទី២៨ ខែសីហា ឆ្នាំ២០២៦ ឯកឧត្តម តាក ហាប់ ប្រធានក្រុមប្រឹក្សាខេត្ត និងឯកឧត្តម ម៉ៅ ធនិន អភិបាលនៃគណៈអភិបាលខេត្តកំពត បានអញ្ជើញចូលរួមក្នុងកិច្ចប្រជុំពេញអង្គគណៈរដ្ឋមន្ត្រី តាមរយៈប្រព័ន្ធបច្ចេកវិទ្យា (Zoom Meeting) ក្រោមអធិបតីភាពដ៏ខ្ពង់ខ្ពស់របស់សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រីនៃព្រះរាជាណាចក្រកម្ពុជា ដើម្បីពិភាក្សា និងឆ្លងលើរបៀបវារៈសំខាន់ៗចំនួន ៥ ក្នុងគោលបំណងវាយតម្លៃវឌ្ឍនភាពការងារកែទម្រង់ជាតិ និងពង្រឹងកិច្ចសហប្រតិបត្តិការអន្តរជាតិ។