Provincial News

ភ្នំពេញ៖ ក្រសួងធនធានទឹក និងឧតុនិយម បានចេញសេចក្តីជូនដំណឹង អំពាវនាវឱ្យសាធារណជន និងអ្នកធ្វើដំណើរតាមផ្លូវគោក និងផ្លូវទឹក បង្កើនការប្រុងប្រយ័ត្នខ្ពស់ចំពោះបាតុភូតភ្លៀងធ្លាក់ ផ្គររន្ទះ និងខ្យល់កន្ត្រាក់ នៅទូទាំងប្រទេសកម្ពុជា ចាប់ពីថ្ងៃទី៥ ដល់ថ្ងៃទី១៥ ខែសីហា ឆ្នាំ២០២៦ ដោយសារតែឥទ្ធិពលនៃព្យុះទី១៤ ឈ្មោះ «កុជីរ៉ា» (Kujira) និងព្យុះទី១៣ ឈ្មោះ «ដុលហ្វីន» (Dolphin) បានបង្កើនកម្លាំងរបបខ្យល់មូសុងនិរតី ទោះបីជាប្រទេសកម្ពុជាមិនស្ថិតនៅក្នុងគន្លងផ្លូវដើរដោយផ្ទាល់នៃព្យុះទាំងពីរនេះក៏ដោយ។

ភ្នំពេញ៖ នៅថ្ងៃទី២៧ ខែកក្កដានេះ នាយកដ្ឋានប្រឆាំងបទល្មើសបច្ចេកវិទ្យា បានបង្ហាញ និងក្រើនរំលឹកដល់សាធារណជនពីល្បិចកលបោកប្រាស់លក់ឆ្នោតកោសតាម Facebook ដែលកំពុងប្រើប្រាស់វិធីសាស្ត្រផ្សាយផ្ទាល់ (Live) កុហកថាឈ្នះរង្វាន់ធំ ដើម្បីបោកបញ្ឆោតទារប្រាក់ជាបន្តបន្ទាប់ពីប្រជាពលរដ្ឋ រហូតធ្វើឱ្យជនរងគ្រោះបាត់បង់ថវិកាទាំងស្រុង។

ភ្នំពេញ៖ យោងតាមព្រឹត្តិបត្រព័ត៌មានស្តីពីស្ថានភាពធាតុអាកាស របស់ក្រសួងធនធានទឹក និងឧតុនិយម ដែលបានផ្សព្វផ្សាយនៅថ្ងៃទី៦ ខែកក្កដា ឆ្នាំ២០២៦ នេះ បានឱ្យដឹងថា ព្រះរាជាណាចក្រកម្ពុជាកំពុងបន្តរងឥទ្ធិពលពីព្យុះទី៩ ឈ្មោះ បាវី (Bavi) T2609 ដែលបានវិវត្តទៅជាព្យុះសង្ឃរា រហូតដល់ថ្ងៃទី១២ ខែកក្កដា ខាងមុខ ខណៈព្យុះទី១០ ឈ្មោះ ម៉ៃស័ក (Maysak) T2610 (ដែលជាឈ្មោះរបស់កម្ពុជា) នឹងត្រូវរលាយបាត់ទៅវិញនៅថ្ងៃទី៦ ខែកក្កដានេះ។

ភ្នំពេញ៖ ក្រសួងសេដ្ឋកិច្ច និងហិរញ្ញវត្ថុ បានចេញសេចក្តីណែនាំមួយស្តីពី «ការគ្រប់គ្រងផលិតផលគ្រឿងស្រវឹង និងភេសជ្ជៈមានជាតិស្ករ» ដោយតម្រូវឱ្យក្រុមហ៊ុន និងសហគ្រាសទាំងអស់បញ្ឈប់រាល់ការផ្តល់ ឬប្តូរជារង្វាន់ ត្រឹមថ្ងៃទី៣០ ខែកញ្ញា ឆ្នាំ២០២៦ខាងមុខនេះ ដើម្បីពង្រឹងការគ្រប់គ្រងផលិតផលគ្រឿងស្រវឹង និងភេសជ្ជៈមានជាតិស្ករ ក្នុងស្រុក ស្របតាមគោលការណ៍ណែនាំរបស់រាជរដ្ឋាភិបាល។

ភ្នំពេញ៖ រាជរដ្ឋាភិបាលកម្ពុជាបានចេញសារាចរណែនាំជាផ្លូវការ សម្រេចផ្អាកការប្រារព្ធព្រះរាជពិធីបុណ្យអុំទូក បណ្តែតប្រទីប និងសំពះព្រះខែ អកអំបុក នៅតាមដងទន្លេសាប មុខព្រះបរមរាជវាំង ក្នុងរាជធានីភ្នំពេញ សម្រាប់ឆ្នាំ២០២៦ ដោយសាររាជរដ្ឋាភិបាលបាននឹងកំពុងយកចិត្តទុកដាក់លើស្ថានការណ៍ចំពោះមុខ នៅតាមព្រំដែនកម្ពុជា-ថៃ ជាពិសេសការដោះស្រាយបញ្ហានានាជូនជនភៀសសឹក ក៏ដូចជាកិច្ចការអាទិភាពមួយចំនួន។

សម្ពាធទាបដែលគ្របដណ្តប់លើឈូងសមុទ្របេងហ្គាល សមុទ្រអាន់ដាម៉ាន់ សមុទ្រចិនខាងត្បូង អាងទន្លេមេគង្គ សមុទ្រកម្ពុជា មានឥទ្ធិពលលើរបបខ្យល់មូសុងនិរតី ដែលបក់លើ ប្រទេសកម្ពុជា។ ស្ថានភាពបែបនេះនឹងធ្វើឱ្យធាតុអាកាសចាប់ពីថ្ងៃទី៣០ ខែមិថុនា ដល់ថ្ងៃទី២ ខែកក្កដា ឆ្នាំ២០២៦៖

​ភ្នំពេញ÷ នៅព្រឹក​ថ្ងៃទី៣០​ ខែមិថុនា​ ឆ្នាំ​២០២៦​ ​ក្រសួងព្រះបរមរាជវាំង​ បានចេញ​សេចក្ដី​ប្រកាស​ព័ត៌មានពាក់ពន្ធនឹងព្រះរាជសុខភាពព្រះមហាក្សត្រ​ នៃព្រះរាជាណាចក្រកម្ពុជា​ ដោយក្រសួងព្រះបរមរាជវាំងបានប្រកាសឱ្យដឹងថា ស្ថានភាពព្រះរាជសុខភាពរបស់ ព្រះបាទសម្តេចព្រះបរមនាថ នរោត្តម សីហមុនី ព្រះមហាក្សត្រនៃព្រះរាជាណាចក្រកម្ពុជា បានធូរស្រាល និងមានលក្ខណៈល្អប្រសើរឡើងវិញជាបណ្តើរៗហើយ។

ព្យុះទី៨ ឈ្មោះ ហ៊ីហ្គោស (Higos)T2608 ដែលគន្លងផ្លូវដើររបស់ព្យុះនេះស្របនឹងព្យុះទី៧ ឈ្មោះ មេខឡា ហើយមានឥទ្ធិពលលើរបបខ្យល់មូសុងនិរតីដែលបក់លើឈូងសមុទ្របេងហ្គាល សមុទ្រអាន់ដាម៉ាន់ សមុទ្រចិនខាងត្បូង អាងទន្លេមេគង្គ សមុទ្រកម្ពុជា និងលើប្រទេសកម្ពុជា​ តែកម្ពុជាពុំស្ថិតនៅក្នុងគន្លងផ្លូវដើររបស់ព្យុះទាំងពីរនេះទេ។

ប្រេងសាំងធម្មតាលក់ក្នុងតម្លៃ ៤ ៣៥០រៀល/លីត្រ  (ចុះ ២៥០ រៀល) និងប្រេងម៉ាស៊ូតលក់ក្នុងតម្លៃ ៤ ២៥០រៀល/លីត្រ (ចុះ ៤៥០ រៀល) នេះបើយោងតាមសេចក្តីជូនដំណឹងរបស់ក្រសួងពាណិជ្ជកម្ម ស្តីពី ថ្លៃលក់រាយប្រេងឥន្ធនៈនៅតាមស្ថានីយ ចុះផ្សាយនៅព្រឹកថ្ងៃទ២៣ ខែមិថុនា ឆ្នាំ២០២៦។

បើតាមសេចក្តីជូនដំណឹង ចុះថ្ងៃទី១១ ខែមិថុនា ឆ្នាំ២០២៦នេះ រដ្ឋបាលខេត្តកំពត បានសម្រេចដាក់ឱ្យអនុវត្តជាផ្លូវការ នូវការផ្តល់សេវារដ្ឋបាលតាមប្រព័ន្ធអនឡាញ (Online) នៅអង្គភាពច្រកចេញចូលតែមួយខេត្តកំពត ដើម្បីវិវដ្តឱ្យទាន់សម័យកាល ប្រសិទ្ធភាព ភាពឆាប់រហ័ស និងការសន្សំសំចៃរបស់ប្រជាពលរដ្ឋ។