ឯកឧត្ដម គ្រុយ ម៉ាឡេន អភិបាលរង បានបន្តទៀតថា ខេត្តកណ្តាលក៏បាននិងកំពុងកសាងប្រព័ន្ធហេដ្ឋារចនាសម្ព័ន្ធ ខ្វាត់ខ្វែង ប្រទាក់ក្រឡាគ្នា បម្រើទាំងវិស័យសេដ្ឋកិច្ច និងសង្គមកិច្ច ឆ្ពោះទៅកាន់ការ សម្រេចចក្ខុវិស័យ ប្រែក្លាយខេត្តកណ្តាលជា «ខ្សែក្រវ៉ាត់គាំទ្រសន្តិសុខ សុវត្ថិភាព ឧស្សាហកម្ម ឡូជីស្លឹក ស្បៀង និងលំនៅឋាន» ប្រកបដោយភាពស៊ីវិល័យ ភាពធន់ និងបរិយាបន្ន សំដៅលើកស្ទួយកម្រិតជីវភាព សុខុមាលភាព និងសេចក្តីថ្លៃថ្នូររបស់ ប្រជាពលរដ្ឋក្នុងខេត្តទាំងមូល ឱ្យកាន់តែមានភាពប្រសើរឡើងជាលំដាប់។

លោកជំទាវ ស្រ៊ុន ស្រីនាង បានឱ្យដឹងថា មន្ទីរកិច្ចការនារីខេត្ត  ជាសេនាធិការឲ្យរដ្ឋបាលខេត្ត និងក្រសួងកិច្ចការនារី លើការងារគ្រប់គ្រង ដឹកនាំ និងអនុវត្តវិស័យកិច្ចការនារី និងសមភាពយេនឌ័រនៅក្នុងខេត្ត។ ជាមួយនឹងគ្នានេះដែរលោកជំទាវក៏បានឱ្យអង្គពិធី លើកជាសំណើរ សំណូមពរ បញ្ហាប្រឈមនានា ដើម្បីរួមគ្នាដោះស្រាយប្រកបដោយប្រសិទ្ធភាព តម្លាភាព និងគណនេយ្យភាព និងស្វែងយល់វឌ្ឍនៈភាពការងារ ឯកភាពផ្ទៃក្នុង ការពាំពារ លើកកម្ពស់សុខុមាលភាពស្រ្តី។

មានប្រសាសន៍ក្នុងកិច្ចប្រជុំនេះដែរ លោកជំទាវ ស្រ៊ុន ស្រីនាង អភិបាលរងខេត្តកណ្ដាល បានលើកឡើងថា ទឹកជាប្រភពតម្រូវការចាំបាច់ប្រើប្រាស់ប្រចាំថ្ងៃរបស់ប្រជាពលរដ្ឋ ហើយក្រុមហ៊ុនចាំបាច់ត្រូវតែផ្គត់ផ្គង់ទឹកស្អាតជូនប្រជាពលរដ្ឋឱ្យប្រើប្រាស់បានគ្រប់គ្រាន់ និងប្រកបដោយគុណភាព។

ឯកឧត្តមអភិបាលខេត្ត បានស្នើដល់អាជ្ញាធរក្រុង-ស្រុក ត្រូវខិតខំចាត់វិធានការឱ្យបានម៉ឺងម៉ាត់ចំពោះការចោលសំរាមពាសវាលពាសកាល ត្រូវបន្តដាក់កាមេរ៉ាសុវត្ថិភាពនៅតាមគោលដៅសំខាន់ៗ និងពង្រីកការដាក់កាមេរ៉ាឱ្យបានកាន់តែច្រើន ដើម្បីតាមដាន និងផាកពិន័យអ្នកចោលសំរាមពាសវាលពាសកាល ក្នុងគោលបំណងកែប្រែឥរិយាបថ និងបញ្ឈប់ការចោលសំរាមមិនត្រឹមត្រូវ។

ឯកឧត្តមអភិបាលរង ក៏បានបន្ថែមថា តាមរយៈកិច្ចប្រជុំនាពេលនេះ រដ្ឋបាលខេត្តកណ្តាល នឹងបន្តផ្តល់កិច្ចការសហការយ៉ាងល្អ ជាមួយ អគ្គនាយដ្ឋាន សវនកម្មផ្ទៃក្នុង ក្រសួងមហាផ្ទៃ  ព្រមទាំងត្រៀមទទួលបាននូវអនុសាសន៍ល្អៗបន្ថែមទៀត ក្នុងកាកែតម្រូវនូវបញ្ហា ប្រឈមនានា ដើម្បីយកទៅកែលម្អ ក្នុងកិច្ចដំណើរការងាររបស់ខ្លួន ដើម្បីធ្វើការអភិវឌ្ឍន៍នៅមូលដ្ឋានជាបន្តបន្ទាប់។

លោកជំទាវ ស្រ៊ុន ស្រីនាង អភិបាលរងខេត្តកណ្តាល បាននាំមកនូវប្រសាសន៍ផ្ដាំផ្ញើសាកសួរសុខទុក្ខពីឯកឧត្តម គួច ចំរើន អភិបាល នៃគណៈអភិបាលខេត្តកណ្តាល ក្នុងនាមថ្នាក់ដឹងនាំ ក៏ដូចជាប្រជាពលរដ្ឋនៅសមរភូមិក្រោយ និងបន្តយកចិត្តទុកដាក់ និងគាំទ្រយ៉ាងជិតស្និតដល់ វីរៈកងទ័ពនិងគ្រួសារកងទ័ព។