សិក្ខាកាមដែលជាថ្នាក់ដឹកនាំមូលដ្ឋានបានបង្ហាញការប្តេជ្ញាចិត្តខ្ពស់ក្នុងការពង្រឹងក្រុមការងារព័ត៌មាននៅក្នុងរដ្ឋបាលរបស់ខ្លួន ដើម្បីផ្សព្វផ្សាយពីសមិទ្ធផល និងការអភិវឌ្ឍន៍ក្នុងមូលដ្ឋាន ដើម្បីឆ្លុះបញ្ចាំងពីការរីកចម្រើនជាក់ស្តែង និងឆ្លើយតបទៅនឹងក្តីកង្វល់របស់ប្រជាពលរដ្ឋក្នុងមូលដ្ឋានឱ្យកាន់តែមានប្រសិទ្ធភាព និងតម្លាភាព ក្រោយទទួលបានវគ្គបណ្តុះបណ្តាលស្តីពី"កិច្ចការព័ត៌មាន និងសាធារណមតិ"។
ក្នុងយុទ្ធនាការ «និយាយថាទេចំពោះព័ត៌មានក្លែងក្លាយ» ជំហានទី២ ដែលរៀបចំឡើងនៅវិទ្យាល័យមិត្តភាពកម្ពុជា-ជប៉ុនកំពតក្រុង នាថ្ងៃពុធសប្តាហ៍នេះ ឯកឧត្តម ខៀវ រិទ្ធិភ័ណ្ឌ អភិបាលរងខេត្តកំពត បានលើកឡើងថា ព័ត៌មានក្លែងក្លាយ កំពុងក្លាយជាបញ្ហាមួយដែលបង្កគ្រោះថ្នាក់ដល់សង្គម ហើយទាមទារឱ្យមានការផ្សព្វផ្សាយអំពីគ្រោះថ្នាក់នៃបញ្ហានេះឱ្យបានទូលំទូលាយបន្ថែមទៀត។
សាខាកាកបាទក្រហមកម្ពុជា ខេត្តកំពត បានរៀបចំពិធីសាសនាប្រគេនទេយ្យទាន និងថ្វាយព្រះពរជ័យថ្វាយ សម្តេចព្រះមហាក្សត្រី នរោត្តម មុនិនាថ សីហនុ ព្រះវររាជមាតាជាតិខ្មែរ និងជាព្រះប្រធានកិត្តិយសកាកបាទក្រហមកម្ពុជា ក្នុងឱកាសគម្រប់ ៩០ យាងចូល៩១ ព្រះវស្សា ដោយមានការចូលរួមពីថ្នាក់ដឹកនាំ មន្ត្រី និងយុវជនកាកបាទក្រហមយ៉ាងច្រើនកុះករ។
មន្ទីរព័ត៌មានខេត្តកំពត បានអនុវត្តយុទ្ធនាការនិយាយថា«ទេចំពោះព័ត៌មានក្លែងក្លាយ»ជំហ៊ាន២ ដើម្បីបញ្ជ្រាបការយល់ដឹងបន្ថែមអំពីគ្រោះថ្នាក់នៃព័ត៌មានក្លែងក្លាយ ដល់សិស្សានុស្ស និងយុវជន តាមរយៈការរៀបចំវេទិកាផ្សព្វផ្សាយ នៅបរិវេនវិទ្យាល័យមិត្តភាពកម្ពុជា-ជប៉ុនកំពតក្រុង នាថ្ងៃទី១៧ ខែមិថុនា ឆ្នាំ២០២៦នេះ។
យុទ្ធនាការ «និយាយថាទេ ចំពោះព័ត៌មានក្លែងក្លាយ» ជំហានទី២ ក្រោមប្រធានបទ «ពង្រឹងអក្ខរកម្មព័ត៌មាន និងប្រព័ន្ធផ្សព្វផ្សាយ» មានការចូលរួមយ៉ាងផុសផុលពីសិស្សានុសិស្ស និងអ្នកពាក់ព័ន្ធនៅខេត្តកំពត ដើម្បីលើកកម្ពស់ការយល់ដឹងអំពីសុវត្ថិភាពព័ត៌មានឌីជីថល ជំរុញការគិតវិភាគ និងប្រយុទ្ធប្រឆាំងព័ត៌មានក្លែងក្លាយក្នុងសង្គម។
