ក្រសួងព័ត៌មាន៖ ជនខិលខូចលួចបន្លំបង្កើតគណនី Telegram ក្លែងក្លាយ ដោយប្រើប្រាស់ឈ្មោះ និងរូបថត ឯកឧត្តម នេត្រ ភក្ត្រា
ភ្នំពេញ៖ បើតាមផេកផ្លូវការរបស់ក្រសួងព័ត៌មាន នៅថ្ងៃទី៦ ខែកក្កដានេះ បានឱ្យដឹងថា ការិយាល័យអ្នកនាំពាក្យក្រសួងព័ត៌មាន បានចេញសេចក្តីប្រកាសព័ត៌មានមួយ ដើម្បីជម្រាបជូនសាធារណជនឱ្យបានជ្រាបអំពីករណីនាថ្មីៗនេះ មានជនខិលខូចបានលួចបន្លំយកឈ្មោះ និងរូបថតរបស់ ឯកឧត្តម នេត្រ ភក្ត្រា រដ្ឋមន្ត្រីក្រសួងព័ត៌មាន ទៅបង្កើតជាគណនីតេឡេក្រាម (Telegram) ក្លែងក្លាយ។ ការបង្កើតគណនីក្លែងក្លាយនេះ ធ្វើឡើងក្នុងចេតនាទុច្ចរិត ដើម្បីប្រព្រឹត្តសកម្មភាពផ្ទុយនឹងច្បាប់។
