រាជរដ្ឋាភិបាល អនុញ្ញាតឱ្យធនាគារជាតិនៃកម្ពុជា ចេញផ្សាយក្រដាសប្រាក់គំរូថ្មី ប្រភេទ ៥០០០០ រៀល និង ១០០០០០ រៀល និងដាក់ឱ្យចរាចរទន្ទឹមគ្នានឹងក្រដាសប្រាក់គំរូចាស់ដែលកំពុងចរាចរ។
កំពត៖ ដើម្បីបង្កើនការយល់ដឹងរបស់សាធារណជនអំពីសិទ្ធិ និងនីតិវិធីដាក់ពាក្យបណ្តឹង ព្រមទាំងពង្រឹងទំនុកចិត្តលើវិស័យធានារ៉ាប់រងនៅកម្ពុជា និយ័តករធានារ៉ាប់រងកម្ពុជា សហការជាមួយរដ្ឋបាលខេត្តកំពតបានរៀបចំសិក្ខាសាលាផ្សព្វផ្សាយអំពីនីតិវិធីនៃការទទួល និងដោះស្រាយបណ្តឹងធានារ៉ាប់រង នៅសណ្ឋាគារ Castle View Resort ខេត្តកំពត កាលពីរសៀលថ្ងៃទី២២ ខែកញ្ញា ឆ្នាំ២០២៦។
កំពត៖ ស្រុកបន្ទាយមាស ត្រូវបានគេស្គាល់ថាជាស្រុកមានសក្តានុពលខ្ពស់លើវិស័យកសិកម្ម មិនថាការធ្វើស្រែចម្ការ ការដាំបន្លែ ឬការចិញ្ចឹមសត្វនោះទេ។ ក្នុងចំណោមដំណាំរួមផ្សំទាំងអស់ «ដំណាំអំពៅ» បាន និងកំពុងដើរតួនាទីយ៉ាងសំខាន់ក្នុងការទ្រទ្រង់ជីវភាពគ្រួសារកសិករក្នុងតំបន់នេះអស់រយៈពេលជាច្រើនឆ្នាំមកហើយ។
កំពត៖ នាព្រឹកថ្ងៃទី២៣ ខែកញ្ញា ឆ្នាំ២០២៦ លោក អ៉ឹម ច័ន្ទសោធន អភិបាលស្រុកទឹកឈូ បានដឹកនាំក្រុមការងារបច្ចេកទេសស្រុក អាជ្ញាធរឃុំ និងភូមិ ចុះពិនិត្យផ្ទាល់សកម្មភាពការដ្ឋានសាងសង់ផ្លូវថ្មីមួយខ្សែ ស្ថិតនៅក្នុងភូមិបុះត្របែក ឃុំត្រពាំងព្រីង ស្រុកទឹកឈូ ខេត្តកំពត ដើម្បីឆ្លើយតបទៅនឹងតម្រូវការចាំបាច់របស់ប្រជាពលរដ្ឋ សម្រួលដល់ការដឹកជញ្ជូន និងជំរុញវិស័យទេសចរណ៍។
កំពត៖ មន្ទីរសុខាភិបាលនៃរដ្ឋបាលខេត្តកំពត បានចេញសេចក្តីបំភ្លឺព័ត៌មានជាផ្លូវការនៅថ្ងៃទី២៥ ខែកញ្ញា ឆ្នាំ២០២៦ ជុំវិញករណីមរណភាពរបស់ស្ត្រីអាយុ ៣០ឆ្នាំ រស់នៅភូមិអង្គពពាយ ឃុំដំណាក់សុក្រំ ស្រុកដងទង់ ដែលបានទទួលមរណភាពបណ្តាលមកពី «ស្ទះសរសៃឈាមសួតដោយសារទឹកភ្លោះ (Amniotic Fluid Embolism)» ក្នុងអំឡុងពេលក្រុមគ្រូពេទ្យជំនាញនៃមន្ទីរពេទ្យបង្អែកខេត្តកំពត ខិតខំប្រើប្រាស់គ្រប់វិធានការបច្ចេកទេស និងការវះកាត់សង្គ្រោះបន្ទាន់យ៉ាងយកចិត្តទុកដាក់បំផុត។
