លោកអភិបាលស្រុក÷ តំណែង គឺជាការទុកចិត្ត មិនមែនតែងតាំងដើម្បីលម្អឈ្មោះឡើយ អ្នកមានតំណែងថ្ងៃនេះជានាយក ជានាយិការ ត្រូវបង្ហាញគុណតម្លៃតាមរយៈលទ្ធផល សុច្ចរិតភាព វិន័យ សីលធម៌ គុណធម៌និងទំនួលខុសត្រូវ ក្នុងការបំពេញតួនាទីភារកិច្ច
កំពត៖ ភ្ញៀវទេសចរជាតិ និងអន្តរជាតិចម្រុះជាតិសាសន៍ជាង ២ពាន់នាក់ មកពី ២៦ប្រទេស បានមកជួបជុំគ្នារត់ក្នុង ព្រឹត្តិការណ៍រត់ឆ្លងឧបសគ្គផ្សារភ្ជាប់ទេសចរណ៍ក្នុងរដូវកាលបៃតង ក្រោមប្រធានបទ «រត់ដើម្បីទេសចរណ៍បៃតង លើភ្នំបូកគោ» លើខ្នងភ្នំបូកគោ ដើម្បីលើកម្ពស់ការផ្សព្វផ្សាយពីគោលដៅទេសចរណ៍បៃតង ទេសចរណ៍កីឡា និងលើកកម្ពស់ជីវភាពប្រជាពលរដ្ឋក្នុងមូលដ្ឋានឱ្យកាន់តែរីកចម្រើន។
កំពត៖ រដ្ឋបាលខេត្តកំពត សហការជាមួយក្រសួងទេសចរណ៍ និងស្ថាប័នពាក់ព័ន្ធ បានរៀបចំ «កម្មវិធីបង្ហាញស្នាដៃចម្អិន និងពិព័រណ៍ម្ហូបអាហារ» ចាប់ពីថ្ងៃទី២ ដល់ថ្ងៃទី៤ ខែតុលា ឆ្នាំ២០២៦ វេលាម៉ោង ១៦:៣០ នាទីតទៅ នៅបរិវេណរូបសំណាកបាតដៃ ខេត្តកំពត ក្នុងគោលបំណងលើកកម្ពស់ទេសចរណ៍តំបន់ឆ្នេរ និងបង្ហាញពីសិល្បៈនៃការចម្អិនម្ហូបអាហារក្នុងស្រុក តាមរយៈការរៀបចំស្តង់ពិព័រណ៍ និងសកម្មភាពបង្ហាញស្នាដៃចម្អិនផ្ទាល់។
កំពត៖ ក្រុមការងារអត្តសញ្ញាណប័ណ្ណ នៃអធិការដ្ឋាននគរបាលក្រុងកំពត នឹងចុះបំពេញបែបបទថតផ្តល់អត្តសញ្ញាណប័ណ្ណសញ្ជាតិខ្មែរ (គំរូថ្មី) ជូនប្រជាពលរដ្ឋដោយផ្ទាល់នៅតាមទីតាំងវត្តអារាមក្នុងសង្កាត់អណ្តូងខ្មែរ និងសង្កាត់ត្រើយកោះ ចាប់ពីថ្ងៃទី០១ ដល់ថ្ងៃទី០៦ ខែតុលា ឆ្នាំ២០២៦។
កំពត៖ ថ្នាក់ដឹកនាំខេត្តកំពត ស្នើក្រុមប្រឹក្សាឃុំ មន្ត្រីជំនាញ អង្គការសង្គមស៊ីវិល និងដៃគូអភិវឌ្ឍន៍ បន្តសហការគ្នាយ៉ាងជិតស្និទ្ធ ក្នុងការពិនិត្យ និងគាំទ្រគម្រោងអភិវឌ្ឍន៍នៅមូលដ្ឋាន ពិសេសគម្រោងដែលបានសន្យាគាំទ្រកន្លងមក ត្រូវខិតខំអនុវត្តឱ្យបានទាន់ពេលវេលា ដើម្បីឆ្លើយតបនឹងតម្រូវការជាក់ស្តែងរបស់ប្រជាពលរដ្ឋ។
