បាត់ដំបង៖ ក្រសួងព័ត៌មាន បានរៀបចំសិក្ខាសាលាផ្សព្វផ្សាយអំពីវឌ្ឍនភាពការងារកែទម្រង់វិមជ្ឈការ និងវិសហមជ្ឈការ ក្នុងក្របខណ្ឌក្រសួងព័ត៌មាន និងពិនិត្យឡើងវិញនូវមុខងារដែលបានធ្វើប្រតិភូកម្មទៅមន្ទីរព័ត៌មាន និងរដ្ឋបាលថ្នាក់ក្រោមជាតិ ដែលបានប្រារព្ធធ្វើឡើងនៅខេត្តបាត់ដំបង រយះពេល២ថ្ងៃ ថ្ងៃទី២២-២៣ ខែតុលា ឆ្នាំ២០២៦ ក្រោមអធិបតីភាព ឯកឧត្តម រស់ ថាន់សន រដ្ឋលេខាធិការនិងជាអនុប្រធានប្រចាំការគណៈកម្មការកំណែទម្រង់វិមជ្ឈការ និងវិសហមជ្ឈការនៃក្រសួងព័ត៌មាន ដោយមានការអញ្ជើញចូលរួមពី លោក ហេងវណ្ណនី អភិបាលរងខេត្ត និងជាតំណាងឯកឧត្តមអភិបាលនៃគណអភិបាលខេត្តបាត់ដំបង ថ្នាក់ដឹកនាំ មន្ត្រីរាជការ តំណាងមន្ទីរព័ត៌មានរាជធានី-ខេត្ត និងតំណាងរដ្ឋបាលថ្នាក់ក្រោមជាតិ។

បាត់ដំបង៖ នាព្រឹកថ្ងៃទី២៣ ខែតុលា ឆ្នាំ២០២៦ នៅសាលប្រជុំសាលាខេត្តបាត់ដំបង ឯកឧត្តម រស់ ថាន់សន រដ្ឋលេខាធិការ និងជាអនុប្រធានប្រចាំការគណៈកម្មការកំណែទម្រង់វិមជ្ឈការ និងវិសហមជ្ឈការក្រសួងព័ត៌មាន និងលោក ហ៊ាង វុទ្ធី មន្ត្រីអធិការដ្ឋានក្រសួងព័ត៌មាន បានធ្វើបទបង្ហាញជូនដល់សិក្ខាកាមដែលជាមន្ត្រីមកពីមន្ទីរព័ត៌មានរាជធានី-ខេត្ត ក្នុងកម្មវិធីសិក្ខាសាលាស្តីពី «វឌ្ឍនភាពការងារកំណែទម្រង់វិមជ្ឈការ និងវិសហមជ្ឈការក្រសួងព័ត៌មាន» ដែលរៀបចំឡើងដោយក្រសួងព័ត៌មាន។

បាត់ដំបង៖នៅថ្ងៃទី២៣ ខែតុលា ឆ្នាំ២០២៦ ឯកឧត្តម នូ វឌ្ឍនៈ អនុរដ្ឋលេខាធិការក្រសួងសាធារណការ និងដឹកជញ្ជូនបានដឹកនាំដឹកនាំក្រុមការងារចុះពិនិត្យទីតាំងពិសោធន៍ និងប្រគល់នូវវិញ្ញាបនបត្របញ្ជាក់ពីសមត្ថភាពដល់មន្ទីរសាធារណការ និងដឹកជញ្ជូនខេត្តបាត់ដំបង។

បាត់ដំបង: រសៀលថ្ងៃទី២២ ខែតុលា ឆ្នាំ២០២៦ ឯកឧត្តម សុខ លូ អភិបាលនៃគណៈភិបាលខេត្ត និងជាប្រធានគណៈកម្មាធិការសាខាកាកបាទក្រហមកម្ពុជា ខេត្តបាត់ដំបង និងសហការី បានអញ្ជើញចូលរួមគោរពវិញ្ញាណក្ខន្ធសព មហាឧបាសកពុទ្ធសាសនូបត្ថម្ភក៏ មិន មួន ដែលត្រូវជាជីតាបង្កើតរបស់ព្រះបញ្ញាមុនីញាណ ហាក់ សៀងហៃ។

បាត់ដំបង: ក្រុមហ៊ុន យ៉ូស សហការជាមួយសាខាសមាគមនារីក្រសួងមហាផ្ទៃ ចូលរួមជាកម្លាំងជួរក្រោយ គាំទ្រដល់កងទ័ពជួរមុខ នៅខេត្តបាត់ដំបង ដែលប្រព្រឹត្តទៅនាព្រឹកថ្ងៃទី២២ ខែតុលា ឆ្នាំ២០២៦ នៅស្រុកសំឡូត ក្រោមអធិបតីភាព លោកជំទាវ ជួញ សុឆៃ អនុរដ្ឋលេខាធិការ និងជាអនុប្រធានអចិន្ត្រៃណ៍គណៈកម្មការសាខាសមគមន៍នារីក្រសួងមហាផ្ទៃ តំណាងលោកជំទាវ កែ សួនសុភី ស សុខា ប្រធានកិត្តិយសគណៈកម្មការសាខាសមាគមន៍នារីក្រសួងមហាផ្ទៃ និងដោយមានការអញ្ជើញចូលរួមពី ឯកឧត្តម ឧត្តមសេនីយ៍ឯក សម វណ្ណវីរៈ អគ្គស្នងការរង នៃអគ្គស្នងការដ្ឋាននគរបាលជាតិ លោកស្រី ហេង សុទ្ធាវី អគ្គនាយិកាក្រុមហ៊ុន វ៉ាយ អេច អេស (ខេមបូឌា) ហ្វ៊ូដ និងបើវើរិច ព្រមទាំងលោកអភិបាលស្រុក កងកម្លាំងនគរបាលព្រំដែនគោក កងកម្លាំងយោធាប្រចាំទិសសំឡូត។

បាត់ដំបង៖ឯកឧត្តម ប៉ាវ ហមផាន រដ្ឋលេខាធិការក្រសួងមហាផ្ទៃ និងជាប្រធានក្រុមការងារទទួលបន្ទុករួម បានអញ្ជើញជាអធិបតីក្នុងកិច្ចប្រជុំស្ដីពីការងារដឹកនាំគាំទ្រ តាមដាន និងជំរុញការផ្ដល់អត្តសញ្ញាណបណ្ណសញ្ជាតិខ្មែរ និងឯកសារអត្តសញ្ញាណផ្សេងទៀតជូនប្រជាពលរដ្ឋខ្មែរទូទៅ និងប្រជាពលរដ្ឋខ្មែរដែលទើបវិលត្រឡប់ពីប្រទេសថៃក្នុងភូមិសាស្រ្តខេត្តបាត់ដំបង។