មន្ទីរអប់រំ យុវជន និងកីឡាខេត្តកណ្តាល រៀបចំកិច្ចប្រជុំបូកសរុប និងវាយតម្លៃចលនាប្រឡងប្រណាំង ៣ល្អ ឆ្នាំ២០២៦ ដើម្បីលើកកម្ពស់គុណភាពអប់រំ និងអភិវឌ្ឍសមត្ថភាពយុវជន និងកុមារ

ឯកឧត្តមបានណែនាំឱ្យ គ្រប់វិទ្យាល័យសូមសិក្សាស្វែងយល់ពីបទពិសោធន៍ល្អៗរបស់វិទ្យាល័យ ហ៊ុន សែន ដើមឫស ស្រុកកណ្តាលស្ទឹង ដែលមានសិស្សប្រឡងជាប់សញ្ញាបត្រមធ្យមសិក្សាទុតិយភូមិច្រើនស្ទើរតែទាំងអស់ ដើម្បីយកមកចែករំលែក និងអនុវត្តឱ្យសមស្របតាមស្ថានភាពជាក់ស្តែងរបស់សាលា ក្នុងគោលដៅលើកកម្ពស់គុណភាពបង្រៀន និងលទ្ធផលសិក្សារបស់សិស្សឱ្យកាន់តែប្រសើរឡើង។

លោកជំទាវបានគូសបញ្ជាក់ថា សកម្មភាពទាំងនេះមានសារៈសំខាន់ក្នុងការបណ្តុះជំនាញទន់ ស្មារតីទទួលខុសត្រូវ វិន័យ និងសីលធម៌ ដើម្បីឱ្យយុវជន និងកុមារក្លាយជា «កូនល្អ សិស្សល្អ មិត្តល្អ» និងជាពលរដ្ឋសកម្ម មានប្រយោជន៍សម្រាប់សង្គមជាតិ ស្របតាមយុទ្ធសាស្ត្របញ្ចកោណដំណាក់កាលទី១ ដែលចាត់ទុកមនុស្សជាអាទិភាពគន្លឹះក្នុងការអភិវឌ្ឍជាតិ។

លោកជំទាវ នួន នារតី បានអំពាវនាវដល់មន្ត្រីជំនាញ អាជ្ញាធរមូលដ្ឋាន លោកគ្រូ អ្នកគ្រូ អាណាព្យាបាល និងសហគមន៍ បន្តសហការគ្នាឱ្យបានជិតស្និទ្ធ ដើម្បីលើកកម្ពស់ការចូលរៀនរបស់កុមារតូច ព្រមទាំងយកចិត្តទុកដាក់លើសុវត្ថិភាព អនាម័យ អាហារូបត្ថម្ភ និងការអប់រំប្រកបដោយភាពកក់ក្តៅ និងសមស្របតាមវ័យរបស់កុមារ។

ឯកឧត្តម គួច ចំរើន បានសម្តែងសេចក្តីសោមនស្សរីករាយ និងអបអរសាទរយ៉ាងកក់ក្តៅចំពោះក្មួយៗសិស្សានុសិស្ស ដែលបានខិតខំប្រឹងប្រែងរៀនសូត្ររហូតទទួលបានលទ្ធផលល្អប្រសើរ ដោយចាត់ទុកថា ភាពជោគជ័យនេះមិនត្រឹមតែជាមោទនភាពរបស់សិស្សផ្ទាល់ប៉ុណ្ណោះទេ ប៉ុន្តែជាមោទនភាពរបស់មាតាបិតា អាណាព្យាបាល លោកគ្រូ អ្នកគ្រូ សាលារៀន និងខេត្តកណ្ដាលទាំងមូល។

ឯកឧត្តម ប៊ុន ផេង អភិបាលរងខេត្តកណ្ដាល៖ បានណែនាំដល់អាជ្ញាធរក្រុង-ស្រុក និងមន្ត្រីជំនាញត្រូវចុះពិនិត្យស្ថានភាពជាក់ស្តែងនៃអគារសិក្សាដែលជាអំណោយរបស់ សម្តេចតេជោ ហ៊ុន សែន នៅតាមគ្រឹះស្ថានសិក្សានានាក្នុងដែនសមត្ថកិច្ចរបស់ខ្លួន និងធ្វើការវាយតម្លៃផ្នែកបច្ចេកទេសឱ្យបានច្បាស់លាស់