ព័ត៌មានតាមបណ្តារខេត្ត

(កំពង់ចាម)៖ ស្ថានភាពទឹកទន្លេមេគង្គក្នុងខេត្តកំពង់ចាម នាថ្ងៃទី២៨ ខែសីហា ឆ្នាំ២០២៦ នេះ បានបន្តស្រកចុះមកត្រឹម ១៣,៣៣ ម៉ែត្រ ថយចុះ ០,៣៣ ម៉ែត្រ ធៀបនឹងថ្ងៃម្សិលមិញ ដែលស្ថិតនៅទាបជាងកម្រិតត្រូវប្រកាសប្រុងប្រយ័ត្នចំនួន ១,៨៧ ម៉ែត្រ។

កំពង់ចាម៖ រដ្ឋបាលខេត្តកំពង់ចាម បានទទួលស្វាគមន៍គណៈប្រតិភូមកពីខេត្តចំនួន ៥ ដើម្បីចុះទស្សនកិច្ចសិក្សា ផ្លាស់ប្តូរ និងចែករំលែកបទពិសោធន៍ស្តីពីការអនុវត្តការងារគណនេយ្យភាពសង្គម ដោយមានអ្នកចូលរួមសរុបចំនួន ៧៩៥នាក់ នារសៀលថ្ងៃទី២៧ ខែសីហា ឆ្នាំ២០២៦ នៅសាលសន្និសីទសាលាខេត្តកំពង់ចាម។

នៅថ្ងៃទី២៧ ខែសីហា ឆ្នាំ២០២៦ នេះ ខណ្ឌរដ្ឋបាលជលផលកំពង់ចាម សហការជាមួយអាជ្ញាធរមានសមត្ថកិច្ចក្នុងមូលដ្ឋាន បានចុះប្រតិបត្តិការ ត្រួតពិនិត្យ និងបង្ក្រាបបទល្មើសជលផល ចំនួន ២ករណី នៅក្នុងភូមិសាស្ត្រ ស្រុកកងមាស ខេត្តកំពង់ចាម ដោយបានបំផ្លាញឧបករណ៍ខុសច្បាប់ និងលែងកូនត្រី មួយចំនួន ចូលបឹងធម្មជាតិវិញផងដែរ ។

(កំពង់ចាម)៖ នាព្រឹកថ្ងៃទី២៧ ខែសីហា ឆ្នាំ២០២៦ ក្រសួងកិច្ចការនារី បានរៀបចំសិក្ខាសាលាផ្សព្វផ្សាយ និងលើកកម្ពស់ការយល់ដឹងស្តីពី «របៀបវារៈ ស្រ្តី សន្តិភាព និងសន្តិសុខ» នៅថ្នាក់ក្រោមជាតិ ក្រោមអធិបតីភាពដ៏ខ្ពង់ខ្ពស់របស់ លោកជំទាវ គង់ សូរីតា រដ្ឋលេខាធិការក្រសួងកិច្ចការនារី និងដោយមានការអញ្ជើញចូលរួមពី លោកស្រី ប៉ាង ដានី អភិបាលរង នៃគណៈអភិបាលខេត្តកំពង់ចាម ព្រមទាំងតំណាងអាជ្ញាធរ និងភាគីពាក់ព័ន្ធជាច្រើនរូប នៅសណ្ឋាគារ LBN អាស៊ី ក្រុងកំពង់ចាម។

ថ្ងៃទី២៦ ខែសីហា ឆ្នាំ២០២៦ ខណ្ឌរដ្ឋបាលជលផលកំពង់ចាម ខណ្ឌរដ្ឋបាលជលផលកំពង់ចាម សហការជាមួយអាជ្ញាធរស្រុកកំពង់សៀម ចុះប្រតិបត្តិការ ត្រួតពិនិត្យ និងបង្ក្រាបបទល្មើសជលផលបានចំនួន ២ករណី

កំពង់ចាម ៖ ឯកឧត្តម អ៊ុន ចាន់ដា ប្រធានគណ:កម្មាធិការសាខាកាកបាទក្រហមខេត្តកំពង់ចាម ព្រមទាំងសហការី នៅព្រឹកថ្ងៃទី ២៦ ខែសីហា ឆ្នាំ២០២៦ នេះ បានអញ្ជើញចុះសួរសុខទុក្ខ និងនាំយកអំណោយមនុស្សធម៌សម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុន សែន ប្រធានកាកបាទក្រហមកម្ពុជា ផ្ដល់ជូនប្រជាពលរដ្ឋរងគ្រោះដោយទឹកជំនន់ សរុប ១៥៨ គ្រួសារ ក្នុងនេះ មកពី ៣ឃុំ ក្នុងស្រុកកំពង់សៀមចំនួន ២៦គ្រួសារ មកពីឃុំពាមកោះស្នា ៣៥គ្រួសារ និងឃុំទួលព្រះឃ្លាំង ក្នុងស្រុកស្ទឹងត្រង់ ចំនួន ៩៧គ្រួសារ ដែលបានជម្លៀសមកកាន់ទីទួលសុវត្ថិភាព ។

​វិទ្យុជាតិភ្នំប្រុសភ្នំស្រី FM92.50MHzខេត្តកំពង់ចាម កម្មវិធីយើងធ្វើបានកំពុងពិភាក្សាលើប្រធានបទ៖«​​ដំណើរការនៃការសម្របសម្រួលករណីអំពើហិង្សាក្នុងគ្រួសារ»

​វិទ្យុជាតិភ្នំប្រុសភ្នំស្រី FM92.50MHzខេត្តកំពង់ចាម កម្មវិធីជម្រើសដើម្បីសុវត្ថិភាពកំពុងពិភាក្សាលើប្រធានបទ៖«​​លើកម្ពស់ការថែទាំសុខភាពកម្មការនីរោងចក្រ»

កំពង់ចាម ៖ ដើម្បីចូលរួមចំណែកលើកកម្ពស់បរិយាកាសសិក្សា និងសម្រួលដល់ការប្រើប្រាស់ភ្លើងបំភ្លឺក្នុងបរិវេណសាលារៀន នៅថ្ងៃទី២៥ ខែសីហា ឆ្នាំ២០២៦ ឯកឧត្តម គន់ សុភា និងលោក ជួប វណ្ណរុណ តំណាងអតីតសិស្សវិទ្យាល័យព្រះសីហនុ បាននាំយកអំពូលសូឡាចំនួន ១០០ដើម និងថវិកាចំនួន ៧៥ដុល្លារអាម៉េរិក ប្រគល់ជូនវិទ្យាល័យព្រះសីហនុ ខេត្តកំពង់ចាម។

(កំពង់ចាម)៖ ស្ថានភាពទឹកទន្លេមេគង្គក្នុងភូមិសាស្ត្រខេត្តកំពង់ចាម នាថ្ងៃទី២៦ ខែសីហា ឆ្នាំ២០២៦ នេះ បានបន្តស្រកចុះមកត្រឹម ១៣,៩០ ម៉ែត្រ (ថយចុះ ០,១៦ ម៉ែត្រ ធៀបនឹងថ្ងៃម្សិលមិញ) ដែលនៅទាបជាងកម្រិតប្រកាសអាសន្នចំនួន ១,៣០ ម៉ែត្រ។

កំពង់ចាម ៖ ខណ្ឌរដ្ឋបាលជលផលកំពង់ចាម នៅថ្ងៃទី២៥ ខែសីហា ឆ្នាំ២០២៦ បានសហការជាមួយអាជ្ញាធរស្រុកកងមាស និងកម្លាំងប៉ុស្តិ៍នគរបាលរដ្ឋបាលស្តៅ ដោយមានការសម្របសម្រួលពី ឯកឧត្តមព្រះរាជអាជ្ញា នៃអយ្យការអមសាលាដំបូងខេត្តកំពង់ចាម បានចុះប្រតិបត្តិការត្រួតពិនិត្យ និងបង្ក្រាបបទល្មើសជលផលចំនួន ៣ករណី នៅឃុំព្រែកកុយ ស្រុកកងមាស ខេត្តកំពង់ចាម។

កំពង់ចាម ៖ លោក បាន ស្រេង អភិបាល នៃគណៈអភិបាលស្រុកស្ទឹងត្រង់ នៅថ្ងៃទី២៥ ខែសីហា ឆ្នាំ២០២៦ បានដឹកនាំលោកអភិបាលរងស្រុក នាយករដ្ឋបាលស្រុក អធិការរងនគរបាលស្រុក មន្ត្រីជំនាញ និងអាជ្ញាធរឃុំ ចុះពិនិត្យស្ថានភាព និងសួរសុខទុក្ខប្រជាពលរដ្ឋ ដែលរងផលប៉ះពាល់ដោយសារទឹកជំនន់ ព្រមទាំងពិនិត្យទីទួលសុវត្ថិភាព នៅក្នុងឃុំចំនួន៤ នៃស្រុកស្ទឹងត្រង់ ខេត្តកំពង់ចាម។