ព័ត៌មានតាមបណ្តារខេត្ត

(ប៉ៃលិន)៖នៅថ្ងៃអង្គារ ៨រោច ខែអស្សុជ ឆ្នាំមមី អដ្ឋស័ក ព.ស.២៥៧០ ត្រូវនឹងថ្ងៃទី៣ ខែវិច្ឆិកា ឆ្នាំ២០២៦ ដោយអនុវត្តនូវអនុសាសន៍ដឹកនាំដ៏ខ្ពង់ខ្ពស់របស់ ឯកឧត្តម នាយឧត្តមសេនីយ៍ ស ថេត អគ្គស្នងការនគរបាលជាតិ និងមានការចង្អុលបង្ហាញពី លោកឧត្តមសេនីយ៍ទោ សេង សុគន្ធ ស្នងការ នៃស្នងការដ្ឋាននគរបាលខេត្តប៉ៃលិន លោកឧត្តមសេនីយ៍ត្រី គិត ធីរ៉ា ស្នងការរងទទួលផែនការងារសណ្តាប់ធ្នាប់ បានចាត់ឲ្យ កម្លាំងជំនាញការិយាល័យនគរបាលចរាចរណ៍ផ្លូវគោក សហការជាមួយរដ្ឋបាលក្រុង អជ្ញាធរខេត្ត មន្ទីរសារធារណការ និងដឹកជញ្ជូនខេត្ត និងយុវជន ស ស យ ក បន្តធ្វើការចុះផ្សព្វផ្សាយស្ដីពីច្បាប់ចរាចរណ៍ផ្លូវគោក និងបិទចំណាំងផ្លាតជូនយានយន្តប្រជាពលរដ្ឋ ចំនួន០២ភូមិ ភូមិអូរខ្ទីង និងភូមិក្រចាប់លើ ស្ថិតនៅសង្កាត់អូរតាវ៉ៅ ក្រុងប៉ៃលិន ខេត្តប៉ៃលិន។

(វីដេអូ)៖ ក្រសួងការងារ និង បណ្តុះបណ្តាលវិជ្ជាជីវៈ បានតម្រូវឲ្យម្ចាស់ ឬ នាយកសហគ្រាស ក្រុមហ៊ុន រោងចក្រ ស្ថិតក្នុងដែនអនុវត្ត នៃច្បាប់ ស្តីពីការងារ ត្រូវសម្របសម្រួលរៀបចំបើកប្រាក់ឈ្នួលខែវិច្ឆិកា ដែលកម្មករ-និយោជិត ត្រូវទទួលបាន ឲ្យបានមុនថ្ងៃឈប់សម្រាក ក្នុងព្រះរាជពិធីបុណ្យអុំទូក បណ្តែតប្រទីប និង សំពះព្រះខែ អកអំបុក នឹងប្រព្រឹត្តិទៅនៅថ្ងៃទី ២៣-២៤-២៥ ខែវិច្ឆិកា ឆ្នាំ ២០២៦។

(ប៉ៃលិន)៖ ព្រឹកថ្ងៃទី០៣ ខែវិច្ឆិកា ឆ្នាំ២០២៦ នៅបញ្ជាការដ្ឋានកងរាជអាវុធហត្ថខេត្តប៉ៃលិន លោកឧត្ដមសេនីយ៍ត្រី កែវ សុផល មេបញ្ជាការកងរាជអាវុធហត្ថខេត្តប៉ៃលិន បានដឹកនាំលោកមេបញ្ជាការរង ប្រធានមន្ទីរកសាងកម្លាំង នាយការិយាល័យបុគ្គលិក នាយលេខាធិការដ្ឋាន បើកកិច្ចប្រជុំជួរបញ្ជាការ ដើម្បីបែងចែកតួនាទី ភារកិច្ច ជូនមេបញ្ជាការរង ជួយមេបញ្ជាការ ព្រមទាំងមន្ត្រីពាក់ព័ន្ធ ជាច្រើនរូបចូលរួម។

ប៉ៃលិន៖ នាព្រឹកថ្ងៃទី០២ ខែវិច្ឆិកា ឆ្នាំ២០២៦ មន្ទីរសេដ្ឋកិច្ច និងហិរញ្ញវត្ថុខេត្តប៉ៃលិន បានរៀបចំវគ្គបណ្តុះបណ្តាលស្តីពី «ការអនុវត្តថវិកាលើកិច្ចការហិរញ្ញវត្ថុដល់ថ្នាក់ដឹកនាំជាស្ត្រី ដល់មន្ទីរជំនាញជុំវិញខេត្ត និងរដ្ឋបាលថ្នាក់ក្រោមជាតិ» ក្រោមអធិបតីភាពលោកស្រី ឡូញ ឈាង អភិបាលរងខេត្តប៉ៃលិន តំណាងដ៏ខ្ពង់ខ្ពស់លោកជំទាវ បាន ស្រីមុំ អភិបាលនៃគណៈអភិបាលខេត្ត។ ពិធីនេះមានការអញ្ជើញចូលរួមពីលោកស្រីអភិបាលរងក្រុង ស្រុក តំណាងមន្ទីរជំនាញ និងមេឃុំ ចៅសង្កាត់ជាស្ត្រី ព្រមទាំងមន្ត្រីពាក់ព័ន្ធជាច្រើនរូប។

លោក គង់ សាវៀង អនុប្រធានមន្ទីរធម្មការ និងសាសនាខេត្តប៉ៃលិន រួមដំណើរដោយមន្ត្រីជំនាញ បានអញ្ជើញចុះពិនិត្យ ស្រង់ស្ថិតិ និងធ្វើបច្ចុប្បន្នភាពទិន្នន័យជាក់ស្តែងតាមបណ្តាវិហារ និងស្នាក់ការថ្វាយបង្គំនៃវិស័យពាហិរសាសនាទូទាំងខេត្តប៉ៃលិន រយៈពេល៣ថ្ងៃ ចាប់ពីថ្ងៃទី២៧ ដល់ថ្ងៃទី៣០ ខែតុលា ឆ្នាំ២០២៦។

សុខភាព៖ ដើម្បីបំបាត់ភាពជ្រីវជ្រួញនៅលើផ្ទៃមុខ ដែលបណ្ដាលមកពីការទទួលរងកាំរស្មីព្រះអាទិត្យ UV ប្រើផលិតផលខុស របបអាហារ និងការមិនយកចិត្តទុកដាក់ក្នុងការលុបលាងមុខជាដើម។

ប៉ៃលិន៖ ពិធីបុណ្យកឋិនទានសាមគ្គី ដង្ហែទៅវេរប្រគេនព្រះសង្ឃដែលគង់ចាំព្រះវស្សាអស់កាលត្រីមាស នៅវត្តពោធិមារាម ហៅវត្តប៉ាហ៊ី ស្ថិតក្នុងភូមិប៉ាហ៊ីត្បូង សង្កាត់ប៉ៃលិន ក្រុងប៉ៃលិន ខេត្តប៉ៃលិន ទទួលបានបច្ច័យសរុបចំនួន ២៨៦.៣៨៦.០០០រៀល ដើម្បីរួមចំណែកបន្តការសាងសង់ព្រះវិហារថ្មីរបស់វត្ត ដែលបច្ចុប្បន្នសម្រេចបានប្រមាណ ៣០ភាគរយ ព្រមទាំងកសាងសមិទ្ធផលនានាបម្រើដល់វិស័យព្រះពុទ្ធសាសនា។ ពិធីបុណ្យកឋិនទានសាមគ្គីនេះ បានប្រព្រឹត្តទៅរយៈពេល២ថ្ងៃ គឺនៅថ្ងៃទី៣១ ខែតុលា និងថ្ងៃទី០១ ខែវិច្ឆិកា ឆ្នាំ២០២៦ ក្រោមការផ្តួចផ្តើមរបស់លោកជំទាវ មហាឧបាសិកាពុទ្ធសាសនូបត្ថម្ភ ស៊ុំ ហៀង សភាពាណិជ្ជកម្មខេត្តប៉ៃលិន ឯកឧត្តម ប្រាក់ សុវណ្ណ និងលោកជំទាវ ស ចេង ព្រមទាំងលោកជំទាវ មហាឧបាសិកាពុទ្ធសាសនូបត្ថម្ភក៍ ស ពៅ ដោយមានការចូលរួមពីថ្នាក់ដឹកនាំ មន្ត្រីរាជការ និងពុទ្ធបរិស័ទជិតឆ្ងាយយ៉ាងច្រើនកុះករ។

លោក តង់ ធារ៉ា ប្រធានមន្ទីរអប់រំ យុវជន និងកីឡាខេត្តប៉ៃលិន បានអញ្ជើញជាអធិបតីក្នុងពិធីបើកបវេសនកាលឆ្នាំសិក្សាថ្មី ២០២៦-២០២៧ នៅអនុវិទ្យាល័យភ្នំយ៉ាត ស្ថិតក្នុងភូមិវត្ត សង្កាត់ប៉ៃលិន ក្រុងប៉ៃលិន ខេត្តប៉ៃលិន ដោយមានការចូលរួមពីលោកគ្រូ អ្នកគ្រូ មាតាបិតា អាណាព្យាបាល និងសិស្សានុសិស្សយ៉ាងច្រើនកុះករ។

លោក សៀ សុខុម អភិបាលនៃគណៈអភិបាលស្រុកសាលាក្រៅ បានអញ្ជើញជាអធិបតីក្នុងពិធីបើកបវេសនកាលឆ្នាំសិក្សាថ្មី ២០២៦-២០២៧ នៅអនុវិទ្យាល័យ ហ៊ុន សែន សន្តិភាព កាលពីព្រឹកថ្ងៃទី៣១ ខែតុលា ឆ្នាំ២០២៦ ដោយមានការចូលរួមពីអាជ្ញាធរមូលដ្ឋាន លោកគ្រូ អ្នកគ្រូ មាតាបិតា និងសិស្សានុសិស្សយ៉ាងច្រើនកុះករ។

នៅព្រឹកថ្ងៃទី០១ ខែវិច្ឆិកា ឆ្នាំ២០២៦ រដ្ឋបាលខេត្តប៉ៃលិន បានរៀបចំពិធីបើកបវេសនកាលឆ្នាំសិក្សាថ្មី ២០២៦-២០២៧ ជាផ្លូវការ នៅវិទ្យាល័យ ហ៊ុន សែន ក្រុងទេពនិម្មិត្តប៉ៃលិន ស្ថិតក្នុងសង្កាត់ទួលល្វា ក្រុងប៉ៃលិន ក្រោមអធិបតីភាពលោកជំទាវបណ្ឌិត បាន ស្រីមុំ អភិបាលនៃគណៈអភិបាលខេត្តប៉ៃលិន។

ប៉ៃលិន៖ នៅព្រឹកថ្ងៃទី៣០ ខែតុលា ឆ្នាំ២០២៦ កម្លាំងប៉ុស្តិ៍នគរបាលរដ្ឋបាល នៃអធិការដ្ឋាននគរបាលក្រុងប៉ៃលិន និងស្រុកសាលាក្រៅ បានសហការជាមួយអាជ្ញាធរមូលដ្ឋាន បន្តចុះផ្សព្វផ្សាយគោលនយោបាយ «ភូមិ-ឃុំ-សង្កាត់មានសុវត្ថិភាព» ទាំង៧ចំណុច ជូនដល់ប្រជាពលរដ្ឋដោយផ្ទាល់ ដើម្បីពង្រឹងសន្តិសុខ សណ្តាប់ធ្នាប់សាធារណៈ និងលើកកម្ពស់ការចូលរួមទប់ស្កាត់បទល្មើសនានាក្នុងសហគមន៍។

អង្គកឋិនទានសាមគ្គីមួយ ត្រូវបានដង្ហែចូលទៅកាន់វត្តសន្តិមារាម ហៅវត្តអូរច្រា ស្ថិតក្នុងភូមិអូរច្រាកណ្តាល សង្កាត់ទួលល្វា ក្រុងប៉ៃលិន ខេត្តប៉ៃលិន កាលពី ថ្ងៃទី២៩ ខែតុលា ឆ្នាំ២០២៦នេះ ក្រោមវត្តមានចូលរួមជាអធិបតី និងជាម្ចាស់ផ្តួចផ្តើមដោយ លោកជំទាវអគ្គមហាពុទ្ធសាសនូបត្ថម្ភក៍ ស៊ុំ ហៀង និងលោកជំទាវ សុក សារី សមាជិកក្រុមប្រឹក្សាខេត្តប៉ៃលិន ព្រមទាំងមានការចូលរួមយ៉ាងច្រើនកុះករពីសំណាក់មន្ត្រីរាជការ និងប្រជាពុទ្ធបរិស័ទជិតឆ្ងាយមកពីខេត្តប៉ៃលិន និងខេត្តបាត់ដំបង ដើម្បីវេរប្រគេនត្រៃចីវរដល់ព្រះសង្ឃដែលបានគង់ចាំព្រះវស្សាអស់ត្រីមាស។