News from the Provinces

កំពង់ចាម ៖ ខណ្ឌរដ្ឋបាលជលផលកំពង់ចាម នៅថ្ងៃទី០៧ ខែកញ្ញា ឆ្នាំ២០២៦ នេះ បានសហការជាមួយនាយកដ្ឋានអធិការកិច្ចជលផល នៃអធិការដ្ឋានរដ្ឋបាលជលផលមេគង្គ និងអាជ្ញាធរស្រុកបាធាយ ចុះប្រតិបត្តិការត្រួតពិនិត្យ និងបង្ក្រាបបទល្មើសជលផលចំនួន ២ករណី នៅក្នុងភូមិសាស្ត្រស្រុកបាធាយ និងស្រុកជើងព្រៃ ខេត្តកំពង់ចាម។

កំពង់ចាម៖ ប្រជាពលរដ្ឋជាច្រើនគ្រួសារដែលរស់នៅតាមដងទន្លេមេគង្គបានទទួលរងជនលិចកំណាត់ផ្លូវ ផលដំណាំ ផ្ទះជាដើម ហើយប្រជាពលរដ្ឋជាច្រើនគ្រួសារដែលរស់នៅតាមដងទន្លេបង្ខំចិត្តប្រើប្រាស់ទូកដ ដើម្បីឆ្លងទៅកាន់ផ្ទះរបស់ពួកគាត់។ ពួកគាត់ដែលជាធ្វើដំណើរបានឲ្យដឹងទៀតថាក្នុងការធ្វើដំណើរម្តងៗត្រូវការចំណាយលុយ និងពេលវេលា មានពេលខ្លះត្រូបប្រញាប់ទៅរៀន ទៅធ្វើការ ទៅកាន់មន្ទីរពេទ្យជាដើម។

កំពង់ចាម៖ នាព្រឹកថ្ងៃទី០៧ ខែកញ្ញា ឆ្នាំ២០២៦ នេះ លោកស្រី ប៉ាង ដានី និងលោក ផេន សុផល អភិបាលរងនៃគណៈអភិបាលខេត្តកំពង់ចាម បានអញ្ជើញចូលរួមក្នុង «សន្និបាតបូកសរុបសមិទ្ធផលការងាររបស់ក្រុមប្រឹក្សាឃុំ សង្កាត់ អាណត្តិទី៥» តាមរយៈប្រព័ន្ធវីដេអូអនឡាញ (Zoom Meeting) ពីសាលាខេត្តកំពង់ចាម។

(កំពង់ចាម) ឯកឧត្តម ឌិត ទីណា រដ្ឋមន្ត្រីក្រសួងកសិកម្ម រុក្ខាប្រមាញ់ និងនេសាទ ព្រមទាំងឯកឧត្តម អាណាតូលី បូរ៉ូវីក (Anatoly Borovik) ឯកអគ្គរដ្ឋទូតរុស្ស៊ីប្រចាំកម្ពុជា បានអញ្ជើញជាអធិបតីក្នុងពិធីគោរពវិញ្ញាណក្ខន្ធអតីតជំនាញការសូវៀតចំនួន ៨រូប និងកម្ពុជា ១រូប ដែលបានពលីជីវិតក្នុងបេសកកម្មបំពេញការងារផ្នែកកសិកម្ម ដោយសារក្រុមទាហានខ្មែរក្រហមស្ទាក់បាញ់ប្រហារតាមផ្លូវក្នុងស្រុកចំការលើ កាលពីឆ្នាំ១៩៨៣។

(រាជធានីភ្នំពេញ) នាព្រឹកថ្ងៃទី ៦ ខែកញ្ញា ឆ្នាំ២០២៦ ឯកឧត្តម អ៊ុន ចាន់ដា សមាជិកគណៈកម្មាធិការកណ្តាល ប្រធានគណៈកម្មាធិការបក្សខេត្តកំពង់ចាម បានអញ្ជើញចូលរួមកម្មវិធី បាឋកថាជាស៊េរី "កេរដំណែលរស់ គុណតម្លៃ ៧មករា" ក្រោមប្រធានបទ "វេទិកាបើកចំហដំណើរជីវិត និងបទពិសោធពិតរបស់ ឯកឧត្តម ខៀវ កាញារីទ្ធ" ឧត្តមប្រឹក្សាផ្ទាល់ព្រះមហាក្សត្រ និងជាសមាជិកគណៈកម្មាធិកណ្តាលគណបក្សប្រជាជនកម្ពុជា នៅសាលប្រជុំ នៃវិមាន ៧ មករា។

ដើម្បីបង្កើនការយល់ដឹងអោយបានទូលំទូលាយនៅទូទាំងប្រទេស អំពីសារសំខាន់នៃកម្មវិធីអក្ខរកម្ម និងការអប់រំក្រៅប្រពន្ធ័ សំដៅលើកកម្ពស់សមត្ថភាពរបស់ប្រជាពលរដ្ឋគ្រប់រូប ក្នុងវការចាប់យកឱកាស​ការងារ និងលើកស្ទួយកម្រិតជីវភាពរស់នៅឱ្យកាន់តែប្រសើរ នៅវិទ្យាល័យ ន.រណឬទ្ធិ-គុន្ធបុប្ផា ស្រុកព្រៃឈរ ខេត្តកំពង់ចាម ថ្ងៃទី៦ ខែកញ្ញា ឆ្នាំ២០២៦ លោក  ឃន ប្រុស អភិបាលរងខេត្ត តំណាងដ៍ខ្ពង់ខ្ពស់ ឯកឧត្តម អ៊ុន ចាន់ដា អភិបាលនៃគណៈអភិបាល​ខេត្តកំពង់ចាម បានអញ្ជើ្ញចូលរួមអបអរសាទរទិវាអក្ខរកម្មជាតិ អន្តរជាតិ ៨ កញ្ញា លើកទី២៦ ដោយមានការ អញ្ជើញចូលរួមពីតំណាងមន្ទីរអង្គភាពជុំវិញខេត្ត លោកគ្រូអ្នកគ្រូ សិស្សានុសិស្ស និងអ្នកពាក់ព័ន្ធជាច្រើនរូប​ទៀត។

កំពង់ចាម៖ ឯកឧត្តម វូ ហាក់ អនុប្រធានទី១ ក្រុមការងាររាជរដ្ឋាភិបាលចុះមូលដ្ឋានស្រុកកោះសូទិន តំណាងឯកឧត្តម ឡោ សុឡេង អគ្គស្នងការរងនគរបាលជាតិ និងជាប្រធានក្រុមការងាររាជរដ្ឋាភិបាលចុះមូលដ្ឋានស្រុកកោះសូទិន បានអញ្ជើញជាអធិបតីក្នុងពិធីសំណេះសំណាលជាមួយសិស្សនិទ្ទេស A និង B ព្រមទាំងប្រគល់រង្វាន់ម៉ូតូជូនសិស្សនិទ្ទេស A ចំនួន ៤នាក់ នាព្រឹកថ្ងៃទី៦ ខែកញ្ញា ឆ្នាំ២០២៦ នៅសាលាស្រុកកោះសូទិន ខេត្តកំពង់ចាម។

នាព្រឹកថ្ងៃ០៦ ខែកញ្ញា ឆ្នាំ២០២៦នេះ លោកស្រី ប៉ាង ដានី អភិបាលរងខេត្តនិងជាប្រធានក្រុមការងារចុះជួយសង្កាត់សំបួរមាស បានអញ្ជើញដឹកនាំក្រុមការងារ ចុះជួយសង្កាត់សំបួរមាសអញ្ជើញចូលរួមពិធីបុណ្យចាប់ស្លាក និង ផ្កាប្រាក់សាមគ្គីនិងបុណ្យទក្ខិណានុប្បទានប្រគេនសម្តេចព្រះឧត្តមមុនី ម៉ែន ទួន គម្រប់ខួប២៤ឆ្នាំ ព្រះគ្រូមុនិន្ទត្ថេរ ម៉ៅ មន គម្រប់ខួប១៣ឆ្នាំនៅវត្តខេមវ័ន បឹងស្នាយ ហៅវត្តថ្មី ស្ថិតនៅសង្កាត់សំបួរមាស ក្រុងកំពង់ចាម ខេត្តកំពង់ចាម ។

(កំពង់ចាម)៖ នាព្រឹកថ្ងៃទី០៦ ខែកញ្ញា ឆ្នាំ២០២៦ លោក ហែម សុជាតិ អនុប្រធានក្រុមការងារ តំណាង ឯកឧត្តម ហែម សុវត្តិ ប្រធានក្រុមការងាររាជរដ្ឋាភិបាលចុះមូលដ្ឋានឃុំកោះសូទិន និងលោក សៀត សូត អភិបាលរងស្រុកកោះសូទិន បានអញ្ជើញជាអធិបតីក្នុងពិធីសំណេះសំណាល និងប្រគល់រង្វាន់លើកទឹកចិត្តជា ម៉ូតូ ជូនដល់សិស្សានុសិស្សដែលបានប្រឡងជាប់សញ្ញាបត្រមធ្យមសិក្សាទុតិយភូមិ (បាក់ឌុប) សម័យប្រឡងឆ្នាំ២០២៦ ទទួលបាន និទ្ទេស A ចំនួន ០៤នាក់ នៅវិទ្យាល័យកោះសូទិន ស្រុកកោះសូទិន ខេត្តកំពង់ចាម។

មន្ទីរធនធានទឹក និងឧតុនិយមខេត្តកំពង់ចាម នៅព្រឹកថ្ងៃទី០៦ ខែកញ្ញា ឆ្នាំ២០២៦នេះ បានចេញរបាយការណ៍ស្តីពីស្ថានភាពធាតុអាកាស និងកម្ពស់ទឹកទន្លេមេគង្គ បានឱ្យដឹងថា កម្ពស់ទឹកទន្លេមេគង្គក្នុងខេត្តបានចាប់ផ្តើមហក់ឡើងវិញបន្តិច ស្របពេលដែលមានភ្លៀងធ្លាក់នៅតាមបណ្តាក្រុង-ស្រុកចំនួន ៧។

(កំពង់ចាម)៖ ឯកឧត្តម អ៊ុន ចាន់ដា ប្រធានគណៈកម្មាធិការគណបក្សប្រជាជនកម្ពុជាខេត្តកំពង់ចាម និងជាប្រធានក្រុមការងារគណបក្សចុះជួយមូលដ្ឋានក្រុងកំពង់ចាម បានផ្តល់អនុសាសន៍ណែនាំដល់មន្ត្រីគណបក្សក្រុងកំពង់ចាម ឱ្យបន្តយកចិត្តទុកដាក់ខ្ពស់លើការថែរក្សាសន្តិសុខ សណ្ដាប់ធ្នាប់សាធារណៈ និងបង្កើនប្រសិទ្ធភាពក្នុងការផ្តល់សេវាសាធារណៈជូនប្រជាពលរដ្ឋនៅក្នុងមូលដ្ឋានឲ្យបានកាន់តែល្អប្រសើរ។

វិទ្យុជាតិភ្នំប្រុសភ្នំស្រី FM92.50MHzខេត្តកំពង់ចាម កម្មវិធីសន្ទនាមតិកំពុងពិភាក្សាលើប្រធានបទ៖«​វឌ្ឈនភាពនៃដំណើរការសហគមន៍កសិកម្មទំនើប»