រូបភាពដ៏កម្រ និងគួរឱ្យភ្ញាក់ផ្អើលមួយ បាននិងកំពុងទាក់ទាញការចាប់អារម្មណ៍យ៉ាងខ្លាំងពីសំណាក់ប្រជាពលរដ្ឋ និងមន្ត្រីជំនាញ បន្ទាប់ពីគេបានប្រទះឃើញសត្វខ្ទីងព្រៃមួយក្បាល បានចេញមកសម្របខ្លួន ស្នាក់អាស្រ័យ និងដើររកស៊ីយ៉ាងចុះសម្របជាមួយហ្វូងគោស្រុករបស់ប្រជាពលរដ្ឋ។ ហេតុការណ៍ដ៏ប្លែកនេះ បានកើតឡើងនៅក្នុងភូមិស្រែវាល ឃុំធ្មា ស្រុកជ័យសែន ខេត្តព្រះវិហារ ដែលជាតំបន់ស្ថិតក្នុងដែនជម្រកសត្វព្រៃឡង់។
កំពត៖ នៅព្រឹកថ្ងៃទី៦ ខែសីហា ឆ្នាំ២០២៦ ឯកឧត្តម ម៉ៅ ធនិន អភិបាលនៃគណៈអភិបាលខេត្តកំពត បានអញ្ជើញជួបសំណេះសំណាលជាមួយប្រជាពលរដ្ឋ និងក្រុមអ្នកផលិតអំបិលអាស្រ័យផល នៅមណ្ឌលបឹងរូងទី១ ស្ថិតក្នុងភូមិជុំគ្រៀល ឃុំជុំគ្រៀល ស្រុកទឹកឈូ ដើម្បីពិភាក្សាអំពីផែនការរៀបចំដីសាងសង់អគារទីស្នាក់ការសមាគមអតីតយុទ្ធជនកម្ពុជា ខេត្តកំពត ដោយនៅក្នុងជំនួបនោះ ក្រុមអ្នកផលិតអំបិលបានស្ម័គ្រចិត្តប្រគល់ដីជូនរដ្ឋបាលខេត្តប្រកបដោយស្មារតីសប្បុរសធម៌។
កំពត៖ លេខាធិការដ្ឋានគណៈកម្មាធិការគ្រប់គ្រងគ្រោះមហន្តរាយខេត្តកំពត បានរៀបចំកិច្ចប្រជុំបូកសរុបលទ្ធផលការងារគ្រោះមហន្តរាយ ប្រចាំឆមាសទី១ ឆ្នាំ២០២៦ និងវាយតម្លៃស្ថានភាពជាក់ស្តែង នៅសាលប្រជុំសាលាខេត្តកំពត នាព្រឹកថ្ងៃទី០៦ ខែសីហា ឆ្នាំ២០២៦ ក្នុងគោលបំណងទប់ទល់ និងកាត់បន្ថយផលប៉ះពាល់ដែលបណ្តាលមកពីឥទ្ធិពលនៃបាតុភូត អែលនីណូ (El Niño) ក្នុងភូមិសាស្ត្រខេត្ត។
កំពត៖ អធិការស្រុកអង្គរជ័យ បានឲ្យដឹងថា៧ខែ ដើមឆ្នាំ២០២៦ ស្ថានភាពសន្តិសុខទូទៅក្នុងស្រុក មានភាពល្អប្រសើរ បទល្មើសផ្សេងៗមានការថយចុះច្រើន ដោយសារមានការចូលសហការពីគ្រប់មជ្ឍដ្ឋាន ពិសេសពលរដ្ឋ ប៉ុន្តែគ្រោះថ្នាក់ចរាចរណ៍កំពុងកើនឡើងគួរព្រួយបារម្ភ។ លោកអធិការអំពាវនាវដល់ប្រជាពលរដ្ឋ ពិសេសសិស្សចូលរួមគោរពច្បាប់ចរាចរណ៍ និងបើកបរដោយការប្រុងប្រយ័ត្ខខ្ពស់។
កំពត៖ ម្ចាស់កសិដ្ឋានដូងបានបញ្ជាក់ថា ពីមុនស្រុកអង្គរជ័យ គ្មានតំបន់ទេសចរណ៍ម្រាប់ឲ្យប្រជាពលរដ្ឋមកសម្រាកលម្ហែទេ ប៉ុន្តែបច្ចុប្បន្ន ដើម្បីឆ្លើយតបទៅនឹងការជំរុញលើកទឹកចិត្តរបស់អាជ្ញាធរខេត្ត ក៏ដូចជាស្រុកផងនោះ លោកបានកែច្នៃកសិដ្ឋានដូងរបស់ខ្លួនឲ្យទៅជាសួនកម្សាន្តដ៏ទាក់ទាញ ជាមួយនឹងទេសភាពធម្មជាតិ មានហាងកាហ្វេ អាហារដ្ឋាន និងខ្ចុះលម្ហែមាត់ទឹកជាដើម។ ប្រជាពលរដ្ឋស្រុកអង្គរជ័យភាគច្រើនបានស្គាល់កសិដ្ឋានដូងរបស់លោកថាជា “សួនកម្សាន្តកោះបេះដូង”។
