ឯកឧត្តម ប៊ុន ផេង ដឹកនាំកិច្ចប្រជុំពិនិត្យ និងពិភាក្សាលើការផ្តល់ប្រាក់ឧបត្ថម្ភជូនគ្រូបង្រៀនចូលនិវត្តន៍ ក្នុងខេត្តកណ្តាល
នារសៀលថ្ងៃទី២២ ខែមិថុនា ឆ្នាំ២០២៦ ឯកឧត្តម ប៊ុន ផេង អភិបាលរងខេត្តកណ្តាល បានដឹកនាំកិច្ចប្រជុំពិភាក្សាអំពី ការផ្តល់ប្រាក់ឧបត្ថម្ភជូនគ្រូបង្រៀនក្របខ័ណ្ឌដែលត្រូវចូលនិវត្តន៍ក្នុងឆ្នាំសិក្សា ២០២៥-២០២៦ នៅមន្ទីរអប់រំ យុវជន និងកីឡាខេត្ត ដោយមានការចូលរួមពីមន្ទីរពាក់ព័ន្ធ និងអាជ្ញាធរក្រុង-ស្រុក។ ក្នុងឱកាសនោះ ឯកឧត្តមបានជំរុញឱ្យអាជ្ញាធរគ្រប់លំដាប់ថ្នាក់ សហការគ្នាពិនិត្យ និងដោះស្រាយបញ្ហាប្រឈមនានាឱ្យបានឆាប់រហ័ស និងមានប្រសិទ្ធភាព ដើម្បីធានាដល់ការផ្តល់សេវាអប់រំជូនសិស្សានុសិស្សនៅមូលដ្ឋានឱ្យកាន់តែប្រសើរឡើង។
