ជនជាប់ឃុំនៅពន្ធនាគារខេត្តកណ្តាលប្រមាណ ១០០នាក់ ទទួលបានការផ្សព្វផ្សាយអប់រំ ស្ដីពីយុទ្ធនាការប្រយុទ្ធប្រឆាំងគ្រឿងញៀនខុសច្បាប់លើកទី១១ របស់រាជរដ្ឋាភិបាលកម្ពុជា
ក្នុងកិច្ចប្រជុំផ្សព្វផ្សាយនេះ ឯកឧត្តម ណុប ដារ៉ា បានបញ្ជាក់ថា ការផ្សព្វផ្សាយនាថ្ងៃនេះ គឺត្រូវបានរៀបចំឡើងក្នុងគោលបំណង លើកកម្ពស់ការយល់ដឹងដល់ជនជាប់ឃុំ អំពីផលប៉ះពាល់ដ៏ធ្ងន់ធ្ងរនៃគ្រឿងញៀន ច្បាប់ពាក់ព័ន្ធនឹងបទល្មើសគ្រឿងញៀន និងការចូលរួមអនុវត្តយុទ្ធនាការជាតិប្រយុទ្ធប្រឆាំងគ្រឿងញៀន ស្របតាមគោលនយោបាយរបស់រាជរដ្ឋាភិបាល ដើម្បីរួមគ្នាកាត់បន្ថយ និងឈានទៅលុបបំបាត់ការប្រើប្រាស់ ការជួញដូរ ការចែកចាយ និងការផលិតគ្រឿងញៀនខុសច្បាប់នៅក្នុងសង្គម។
