ក្រុមការងារមន្ទីរអភិវឌ្ឍន៍ជនបទខេត្តស្ទឹងត្រែង ចុះសិក្សា និងវាយតម្លៃស្ថានភាពប្រព័ន្ធផ្គត់ផ្គង់ទឹកស្អាតជនបទ ក្នុងស្រុកសេសាន សៀមបូក និងស្រុកថាឡាបរិវ៉ាត់
ខេត្តស្ទឹងត្រែង៖ អង្គភាពអនុវត្តកម្មវិធីខេត្តស្ទឹងត្រែង ដឹកនាំដោយ លោក សយ គា អនុប្រធានមន្ទីរអភិវឌ្ឍន៍ជនបទខេត្តស្ទឹងត្រែង និងជាប្រធានអនុវត្តកម្មវិធីថ្នាក់ខេត្ត បានដឹកនាំក្រុមការងារបច្ចេកទេស រួមជាមួយក្រុមទីប្រឹក្សា TA-ADB បន្ទាប់ពីចុះជួបជាមួយគណៈកម្មការទឹក(WMC) ព្រមទាំងសហគមន៍អ្នកទទួលនៅភូមិកាតូត ឃុំកំភុន ស្រុកសេសាន កាលពីរសៀលថ្ងៃទី១៤ ខែកញ្ញា រួចមក។ នៅថ្ងៃទី១៥ នេះ អង្គភាពអនុវត្តកម្មវិធីខេត្តស្ទឹងត្រែង តែបន្តចុះជួបដល់មូលដ្ឋានជាក់ស្តែង ជាមួយអាជ្ញាធរឃុំ ភូមិ គណៈកម្មការគ្រប់គ្រងទឹក (WMC) និងប្រជាពលរដ្ឋជាអ្នកប្រើប្រាស់ទឹកស្អាតជនបទ នៅក្នុងភូមិកោះព្រះ ឃុំកោះព្រះ ស្រុកសៀមបូក និងភូមិអូររៃ ឃុំអូររៃ ស្រុកថាឡាបរិវ៉ាត់ ខេត្តស្ទឹងត្រែង។
