(ប៉ៃលិន) ៖ ព្រឹកថ្ងៃទី២២ ខែកញ្ញា ឆ្នាំ២០២៦ លោកឧត្ដមសេនីយ៍ត្រី កែវ សុផល មេបញ្ជាការកងរាជអាវុធហត្ថខេត្តប៉ៃលិន បានដឹកនាំនាយទាហានជាន់ខ្ពស់ និងមន្ត្រីជំនាញពាក់ព័ន្ធ អញ្ជើញចូលរួមក្នុងពិធីបើកវគ្គបំប៉ន «និយាមប្រតិបត្តិ នៃការអនុវត្តច្បាប់ស្ដីពីកាតព្វកិច្ចយោធា» តាមរយៈប្រព័ន្ធវីដេអូពីចម្ងាយ (Video Conference) ក្រោមអធិបតីភាពដ៏ខ្ពង់ខ្ពស់លោកឧត្ដមសេនីយ៍ឯក ស៊ិន សូផាន្នី មេបញ្ជាការរង កងរាជអាវុធហត្ថលើផ្ទៃប្រទេស ព្រមទាំងមានការអញ្ជើញចូលរួមពីមេបញ្ជាការរងទទួលការងារកសាងកម្លាំង, ប្រធានមន្ទីរកសាងកម្លាំង, នាយការិយាល័យបុគ្គលិក, នាយការិយាល័យផែនការនៃមន្ទីរកសាងកម្លាំង និងនាយការិយាល័យសុខាភិបាល និងមេបញ្ជាការ សេនាធិការ និងជំនួយការមូលដ្ឋានកងរាជអាវុធហត្ថ ក្រុង-ស្រុក ដែលជាអ្នកទទួលបន្ទុក អនុវត្តការងារកាតព្វកិច្ចយោធាផ្ទាល់ ។

ខេត្តប៉ៃលិន៖ នៅថ្ងៃទី២២ ខែកញ្ញា ឆ្នាំ២០២៦ មន្ទីរបរិស្ថានខេត្តប៉ៃលិន បានរៀបចំ «កិច្ចប្រជុំពិគ្រោះយោបល់ថ្នាក់ខេត្ត ស្តីពីការកំណត់ និងបែងចែកតំបន់គ្រប់គ្រង និងផែនការគ្រប់គ្រងតំបន់ប្រើប្រាស់ច្រើនយ៉ាងសំឡូត» ក្នុងគោលបំណងប្រមូលធាតុចូល និងកសាងផែនទីបែងចែកតំបន់គ្រប់គ្រងធនធានធម្មជាតិឱ្យកាន់តែច្បាស់លាស់ និងមានប្រសិទ្ធភាពខ្ពស់។

(ប៉ៃលិន)៖ នៅថ្ងៃចន្ទ ១០កើត ខែភទ្របទ ឆ្នាំមមី អដ្ឋស័ក ព.ស.២៥៧០ ត្រូវនឹងថ្ងៃទី២១ ខែកញ្ញា ឆ្នាំ២០២៦ ដោយអនុវត្តតាមអនុសាសន៍ដឹកនាំដ៏ខ្ពង់ខ្ពស់របស់ ឯកឧត្តម នាយឧត្តមសេនីយ៍ ស ថេត អគ្គស្នងការនគរបាលជាតិ និងមានការចង្អុលបង្ហាញផ្ទាល់ពី លោកឧត្តមសេនីយ៍ទោ សេង សុគន្ធ ស្នងការ នៃស្នងការដ្ឋាននគរបាលខេត្តប៉ៃលិន លោកឧត្តមសេនីយ៍ត្រី គិត ធីរ៉ា ស្នងការរងទទួលផែនការងារសណ្តាប់ធ្នាប់ បានចាត់ឲ្យ កម្លាំងជំនាញការិយាល័យនគរបាលចរាចរណ៍ផ្លូវគោក សហការជាមួយកម្លាំងប៉ុស្តិ៍នគរបាលរដ្ឋបាល បន្តចុះយុទ្ធនាការអប់រំផ្សព្វផ្សាយផ្ទាល់ដល់មូលដ្ឋានអំពីច្បាប់ចរាចរណ៍ផ្លូវគោក និងពង្រឹងការអនុវត្តគោលនយោបាយ «ភូមិ-ឃុំ-សង្កាត់មានសុវត្ថិភាព» ជូនដល់ប្រជាពលរដ្ឋនៅតាមបណ្តាភូមិ ឃុំ និងសង្កាត់ក្នុងខេត្តប៉ៃលិន ដើម្បីចូលរួមកាត់បន្ថយគ្រោះថ្នាក់ចរាចរណ៍ និងបង្កើនសុវត្ថិភាពក្នុងសហគមន៍។

(ប៉ៃលិន) ៖ នៅព្រឹកថ្ងៃទី២១ ខែកញ្ញា ឆ្នាំ២០២៦ លោកឧត្ដមសេនីយ៍ត្រី កែវ សុផល មេបញ្ជាការកងរាជអាវុធហត្ថខេត្តប៉ៃលិន បានដឹកនាំលោកមេបញ្ជាការរង លោកប្រធានមន្ទីរទាំង៧ លោកនាយសេនាធិការរង លោកនាយការិយាល័យចំណុះមន្ទីរទាំងអស់ និងលោកមេបញ្ជាការមូលដ្ឋានកងរាជអាវុធហត្ថក្រុង ស្រុក អញ្ជើញចូលរួមកិច្ចប្រជុំផ្សព្វផ្សាយការត្រៀមអនុវត្តច្បាប់ស្ដីពីកាតព្វកិច្ចយោធា តាមរយៈប្រព័ន្ធ video conferene ក្រោមអធិបតីភាព ឯកឧត្ដម នាយឧត្ដមសេនីយ៍ សៅ សុខា អគ្គមេបញ្ជាការរង នៃកងយោធពលខេមរភូមិន្ទ មេបញ្ជាការកងរាជអាវុធហត្ថលើផ្ទៃប្រទេស ។

(ប៉ៃលិន)៖ អនុវត្តតាមការណែនាំដ៏ខ្ពង់ខ្ពស់របស់ លោកជំទាវបណ្ឌិត បាន ស្រីមុំ អភិបាល នៃគណៈអភិបាលខេត្ត និងជាប្រធានអនុគណៈកម្មការសុវត្ថិភាពចរាចរណ៍ផ្លូវគោកខេត្តប៉ៃលិន នៅថ្ងៃទី២១ ខែកញ្ញា ឆ្នាំ២០២៦ ក្រុមការងារលេខាធិការដ្ឋាន នៃអនុគណៈកម្មការសុវត្ថិភាពចរាចរណ៍ផ្លូវគោកខេត្តប៉ៃលិន បានចុះសហការយ៉ាងជិតស្និទ្ធ ជាមួយអាជ្ញាធរមូលដ្ឋាន ដើម្បីរៀបចំយុទ្ធនាការផ្សព្វផ្សាយច្បាប់ស្តីពីចរាចរណ៍ផ្លូវគោក ព្រមទាំងចុះបិទស្ទីកឃ័រចំណាំងផ្លាតជូនប្រជាពលរដ្ឋដោយផ្ទាល់ ដែលរស់នៅក្នុងភូមិឡាក់ហុកពីរ នឹងភូមិបឹងអូរជាង ឃុំស្ទឹងកាច់ ស្រុកសាលាក្រៅ ខេត្តប៉ៃលិន ដែលមានអ្នកចូលរួមសរុបចំនួន៦៥ នាក់ ស្រី ៤០ នាក់ ។

ក្រសួងការងារនឹងអនុវត្តច្បាប់តឹងរឹងចំពោះការប្រព្រឹត្តទង្វើមិនសមរម្យ ការជេរប្រមាថ ការមើលងាយលើកម្មករនិយោជិត