អាជ្ញាធរខេត្តស្ទឹងត្រែង ចុះសួរសុខទុក្ខ និងនាំយកគ្រឿងឧបភោគបរិភោគឧបត្ថម្ភជូនកងកម្លាំងចម្រុះប្រចាំការ នៅតំបន់អូរសេវ ឃុំស្តៅ ស្រុកសេសាន ខណៈយុទ្ធនាការទទួលពលរដ្ឋចូលរស់នៅឈានដល់ថ្ងៃទី៤
ខេត្តស្ទឹងត្រែង៖ គណៈប្រតិភូរដ្ឋបាលខេត្តស្ទឹងត្រែង ដឹកនាំដោយលោក ស្រ៊ន សំឫទ្ធី អភិបាលរងខេត្ត រួមដំណើរដោយលោកនាយករដ្ឋបាលសាលាខេត្ត ប្រធានមន្ទីរបរិស្ថាន និងប្រធានមន្ទីរការងារ និងបណ្តុះបណ្តាលវិជ្ជាជីវៈខេត្ត បានអញ្ជើញចុះជួបសួរសុខទុក្ខដោយផ្ទាល់ និងនាំយកគ្រឿងឧបភោគបរិភោគ ព្រមទាំងថវិកាមួយចំនួន ទៅឧបត្ថម្ភគាំទ្រដល់គណៈបញ្ជាការឯកភាពរដ្ឋបាលស្រុកសេសាន ដែលកំពុងឈរជើងបំពេញបេសកកម្ម នៅចំណុចតំបន់អូរសេវ ឃុំកំភុន ស្រុកសេសាន។
