កំពត៖ នារសៀលថ្ងៃទី៤ ខែវិច្ឆិកា ឆ្នាំ២០២៦ លោក អ៉ឹម ច័ន្ទសោធន អភិបាល នៃគណៈអភិបាលស្រុកទឹកឈូ បានអញ្ជើញជួបសំណេះសំណាល និងផ្តល់អំណោយឧបត្ថម្ភដល់ក្រុមកីឡាករប្រណាំងទូកងរបស់រដ្ឋបាលស្រុក ដែលមានឈ្មោះថា «ទឹកឈូសន្តិភាព» ដើម្បីជំរុញទឹកចិត្ត និងត្រៀមខ្លួនចូលរួមប្រកួតប្រជែងក្នុងព្រឹត្តិការណ៍ថ្នាក់ខេត្ត ក្នុងឱកាសអបអរសាទរពិធីបុណ្យអុំទូក បណ្តែតប្រទីប និងសំពះព្រះខែ អកអំបុក ដែលនឹងប្រព្រឹត្តទៅរយៈពេល៣ថ្ងៃ ចាប់ពីថ្ងៃទី២៣ ដល់ថ្ងៃទី២៥ ខែវិច្ឆិកា ឆ្នាំ២០២៦ ខាងមុខនេះ នៅតាមបណ្តោយព្រែកកំពង់បាយ ខាងមុខឆ្នេរបាតដៃសុភមង្គល តាមរយៈការរៀបចំផែនការហ្វឹកហាត់ និងការគាំទ្រសម្ភារឧបត្ថម្ភផ្ទាល់ពីរដ្ឋបាលស្រុក។

កំពត៖ នារសៀលថ្ងៃទី៤ ខែវិច្ឆិកា ឆ្នាំ២០២៦ លោកស្រី ង៉ែត សូរ្យសែង អភិបាល ស្រុកជុំគិរី បានដឹកនាំក្រុមការងាររដ្ឋបាលស្រុក សហការជាមួយអាជ្ញាធរភូមិឃុំ ចុះពិនិត្យទីតាំងកសិដ្ឋានចិញ្ចឹមជ្រូកមួយកន្លែង ដែលបានបង្ហូរលាមកជ្រូកចូលមកក្នុងទឹកទំនប់ព្រៃផ្តៅ និងស្រែអូរប្រឡាយរបស់ប្រជាកសិករ ស្ថិតនៅភូមិព្រៃយ៉ាវ ភូមិត្បែងពក និងភូមិព្រៃវែង ឃុំស្រែក្នុង។

កំពត៖ ការរៀបចំប្លង់គោលប្រើប្រាស់ដី និងផែនការប្រើប្រាស់ដីចក្ខុវិស័យឆ្នាំ ២០៥០ សម្រាប់ស្រុកកំពង់ត្រាច ខេត្តកំពត គឺជាជំហានសំខាន់ក្នុងការកំណត់ទិសដៅអភិវឌ្ឍន៍ឱ្យស្របតាមសក្តានុពលតំបន់ ដោយភ្ជាប់វិស័យកសិកម្ម ពាណិជ្ជកម្ម និងទេសចរណ៍ ជាមួយការវិនិយោគលើហេដ្ឋារចនាសម្ព័ន្ធ ដើម្បីជំរុញសេដ្ឋកិច្ចមូលដ្ឋាន និងលើកកម្ពស់ជីវភាពប្រជាពលរដ្ឋ។

កំពត៖ វេទិកាពិគ្រោះយោបល់របស់ក្រុមប្រឹក្សាខេត្តកំពត នៅស្រុកដងទង់ បានផ្តល់ឱកាសឱ្យប្រជាពលរដ្ឋលើកឡើងពីបញ្ហាប្រឈម និងតម្រូវការជាក់ស្តែងក្នុងមូលដ្ឋាន ដោយក្នុងចំណោមសំណើរសំណូមពរ និងកង្វល់ចំនួន ១១ ករណី មន្ត្រីជំនាញបានឆ្លើយបំភ្លឺឯកភាពដោះស្រាយចំនួន ១១ ករណី។ ចំណែកឯ ពាក់ព័ន្ធនិងករណីរបស់ប្រជាពលរដ្ឋឆ្នាំ ២០២៥ ចំនួន ៨ករណី ក្នុងនោះ បំភ្លឺ ៨ករណី ដោះស្រាយ ៧ករណី។

កំពត៖ វេទិកាផ្សព្វផ្សាយ និងពិគ្រោះយោបល់របស់ក្រុមប្រឹក្សាខេត្តកំពត នៅស្រុកកំពង់ត្រាច បានទទួលសំណើ និងតម្រូវការពីមូលដ្ឋានចំនួន៤ករណីប៉ុណ្ណោះ ដែលពាក់ព័ន្ធនឹងហេដ្ឋារចនាសម្ព័ន្ធ សុខភាពសាធារណៈ និងបណ្ណសមធម៌។ ថ្នាក់ដឹកនាំខេត្តបានលើកទឹកចិត្តឱ្យប្រជាពលរដ្ឋបន្តចូលរួមបញ្ចេញមតិ និងពិគ្រោះយោបល់ជាមួយអាជ្ញាធរ ដើម្បីរួមចំណែកអភិវឌ្ឍមូលដ្ឋានឱ្យកាន់តែប្រសើរ។

កំពត៖ វេទិកាពិគ្រោះយោបល់របស់ក្រុមប្រឹក្សាខេត្តកំពត នៅស្រុកឈូក បានផ្តល់ឱកាសឱ្យប្រជាពលរដ្ឋលើកឡើងពីបញ្ហាប្រឈម និងតម្រូវការជាក់ស្តែងក្នុងមូលដ្ឋាន ដោយក្នុងចំណោមសំណើ សំណូមពរ និងកង្វល់ចំនួន ៣០ករណី មន្ត្រីជំនាញបានឆ្លើយបំភ្លឺចំនួន ២៧ករណី ខណៈ ៣ករណីទៀតត្រូវការការពិនិត្យ និងដោះស្រាយបន្ត។