ភ្នំពេញ៖ នាថ្ងៃចន្ទ ១០រោច ខែស្រាពណ៍ ឆ្នាំមមី អដ្ឋស័ក ព.ស.២៥៧០ ត្រូវនឹងថ្ងៃទី៧ ខែកញ្ញា ឆ្នាំ២០២៦ ឯកឧត្តម ម៉ក់ រ៉ា ប្រធានក្រុមប្រឹក្សាខេត្តពោធិ៍សាត់ និងឯកឧត្តម ខូយ រីដា អភិបាល នៃគណៈអភិបាលខេត្តពោធិ៍សាត់ បានអញ្ជើញចូលរួមក្នុងពិធីបុណ្យគម្រប់ ៧ថ្ងៃ ដើម្បីឧទ្ទិសកុសលជូនវិញ្ញាណក្ខន្ធ ឯកឧត្តម តី ម៉ាលី អនុរដ្ឋលេខាធិការ ក្រសួងព័ត៌មាន និងត្រូវជាឪពុកបង្កើតរបស់ លោកជំទាវ ម៉ាលី សុជាតា ដែលពិធីនេះបានរៀបចំឡើងនៅវត្តសន្សំកុសល ស្ថិតក្នុងសង្កាត់បឹងទំពន់ទី១ ខណ្ឌមានជ័យ រាជធានីភ្នំពេញ។ សូមបញ្ជាក់ថា ឯកឧត្តម តី ម៉ាលី បានទទួលមរណភាព កាលពីថ្ងៃពុធ ៥រោច ខែស្រាពណ៌ ឆ្នាំមមី អដ្ឋស័ក ព.ស.២៥៧០ ត្រូវនឹងថ្ងៃទី២ ខែកញ្ញា ឆ្នាំ២០២៦ វេលាម៉ោង ៤:៣៨ នាទីព្រឹក ក្នុងជន្មាយុ ៦៨ឆ្នាំ ដោយរោគាពាធ។ នៅក្នុងឱកាសប្រកបដោយសេចក្តីសោកសង្វេគនេះ ថ្នាក់ដឹកនាំខេត្តពោធិ៍សាត់ ព្រមទាំងប្រជាពលរដ្ឋ សូមចូលរួមរំលែកនូវមរណទុក្ខដ៏មហាក្រៀមក្រំ និងសម្តែងនូវការស្តាយស្រណោះជាទីបំផុតជាមួយក្រុមគ្រួសារនៃសព ព្រមទាំងបានឧទ្ទិសបួងសួងសូមឱ្យដួងវិញ្ញាណក្ខន្ធរបស់ ឯកឧត្តម តី ម៉ាលី បានទៅកាន់សុគតិភព កុំបីឃ្លៀងឃ្លាតឡើយ៕

ប្រតិភូរដ្ឋបាលខេត្តពោធិ៍សាត់ ដឹកនាំដោយ លោក ញ៉ឹក បានខេង អភិបាលរងខេត្ត តំណាង ឯកឧត្តម ខូយ រីដា អភិបាលខេត្ត អមដំណើរដោយថ្នាក់ដឹកនាំរដ្ឋបាលក្រុងពោធិ៍សាត់ នាយទាហាន និងនាយទាហានរង នៃកងយោធពលខេមរភូមិន្ទ បានអញ្ជើញដាក់កម្រងផ្កា គោរពវិញ្ញាណក្ខន្ធ និងបំពាក់ឋានន្តរសក្តិជាកិច្ចបច្ឆាមរណៈ ជូនសព លោកអនុសេនីយ៍ឯក លឿង ចាន់សុអាត នាយរងការិយាល័យអភិវឌ្ឍន៍ នៃតំបន់ប្រតិបត្តិការសឹករងពោធិ៍សាត់ នាថ្ងៃទី0៧ ខែកញ្ញា ឆ្នាំ២០២៦។

អង្គសន្និបាតដ៏មានអត្ថន័យនេះ ត្រូវបានរៀបចំឡើងដើម្បីត្រួតពិនិត្យ វាយតម្លៃ និងបូកសរុបនូវរាល់សមិទ្ធផលការងារសំខាន់ៗដែលក្រុមប្រឹក្សាឃុំ សង្កាត់ សម្រេចបានក្នុងរយៈពេលនៃអាណត្តិទី៥ កន្លងមក។ ជាមួយគ្នានេះ សន្និបាតក៏ជាវេទិកាយ៉ាងសំខាន់ក្នុងការផ្លាស់ប្តូរបទពិសោធន៍ ពិនិត្យមើលបញ្ហាប្រឈម និងទិសដៅអនុវត្តបន្ត ដើម្បីពង្រឹងការដឹកនាំ និងគ្រប់គ្រងរដ្ឋបាលថ្នាក់ក្រោមជាតិឱ្យកាន់តែមានប្រសិទ្ធភាព។

ឯកឧត្តម ខូយ រីដា បាននាំយកអំណោយកាកបាទក្រហមកម្ពុជា ជូនប្រជាពលរដ្ឋរងគ្រោះដោយគ្រោះរាំងស្ងួតចំន ១.១០០ គ្រួសារ ស្ថិតក្នុងស្រុកតាលោសែនជ័យ ព្រមទាំងបានអំពាវនាវឱ្យពលរដ្ឋយកចិត្តទុកដាក់ថែរក្សាសុខភាព អនាម័យ និងអប់រំកូនចៅឱ្យចៀសឆ្ងាយពីគ្រឿងញៀន។

លោក ហេង សុភាណា អភិបាលរងនៃគណៈអភិបាលខេត្ត និងជាប្រធានក្រុមការងារ ចុះជួយសង្កាត់លលកស អមដំណើរដោយ ឯកឧត្តម សៅ ដារឿន អនុប្រធានក្រុមការងារ ព្រមទាំងតំណាងមន្ទីរវប្បធម៌ និងវិចិត្រសិល្បៈខេត្ត អាជ្ញាធរសង្កាត់ ភូមិ និងក្រុមការងារប្រតិបត្តិថ្នាក់មូលដ្ឋាន បានអញ្ជើញចុះជួបសំណេះសំណាល សួរសុខទុក្ខ និងនាំយកអំណោយជាសម្ភារប្រើប្រាស់ សារុង និងសាប៊ូ ចែកជូនបងប្អូនប្រជាពលរដ្ឋនៅក្នុងភូមិវត្តលួង សង្កាត់លលកស ក្រុងពោធិ៍សាត់ នាថ្ងៃទី០៥ ខែកញ្ញា ឆ្នាំ២០២៦។

លោក ហេង សុភាណា អភិបាលរងខេត្ត តំណាងឯកឧត្តម ខូយ រីដា អភិបាលនៃគណៈអភិបាលខេត្ត បានអញ្ជើញសំណេះសំណាលជាមួយមាតាបិតា អាណាព្យាបាលសិស្ស ពាក់ព័ន្ធក្នុងឱកាសប្រឡងជ្រើសរើសសិស្សចូលរៀនថ្នាក់ទី១០នៃកម្មវិធីសាលារៀនជំនាន់ថ្មីនៅវិទ្យាល័យពោធិ៍សាត់ ជាកម្មវិធីកំណែទម្រង់អប់រំសាធារណៈរបស់រាជរដ្ឋាភិបាលកម្ពុជា ក្នុងគោលបំណងលើកកម្ពស់គុណភាពអប់រំឱ្យទាន់សម័យកាលឌីជីថលនិងផ្តោតលើជំនាញវិទ្យាសាស្ត្រ បច្ចេកវិទ្យា វិស្វកម្ម និងគណិតវិទ្យា នាថ្ងៃទី០៥ ខែកញ្ញា ឆ្នាំ២០២៦។