លោក​ ធាង​ ឡេង​ អភិបាល​នៃគណៈ​អភិបាល​ស្រុក​ និង​មន្ត្រី​សាលា​ស្រុក​ នៅព្រឹក​ថ្ងៃទី​១៦​ ខែមិថុនា​ ឆ្នាំ២០២៦​ បាន​ប្រគេន​ ទេយ្យទាន​ និង​កូន​ក្ងោកចំនួន១០ដេីម ដល់​ព្រះ​ចៅអធិកា​រ វត្ត​ពោធិ៍ការាម ហៅវត្ត​ក្រពេីពីរ។

វេទិកានេះមានគោលបំណងផ្តល់ឱកាសឱ្យប្រជាពលរដ្ឋលើកឡើងពីបញ្ហា ក្តីកង្វល់ និងសំណូមពរ ដើម្បីឱ្យអាជ្ញាធរ និងមន្ទីរជំនាញដឹង និងដោះស្រាយបានទាន់ពេលវេលា ព្រមទាំងលើកកម្ពស់តម្លាភាព គណនេយ្យភាព និងប្រសិទ្ធភាពនៃការគ្រប់គ្រងរដ្ឋបាលមូលដ្ឋាន។

កិច្ចប្រជុំនេះរៀបចំឡើងក្នុងគោលបំណងដើម្បីផ្សព្វផ្សាយ និងប្រមូលធាតុចូលសម្រាប់រៀបចំផែនការសកម្មភាព ក្នុងការអនុវត្តក្របខណ្ឌយុទ្ធសាស្រ្តកម្ពុជា ២០២៤-២០៣០ សម្រាប់ខេត្តពោធិ៍សាត់ យោងតាមប្រតិទិនប្រជុំប្រចាំឆ្នាំ២០២៦។

ពោធិ៍សាត់៖ នៅវេលាយប់ថ្ងៃទី៣១ដល់ថ្ងៃទី១​ ខែមិថុនា​ ឆ្នាំ២០២៦ ដោយអនុវត្តតាមបទបញ្ជាផ្ទាល់របស់ ឯកឧត្តមរដ្ឋមន្រ្តី និងជាប្រធានគណៈកម្មាធិការដឹកនាំការត្រួតពិនិត្យយានយន្តដឹកជញ្ជូនលើសទម្ងន់កម្រិតកំណត់ ក្រុមការងារពិសេស ដឹកនាំដោយ ឯកឧត្តម ឯក រដ្ឋ អនុរដ្ឋលេខាធិការ និងជាប្រធានក្រុម សហការជាមួយមន្រ្តីស្ថានីយឃ្លាំងមឿង​ បានចុះបង្ក្រាបយានយន្តធុនធ្ងន់ដឹកលើសទម្ងន់កម្រិតកំណត់នៅចំណុច២ទីតាំងផ្សេងគ្នា​ ដោយទទួលបានលទ្ធផលដូចខាងក្រោម៖ -នៅផ្លូវជាតិលេខ៥៥ គ.មលេខ៣ ស្រុកបាកាន​ ខេត្តពោធិ៍សាត់​ បានត្រួតពិនិត្យយានយន្តចំនួន ២គ្រឿង​ ប្រភេទសណ្តោងសឺមីរ៉ឺម៉កភ្លៅ៦​ ដោយ​ផ្ទុកទម្ងន់សរុប​ ៨៧តោន​ និង​ ៩០តោន​ គិតជាទម្ងន់លេីស​ស្មេីនឹង​ ៤២តោន​ និង​ ៤៥តោន។ -នៅផ្លូវជាតិលេខ៥ ចន្លោះគ.មលេខ១៩១​ និងគ.មលេខ១៩២​ ស្រុកបាកាន​ ខេត្តពោធិ៍សាត់​ បានត្រួតពិនិត្យយានយន្តចំនួន ៤គ្រឿង​ ប្រភេទរថយន្តភ្លៅ៤​ ដោយ​ផ្ទុកទម្ងន់សរុប​ចន្លោះ៣៨តោន ដល់​ ៤៥តោន​ គិតជាទម្ងន់លេីស​ស្មេីនឹង​៨តោន​ រហូតដល់​ ១៥តោន​។