កិច្ចពិភាក្សា ស្តីពី «ការវាយតម្លៃលើការរៀបចំសន្និសីទអន្តរជាតិ ស្តីពី ការប្រយុទ្ធប្រឆាំងនឹងការឆបោកតាមប្រព័ន្ធបច្ចេកវិទ្យា» ថ្ងៃទី១៦ ខែតុលា ឆ្នាំ២០២៦
កំពត៖ នៅព្រឹកថ្ងៃទី១៣ ខែតុលា ឆ្នាំ២០២៦ លោកជំទាវ មុយ វិរ័ត្ន អភិបាលរងខេត្តកំពត តំណាងលោក ម៉ៅ ធនិន អភិបាលខេត្ត បាននាំយកអំណោយសង្គ្រោះបន្ទាន់ជាសម្ភារប្រើប្រាស់ គ្រឿងឧបភោគបរិភោគ និងថវិកា ទៅចែកជូនប្រជាពលរដ្ឋចំនួន ៤គ្រួសារ ដែលរងគ្រោះដោយសារគ្រោះអគ្គិភ័យឆេះផ្ទះ ស្ថិតនៅក្នុងឃុំត្រពាំងធំ ស្រុកទឹកឈូ ខេត្តកំពត ដើម្បីជួយសម្រាលទុក្ខលំបាក និងដោះស្រាយជីវភាពចំពោះមុខ។
កំពត៖ អភិបាលខេត្តកំពតបានដាក់បទបញ្ជាដល់អាជ្ញាធរមូលដ្ឋាន ពិសេសមន្ទីរជំនាញ ចុះតាមដាន និងពិនិត្យលើការអនុវត្តសៀវភៅបន្ទុករបស់អ្នកវិនិយោគផ្សារទាំងអស់នៅទូទាំងខេត្ត ដើម្បីឱ្យបានដឹងថា តើកន្លងមកបានអនុវត្តត្រឹមត្រូវដែរឬទេ ហើយការអភិវឌ្ឍផ្សារដើម្បីផ្តល់ភាពងាយស្រួលដល់អាជីវករក្នុងការលក់ដូរដែរឬទេ។ ហើយប្រសិនបើរកឃើញថា អ្នកវិនិយោគផ្សារនោះ មិនបានអនុវត្តន៍ត្រឹមត្រូវតាមសៀវភៅបន្ទុកនោះទេ និងត្រូវបញ្ចប់កិច្ចសន្យា ហើយយកអ្នកវិនិយោគថ្មីមកគ្រប់គ្រងដើម្បីផ្តល់ភាពកក់ក្តៅដល់អាជីវករ។
កំពត៖ ប្រធាន ក.ច.ប និងអ្នកសង្កេតការណ៍ បានអំពាវនាវដល់ពលរដ្ឋ ទោះធ្លាប់បោះឆ្នោតហើយក៏ដោយ សូមមកពិនិត្យបញ្ជីឈ្មោះឡើងវិញ ដើម្បីធានាថាខ្លួនមានសិទ្ធិចូលរួមក្នុងការបោះឆ្នោតជ្រើសរើសក្រុមប្រឹក្សាឃុំសង្កាត់ អាណត្តិទី៦ នៅថ្ងៃទី៦ ខែមិថុនា ឆ្នាំ២០២៧ខាងមុខ។ ពិសេសត្រូវណែនាំកូនៗដែលទើបគ្រប់អាយុវ ឲ្យមកចុះឈ្មោះបោះឆ្នោតឲ្យបានទាន់ពេលវេលា។
ក្រោយទទួលបទបញ្ជាពីអភិបាលខេត្តកំពត នាព្រឹកថ្ងៃទី១៣ ខែតុលា ឆ្នាំ២០២៦ អាជ្ញាធរស្រុកទឹកឈូបានចុះផ្អាកដំណើរការលក់ដូរម្ហូបអាហារមួយកន្លែងនៅតំបន់ទេសចរណ៍កោះស្មៅស្ថិតក្នុងឃុំជុំក្រៀលព្រោះតែម្ចាស់អាជីវកម្មប្រើកាយវិកា និងពាក្យសម្តីមិនសមរម្យជាមួយភ្ញៀវដើរកម្សាន្ត ព្រមទាំងដេញមិនឱ្យចតរថយន្តលើទីសាធារណៈទល់មុខតូបរបស់ខ្លួនប្រាសចាកពីសេចក្តីណែនាំ។
