កំពត៖ ថ្ងៃទី៩ ខែវិច្ឆិកា ឆ្នាំ២០២៦ រដ្ឋបាលស្រុកឈូក សហការជាមួយរដ្ឋបាលព្រៃឈើ និងអាជ្ញាធរឃុំតាកែន បានសម្រេចចុះបិទផ្លូវឡើងទៅកាន់ព្រៃសហគមន៍ចងឯកជាបណ្តោះអាសន្ន ស្ថិតនៅឃុំតាកែន ស្រុកឈូក ខេត្តកំពត បន្ទាប់ពីមានប្រជាពលរដ្ឋបានលួចចូលទៅកាប់បំផ្លាញកូនឈើយ៉ាងអាណាធិបតេយ្យ ដើម្បីការពារ និងទប់ស្កាត់ការបាត់បង់ធនធានធម្មជាតិបន្ថែមទៀត។
កំពត៖ នៅវេលារសៀល ថ្ងៃទី៧ ខែវិច្ឆិកា ឆ្នាំ២០២៦ រដ្ឋបាលសង្កាត់អណ្ដូងខ្មែរ ដឹកនាំដោយលោក គង់ សុផុន ចៅសង្កាត់អណ្ដូងខ្មែរ ព្រមទាំងសហការី បានអញ្ជើញចុះផ្ទាល់ដើម្បីចូលរួមរំលែកទុក្ខដ៏ក្រៀមក្រំ និងនាំយកសម្ភារៈព្រមទាំងថវិកាទៅឧបត្ថម្ភដល់គ្រួសារសពលោកយាយ ហួត ភាន ដែលបានទទួលមរណភាពដោយជំងឺរ៉ាំរ៉ៃ ស្ថិតនៅភូមិអូរតូច សង្កាត់អណ្ដូងខ្មែរ ក្រុងកំពត ក្នុងគោលបំណងជួយសម្រាលបន្ទុកសេដ្ឋកិច្ចក្នុងការរៀបចំពិធីបុណ្យតាមប្រពៃណី។
កំពត៖ នៅព្រឹកថ្ងៃទី១០ ខែវិច្ឆិកា ឆ្នាំ២០២៦ នេះ ប្រជាពលរដ្ឋដែលមានជីវភាពខ្វះខាត ព្រមទាំងគ្រួសារដែលជួបប្រទះការលំបាកដោយហេតុការណ៍ផ្សេងៗ បានអញ្ជើញមកទទួលរបបឧបត្ថម្ភជាអង្ករ និងថវិកាប្រចាំខែ ក្រោមការគិតគូរ និងយកចិត្តទុកដាក់ខ្ពស់ពីសំណាក់ ឯកឧត្តម ម៉ៅ ធនិន អភិបាលនៃគណៈអភិបាលខេត្តកំពត ដើម្បីជួយសម្រាលបន្ទុកជីវភាពរស់នៅប្រចាំថ្ងៃ។
ភ្នំពេញ៖ ក្រសួងធនធានទឹក និងឧតុនិយម បានចេញព្រឹត្តិបត្រព័ត៌មានព្យាករណ៍ធាតុអាកាស នៅថ្ងៃទី១០ ខែវិច្ឆិកា ឆ្នាំ២០២៦ ដោយជូនដំណឹងដល់សាធារណជននៅតាមបណ្តាខេត្ត និងរាជធានីទាំងអស់ក្នុងប្រទេសកម្ពុជា ឱ្យបានជ្រាបពីស្ថានភាពធាតុអាកាសចាប់ពីថ្ងៃទី១០ ដល់ថ្ងៃទី១២ ខែវិច្ឆិកា ឆ្នាំ២០២៦ ដោយសារឥទ្ធិពលនៃប្រព័ន្ធសម្ពាធទាប និងព្យុះទី២២ ឈ្មោះ សេមប៉ាកា (Cempaka) T2632 ដែលបណ្តាលឱ្យមានភ្លៀងធ្លាក់លាយឡំជាមួយផ្គរ រន្ទះ និងខ្យល់កន្ត្រាក់នៅតាមតំបន់មួយចំនួន។
ទេសាភិបាលរងធនាគារជាតិ នៃកម្ពុជា មន្ត្រីជំនាញ ថ្នាក់ដឹកនាំក្រសួង និងអាជ្ញាធរខេត្តកំពត លើកទឹកចិត្ត និងគាំទ្រជានិច្ច ចំពោះវិស័យធនាគារ ព្រោះប្រទេសមួយ បើវិស័យធនាគារមិនរឹងមាំទេ សេដ្ឋកិច្ចប្រទេស ក៏គ្មានដំណើរការល្អដែរ។ ថ្នាក់ដឹកនាំជំរុញដល់សមាគមធ្វើយ៉ាងណាជួយពង្រឹងវិស័យធនាគារឲ្យកាន់តែល្អប្រសើរ ពិសេសសូមបន្តជំរុញគាំទ្រការប្រើប្រាស់ប្រាក់រៀល ទាំងសាច់ប្រាក់ និងតាមប្រព័ន្ធ KH QR។
