ភ្នំពេញ៖ ក្រសួងធនធានទឹក និងឧតុនិយម បានចេញព្រឹត្តិបត្រព័ត៌មានព្យាករណ៍ធាតុអាកាស នៅថ្ងៃទី១០ ខែវិច្ឆិកា ឆ្នាំ២០២៦ ដោយជូនដំណឹងដល់សាធារណជននៅតាមបណ្តាខេត្ត និងរាជធានីទាំងអស់ក្នុងប្រទេសកម្ពុជា ឱ្យបានជ្រាបពីស្ថានភាពធាតុអាកាសចាប់ពីថ្ងៃទី១០ ដល់ថ្ងៃទី១២ ខែវិច្ឆិកា ឆ្នាំ២០២៦ ដោយសារឥទ្ធិពលនៃប្រព័ន្ធសម្ពាធទាប និងព្យុះទី២២ ឈ្មោះ សេមប៉ាកា (Cempaka) T2632 ដែលបណ្តាលឱ្យមានភ្លៀងធ្លាក់លាយឡំជាមួយផ្គរ រន្ទះ និងខ្យល់កន្ត្រាក់នៅតាមតំបន់មួយចំនួន។

ភ្នំពេញ៖ នាពេលថ្មីៗនេះ នាយកដ្ឋានប្រឆាំងបទល្មើសបច្ចេកវិទ្យា នៃក្រសួងមហាផ្ទៃ បានចេញសេចក្តីក្រើនរំលឹកជាថ្មី និងអំពាវនាវយ៉ាងទទូចដល់ប្រជាពលរដ្ឋទាំងអស់ កុំឱ្យលក់ ជួល ឬផ្តល់គណនីធនាគាររបស់ខ្លួនទៅឱ្យអ្នកដទៃប្រើប្រាស់ជាដាច់ខាត ដើម្បីចៀសវាងការប្រឈមមុខនឹងផ្លូវច្បាប់ និងការខូចខាតប្រវត្តិហិរញ្ញវត្ថុ ប្រសិនបើគណនីនោះត្រូវបានជនល្មើសយកទៅប្រើប្រាស់ក្នុងសកម្មភាពឆបោក ឬបទល្មើសផ្សេងៗ។

ភ្នំពេញ៖ ក្រសួងធនធានទឹក និងឧតុនិយម បានចេញសេចក្តីជូនដំណឹង អំពាវនាវឱ្យសាធារណជន និងអ្នកធ្វើដំណើរតាមផ្លូវគោក និងផ្លូវទឹក បង្កើនការប្រុងប្រយ័ត្នខ្ពស់ចំពោះបាតុភូតភ្លៀងធ្លាក់ ផ្គររន្ទះ និងខ្យល់កន្ត្រាក់ នៅទូទាំងប្រទេសកម្ពុជា ចាប់ពីថ្ងៃទី៥ ដល់ថ្ងៃទី១៥ ខែសីហា ឆ្នាំ២០២៦ ដោយសារតែឥទ្ធិពលនៃព្យុះទី១៤ ឈ្មោះ «កុជីរ៉ា» (Kujira) និងព្យុះទី១៣ ឈ្មោះ «ដុលហ្វីន» (Dolphin) បានបង្កើនកម្លាំងរបបខ្យល់មូសុងនិរតី ទោះបីជាប្រទេសកម្ពុជាមិនស្ថិតនៅក្នុងគន្លងផ្លូវដើរដោយផ្ទាល់នៃព្យុះទាំងពីរនេះក៏ដោយ។

ភ្នំពេញ៖ យោងតាមព្រឹត្តិបត្រព័ត៌មានស្តីពីស្ថានភាពធាតុអាកាស របស់ក្រសួងធនធានទឹក និងឧតុនិយម ដែលបានផ្សព្វផ្សាយនៅថ្ងៃទី៦ ខែកក្កដា ឆ្នាំ២០២៦ នេះ បានឱ្យដឹងថា ព្រះរាជាណាចក្រកម្ពុជាកំពុងបន្តរងឥទ្ធិពលពីព្យុះទី៩ ឈ្មោះ បាវី (Bavi) T2609 ដែលបានវិវត្តទៅជាព្យុះសង្ឃរា រហូតដល់ថ្ងៃទី១២ ខែកក្កដា ខាងមុខ ខណៈព្យុះទី១០ ឈ្មោះ ម៉ៃស័ក (Maysak) T2610 (ដែលជាឈ្មោះរបស់កម្ពុជា) នឹងត្រូវរលាយបាត់ទៅវិញនៅថ្ងៃទី៦ ខែកក្កដានេះ។

ភ្នំពេញ៖ ក្រសួងសេដ្ឋកិច្ច និងហិរញ្ញវត្ថុ បានចេញសេចក្តីណែនាំមួយស្តីពី «ការគ្រប់គ្រងផលិតផលគ្រឿងស្រវឹង និងភេសជ្ជៈមានជាតិស្ករ» ដោយតម្រូវឱ្យក្រុមហ៊ុន និងសហគ្រាសទាំងអស់បញ្ឈប់រាល់ការផ្តល់ ឬប្តូរជារង្វាន់ ត្រឹមថ្ងៃទី៣០ ខែកញ្ញា ឆ្នាំ២០២៦ខាងមុខនេះ ដើម្បីពង្រឹងការគ្រប់គ្រងផលិតផលគ្រឿងស្រវឹង និងភេសជ្ជៈមានជាតិស្ករ ក្នុងស្រុក ស្របតាមគោលការណ៍ណែនាំរបស់រាជរដ្ឋាភិបាល។

ភ្នំពេញ៖ រាជរដ្ឋាភិបាលកម្ពុជាបានចេញសារាចរណែនាំជាផ្លូវការ សម្រេចផ្អាកការប្រារព្ធព្រះរាជពិធីបុណ្យអុំទូក បណ្តែតប្រទីប និងសំពះព្រះខែ អកអំបុក នៅតាមដងទន្លេសាប មុខព្រះបរមរាជវាំង ក្នុងរាជធានីភ្នំពេញ សម្រាប់ឆ្នាំ២០២៦ ដោយសាររាជរដ្ឋាភិបាលបាននឹងកំពុងយកចិត្តទុកដាក់លើស្ថានការណ៍ចំពោះមុខ នៅតាមព្រំដែនកម្ពុជា-ថៃ ជាពិសេសការដោះស្រាយបញ្ហានានាជូនជនភៀសសឹក ក៏ដូចជាកិច្ចការអាទិភាពមួយចំនួន។