ខេត្តកំពង់ចាម៖ នារសៀលថ្ងៃទី១៩ ខែតុលា ឆ្នាំ២០២៦ ឯកឧត្តម សា ស៊ីថា អភិបាលរងខេត្ត និងជាតំណាងដ៏ខ្ពង់ខ្ពស់ ឯកឧត្តម អ៊ុន ចាន់ដា អភិបាល នៃគណៈអភិបាលខេត្តកំពង់ចាម បានអញ្ជើញចូលរួមជាគណៈអធិបតីក្នុងកិច្ចប្រជុំដោះស្រាយ និងសម្របសម្រួលទំនាស់ដីធ្លីរបស់ប្រជាពលរដ្ឋចំនួន ២គ្រួសារ។
កំពត៖ នាព្រឹកថ្ងៃទី១៨ ខែតុលា ឆ្នាំ២០២៦ លោក អូន ខន អភិបាលស្រុកកំពង់ត្រាច និងលោក សោម យ៉ាន ប្រធានក្រុមប្រឹក្សាស្រុក បានដឹកនាំក្រុមការងាររដ្ឋបាលស្រុក និងអាជ្ញាធរមូលដ្ឋាន ចូលរួមរំលែកទុក្ខយ៉ាងក្រៀមក្រំ និងនាំយកថវិកាបច្ច័យចំនួន ១,០០០,០០០ រៀល ប្រគល់ជូនក្រុមគ្រួសារសពលោកតា ចឹក ស៊ង មេភូមិច្រនៀង ដែលបានទទួលមរណភាពដោយជរាពាធ នៅគេហដ្ឋានរបស់សព ស្ថិតក្នុងភូមិច្រនៀង ឃុំភ្នំប្រាសាទ ស្រុកកំពង់ត្រាច ខេត្តកំពត។
ដោយមើលឃើញពីសក្តានុពលរបស់ខេត្តកំពត ពាក់ព័ន្ធនឹងការវិនិយោគរបស់ខ្លួន ក្រុមហ៊ុនចំនួន១២ បានធ្វើការចុះកិច្ចព្រមព្រៀងចូលរួមវិនិយោគនៅក្នុងតំបន់សេដ្ឋកិច្ចពិសេស កំពត ហ្វូជាន ដែលមានទីតាំងស្ថិតក្នុងស្រុកជុំគិរី ខេត្តកំពត។ នេះជាលទ្ធផលដ៏មានតម្លៃមួយក្នុតដំណើរទស្សនកិច្ចរបស់គណៈប្រតិភូខេត្តកំពតមកកាន់ខេត្តហ្វូជាន សាធារណរដ្ឋប្រជាមានិតចិន ហើយលទ្ធផលនេះនឹងនាំយកការងារជូនបងប្អូនប្រជាពលរដ្ឋក្នុងខេត្តកំពតបានកាន់តែច្រើនបន្ថែមទៀត។
ភ្នំពេញ៖ ក្រសួងធនធានទឹក និងឧតុនិយម បានចេញសេចក្តីជូនដំណឹងនៅថ្ងៃទី១៩ ខែតុលា ឆ្នាំ២០២៦ ណែនាំដល់មន្ទីរធនធានទឹក និងឧតុនិយមរាជធានី-ខេត្ត ឱ្យចាត់វិធានការប្រមូល និងថែរក្សាទឹកទុកក្នុងអាង និងបឹងបួ ដោយសារការព្យាករអាកាសធាតុបង្ហាញថា បាតុភូតអែលនីណូ (El Niño) នឹងកើនឡើងដល់កម្រិត ១០០% ពីសប្តាហ៍ទី៣ នៃខែតុលា ឆ្នាំ២០២៦ រហូតដល់ខែកុម្ភៈ ឆ្នាំ២០២៧ ដែលអាចបង្កឱ្យមានភ្លៀងកម្រិតខ្សោយ និងខ្យល់កន្ត្រាក់។
ប្រទេសចិន៖ នៅរសៀលថ្ងៃទី១៨ ខែតុលា ឆ្នាំ២០២៦ ឯកឧត្តម ម៉ៅ ធនិន អភិបាល នៃគណៈអភិបាលខេត្តកំពត បានដឹកនាំប្រតិភូរដ្ឋបាលខេត្ត អញ្ជើញធ្វើដំណើរទស្សនកិច្ចនៅតំបន់ទេសចរណ៍ «៦៨ ម៉ាយសមុទ្រ» (68 Nautical Miles Scenic Area) និង «ទីក្រុងតៃវ៉ាន់» (Pingtan Taiwan Small Town) ស្ថិតក្នុងក្រុងភីងថាន ខេត្តហ្វូជៀន សាធារណរដ្ឋប្រជាមានិតចិន ក្នុងគោលបំណងពង្រឹងចំណងមិត្តភាព និងលើកកម្ពស់កិច្ចសហប្រតិបត្តិការលើវិស័យពាណិជ្ជកម្ម វិនិយោគ និងទេសចរណ៍រវាងតំបន់ទាំងពីរឱ្យកាន់តែជិតស្និទ្ធ និងមានប្រសិទ្ធភាពខ្ពស់បន្ថែមទៀត តាមរយៈការផ្លាស់ប្តូរបទពិសោធន៍ជាក់ស្តែង។
