ប្រធានក្រុមការងារថ្នាក់ខេត្តចុះមូលដ្ឋានឃុំកំពង់ភ្លុក បានណែនាំដល់ស្ត្រីមានផ្ទៃពោះទាំងអស់ ត្រូវយកចិត្តទុកដាក់ខ្ពស់លើការថែទាំ និងពិនិត្យផ្ទៃពោះឱ្យបានទៀងទាត់ យ៉ាងហោចណាស់ចំនួន ៤ដង មុនពេលសម្រាលកូន ជាពិសេសត្រូវស្វែងរកសេវាសម្រាលកូនជាមួយឆ្មបជំនាញ ឬបុគ្គលិកសុខាភិបាលដែលមានវិជ្ជាជីវៈច្បាស់លាស់ នៅតាមមណ្ឌលសុខភាព ឬមន្ទីរពេទ្យបង្អែក ដើម្បីធានបាននូវសុវត្ថិភាពទាំងម្ដាយ និងកូន។

នៅថ្ងៃទី៨ ខែកញ្ញា ឆ្នាំ២០២៦នេះ សមាគម Wa-Links និងទីភ្នាក់ងារ JICA ប្រចាំកម្ពុជា បានសហការជាមួយរដ្ឋបាលខេត្តសៀមរាប រៀបចំសិក្ខាសាលា ស្ដីពី«ការចែករំលែកការអនុវត្តល្អ ក្នុងការគ្រប់គ្រងទឹកសហគមន៍» ក្រោមគម្រោងលើកកម្ពស់ការផ្គត់ផ្គង់ទឹកជនបទនៃប្រទេសកម្ពុជា ដែលផ្ដើមចេញពីការបង្កើនសមត្ថភាពគ្រប់គ្រងដោយឯករាជ្យនៃប្រតិបត្តិករទឹកក្នុងឃុំសង្វើយ និងពង្រីកគំរូនេះទៅកាន់ទីកន្លែងនានា ក្នុងខេត្តសៀមរាប និងទូទាំងប្រទេសកម្ពុជាយកទៅអនុវត្តតាម។

ថ្លែងបើកវគ្គបណ្ដុះបណ្ដាលជំនាញរៀបចំគម្រោងស្តែម (STEM) ឆ្នាំ២០២៦ នៅខេត្តសៀមរាប នាថ្ងៃទី៨ ខែកញ្ញា ឆ្នាំ២០២៦នេះ ឯកឧត្តម សេរី ជំនះ រដ្ឋលេខាធិការក្រសួងអប់រំ យុវជន និងកីឡា បានថ្លែងថា យុវជនក្នុងសតវត្សទី២១ ត្រូវរៀនឱ្យទាន់សម័យ និងចេះប្រើប្រាស់បច្ចេកវិទ្យា ប៉ុន្តែត្រូវដាច់ខាតមិនត្រូវឱ្យបច្ចេកវិទ្យាគ្រប់គ្រង ឬប្រើយើងវិញឡើយ ត្រូវចេះគិត ចេះសួរ ចេះស្រាវជ្រាវ ចេះបង្កើតថ្មី និងយកចំណេះដឹងទៅដោះស្រាយបញ្ហា និងស្មារតីស្រឡាញ់ជាតិ ដើម្បីក្លាយជាធនធានមនុស្សដែលមានគុណភាពសម្រាប់គ្រួសារ និងសង្គមជាតិ។

រយៈពេល៣ថ្ងៃ គឺថ្ងៃទី២-៤ ខែកញ្ញា ឆ្នាំ២០២៦កន្លងទៅនេះ គណៈប្រតិភូខេត្តសៀមរាប ដឹកនាំដោយ លោក ង៉ូវ សេងកាក់ អភិបាលរងខេត្ត បានចូលរួមមហាសន្និបាតទូទៅនៃសហព័ន្ធទេសចរណ៍អន្តរតំបន់អាស៊ីបូព៌ា (EATOF) លើកទី១៩ ក្រោមប្រធានបទ «សហព័ន្ធទេសចរណ៍អន្តរតំបន់អាស៊ីបូព៌ាថ្មី ឆ្ពោះទៅកាន់សកលភាវូបនីយកម្មក្នុងមូលដ្ឋាន» ដោយមហាសន្និបាតបានផ្ដោតលើការពង្រឹងកិច្ចសហប្រតិបត្តិការទេសចរណ៍ ការអភិវឌ្ឍទេសចរណ៍ប្រកបដោយចីរភាព និងបៃតង ការលើកកម្ពស់ផលិតផលទេសចរណ៍មូលដ្ឋាន ការប្រើប្រាស់បច្ចេកវិទ្យាឌីជីថល និងបញ្ញាសិប្បនិម្មិត ព្រមទាំងការតភ្ជាប់គោលដៅទេសចរណ៍រវាងមូលដ្ឋានសមាជិក។

Siem Reap Provincial Council Urges Early Action to Prevent Floods and Droughts

នាទីក្រុងប៊ូការ៉េស កាលពីថ្ងៃទី៧ ខែកញ្ញា ឆ្នាំ២០២៦ ឯកឧត្តម ជា ច័ន្ទបរិបូរណ៍ ឯកអគ្គរាជទូតវិសាមញ្ញ និងពេញសមត្ថភាពនៃព្រះរាជាណាចក្រកម្ពុជា ប្រចាំប្រទេសរ៉ូម៉ានី ដែលមាននិវេសនដ្ឋាននៅទីក្រុងសូហ្វីយ៉ា អមដំណើរដោយលោក Mihai Andrițoiu កុងស៊ុលកិត្តិយសនៃកម្ពុជាប្រចាំប្រទេសរ៉ូម៉ានី បានចូលជួបសម្តែងការគួរសម និងពិភាក្សាការងារជាមួយ ឯកឧត្តម Noel Eugene E. Servigon ឯកអគ្គរដ្ឋទូតនៃសាធារណរដ្ឋហ្វីលីពីនប្រចាំប្រទេសរ៉ូម៉ានី។