ភ្នំពេញ៖ នៅព្រឹកថ្ងៃទី២៩ ខែមិថុនា ឆ្នាំ២០២៦ នេះ ឯកឧត្តម ម៉ៅ ធនិន អភិបាលនៃគណៈអភិបាលខេត្តកំពត បានអញ្ជើញចូលរួមក្នុងពិធីប្រគល់ និងទទួលស្តម្ភរដ្ឋធម្មនុញ្ញចម្លង ដើម្បីយកមកតម្កល់ទុកនៅសាលាខេត្តកំពត។ ពិធីដ៏មានអត្ថន័យជ្រាលជ្រៅនេះ ត្រូវបានរៀបចំប្រគល់ដោយផ្ទាល់ ក្រោមអធិបតីភាពពី ឯកឧត្តម ហ៊ី សោភា ប្រធានក្រុមប្រឹក្សារដ្ឋធម្មនុញ្ញ នៅទីស្តីការក្រុមប្រឹក្សារដ្ឋធម្មនុញ្ញ។
ដើម្បីជាសក្ដីភាព ក៏ដូចជាការលើកកម្ពស់តម្លៃមន្ត្រីរាជការ មន្ត្រីជាប់កិច្ចសន្យាឱ្យកាន់តែមានទឹកចិត្ត ដែលមានស្មារតីម្ចាស់ការក្នុងការបំពេញភារកិច្ចជូនជាតិមាតុភូមិ គ្រឿងឥស្សរិយយសមេដាយការងារត្រូវបានផ្តល់ជូនមន្ត្រីរាជការ ក្រោមការគិតគូររបស់ប្រមុខរាជរដ្ឋាភិបាល ក្នុងអាណត្តិទី៧។ នេះបញ្ជាក់ឱ្យឃើញយ៉ាងច្បាស់ពីការដឹងគុណចំពោះការលះបង់ និងគុណូបការៈរបស់មន្ត្រីរាជការ ដែលបានរួមដំណើរជាមួយរាជរដ្ឋាភិបាលក្នុងកិច្ចការអភិវឌ្ឍប្រទេសជាតិ និងបំរើប្រជាពលរដ្ឋ។
កំពត៖ មន្ត្រីជំនាញ និងអាជ្ញាធរខេត្តកំពត បានបញ្ជាក់ថា សេរីភាពសារព័ត៌មាន និងការបញ្ចេញមតិនៅខេត្តកំពត ត្រូវបានការពារ និងលើកកម្ពស់ស្របតាមរដ្ឋធម្មនុញ្ញ និងច្បាប់ស្តីពីរបបសារព័ត៌មាន។ ទន្ទឹមនឹងនេះ ក្រសួងព័ត៌មានក៏កំពុងជំរុញការពង្រឹងសមត្ថភាព និងក្រមសីលធម៌វិជ្ជាជីវៈអ្នកសារព័ត៌មាន ដើម្បីធានាការផ្សព្វផ្សាយព័ត៌មានឱ្យបានលឿន ពិតប្រាកដ ទុកចិត្តបាន និងរួមចំណែកទប់ស្កាត់ព័ត៌មានក្លែងក្លាយ។
កំពត៖ ប្រជាពលរដ្ឋជាច្រើនគ្រួសារ នៅសង្កាត់កោះតូច ក្រុងបូកគោ ខេត្តកំពត បានវិលត្រឡប់មកប្រកបរបរដាំសារាយសមុទ្រឡើងវិញ បន្ទាប់ពីទីផ្សារមានតម្រូវការកើនឡើង និងមានក្រុមហ៊ុនចុះប្រមូលទិញដោយផ្ទាល់ ដែលបានផ្តល់ទំនុកចិត្តដល់អ្នកផលិត។ ប្រជានេសាទក៏ស្នើឱ្យអាជ្ញាធរ និងមន្ត្រីជំនាញជួយរៀបចំតំបន់ដាំដុះ និងចងក្រងជាសហគមន៍ ដើម្បីធានាភាពនិរន្តរភាពនៃមុខរបរនេះ។
កំពត៖ អាជ្ញាធរស្រុកជុំគិរីបានបញ្ជាក់ថា ក្រៅពីមានការអភិវឌ្ឍខ្លាំងលើវិស័យឧស្សាហកម្ម ស្រុកជុំគិរីក៏មានការអភិវឌ្ឍលើវិស័យកសិកម្មផងដែរ ដោយសារបច្ចុប្បន្នស្រុកជុំគិរីមានទំនប់ទឹកធំៗចំនួន ៦ទីតាំង និងទំនប់រងចំនួន ១២ទីតាំង ដែលអាចចែកចាយទឹក សម្រាប់ប្រើប្រាស់លើវិស័យកសិកម្មទាំងលើការដាំ និងចិញ្ចឹមសត្វបានទូទាំងស្រុក ជាពិសេសដំណាំស្រូវអាចធ្វើបាន២ទៅ ៣ដងក្នុងមួយឆ្នាំ។
