ថ្នាក់ដឹកនាំខេត្តកំពតណែនាំមន្ទីរ អង្គភាព និងរដ្ឋបាលក្រុង ស្រុក យកចិត្តទុកដាក់លើបញ្ជីវត្តមានរបស់មន្ត្រី
កំពត៖ ថ្នាក់ដឹកនាំខេត្តកំពតបានណែនាំដល់មន្ទីរ អង្គភាព និងរដ្ឋបាលក្រុង ស្រុក ឱ្យពង្រឹងការគ្រប់គ្រង និងត្រួតពិនិត្យបញ្ជីវត្តមានរបស់មន្ត្រីឱ្យបានម៉ឺងម៉ាត់ ស្របតាមបទប្បញ្ញត្តិជាធរមាន។ ការណែនាំនេះធ្វើឡើងស្របពេលក្រសួងមុខងារសាធារណៈចាប់ផ្តើមចុះពិនិត្យ តាមដាន ជំរុញ និងវាយតម្លៃលើការគ្រប់គ្រងវត្តមានមន្ត្រីរាជការស៊ីវិល មន្ត្រីជាប់កិច្ចសន្យា និងមន្ត្រីពាក់ព័ន្ធនៅតាមរដ្ឋបាលថ្នាក់ក្រោមជាតិ ដើម្បីពង្រឹងវិន័យការងារ និងលើកកម្ពស់ប្រសិទ្ធភាពនៃការផ្តល់សេវាសាធារណៈជូនប្រជាពលរដ្ឋ។
