ព័ត៌មានក្នុងខេត្ត

ដើម្បីធានាដល់និរន្តរភាពការងារផ្សព្វផ្សាយព័ត៌មានប្រចាំថ្ងៃ នៅក្នុងឱកាសបុណ្យភ្ជុំបិណ្ឌខាងមុននេះ លោកស្រី ប៉ូ ចាន់រស្មី ប្រធានមន្ទីរព័ត៌មានខេត្តកំពត រៀបចំពិធីសំណេះណាល និងដាក់ផែនការចាំបាច់ជូនដល់មន្ត្រីក្រុមការងារផ្សព្វផ្សាយ។ ហើយលោកស្រីក៏បានដឹកនាំមន្ត្រីចូលរួមកាន់បិណ្ឌវេនទី១១នៅវត្តត្រើយកោះផងដែរ ដើម្បីបង្ហាញគំរូសាមគ្គីភាព រួមគ្នាធ្វើបុណ្យទានសន្សំកុសលសម្រាប់ខ្លួនផ្ទាល់ និងឧទ្ទិសមគ្គផលជូនដល់បុព្វការីជនរៀងៗខ្លួនផងដែរ។

កំពត៖ ថ្នាក់ដឹកនាំខេត្តកំពត នឹងបំពាក់កាមេរ៉ាស្វ័យប្រវត្តិនៅតាមការិយាល័យច្រកចេញចូលតែមួយក្រុង-ស្រុក ដើម្បីពង្រឹងការតាមដានការផ្តល់សេវា និងឥរិយាបថរបស់មន្ត្រីក្នុងការបម្រើប្រជាពលរដ្ឋ ឱ្យកាន់តែមានប្រសិទ្ធភាព រហ័សរហួន និងប្រកបដោយការគោរព។

កំពត៖ ក្នុងឱកាសបុណ្យកាន់បិណ្ឌ និងភ្ជុំបិណ្ឌ ដែលជាពិធីបុណ្យប្រពៃណី និងសាសនាដ៏សំខាន់មួយរបស់ប្រជាពុទ្ធបរិស័ទខ្មែរ ឯកឧត្តមបណ្ឌិត ម៉ៅ ធនិន អភិបាលខេត្តកំពត និងលោកជំទាវ ហ៊ុន ចាន់ធី ម៉ៅធនិន បានអញ្ជើញកាន់បិណ្ឌវេនទី១០ នៅវត្តសំពៅប្រាំ លើភ្នំបូកគោ ដើម្បីធ្វើបុណ្យទាន និងឧទ្ទិសកុសលផលបុណ្យជូនដល់បុព្វការីជនដែលបានចែកឋាន ព្រមទាំងចូលរួមលើកកម្ពស់ការថែរក្សាវប្បធម៌ ប្រពៃណី និងព្រះពុទ្ធសាសនា។

កំពត៖ ថ្នាក់ដឹកនាំខេត្តកំពត ស្នើក្រុមប្រឹក្សា សង្កាត់ មន្ត្រីជំនាញ អង្គការសង្គមស៊ីវិល និងដៃគូអភិវឌ្ឍន៍ បន្តសហការគ្នាយ៉ាងជិតស្និទ្ធ ក្នុងការពិនិត្យ និងគាំទ្រគម្រោងអភិវឌ្ឍន៍នៅមូលដ្ឋាន ពិសេសគម្រោងដែលបានសន្យាគាំទ្រកន្លងមក ត្រូវខិតខំអនុវត្តឱ្យបានទាន់ពេលវេលា ដើម្បីឆ្លើយតបនឹងតម្រូវការជាក់ស្តែងរបស់ប្រជាពលរដ្ឋ។

អ្នករៀបចំការប្រឡងបានបញ្ជាក់ថា ការប្រឡងគណិតវិទ្យាសិង្ហបុរី(SMC) ជាការប្រកួតប្រជែងគណិតវិទ្យាស្របតាមស្តង់ដារសិង្ហបុរី​ ដែលមានដៃគូសហការ៤២ប្រទេស ហើយកម្ពុជាបានរៀបចំ៦ឆ្នាំមកហើយ។ តាមរយៈការប្រឡង បេក្ខជននឹងទទួលបានពានរង្វាន់មេដាយដំដាប់អន្តរជាតិ មានឱកាសទទួលបានអាហាររូបករណ៍ទាំងក្នុង និងក្រៅប្រទេស ពិសេសជំរុញសិស្សឲ្យខំប្រឹងប្រែងរៀនសូត្រ។ បេក្ខជនប្រឡងថាSMCជាឱកាសវាស់ស្ទង់សមត្ថភាព និងបង្កើនភាពក្លាហានប្រកួតប្រជែងជាលក្ខណៈអន្តរជាតិ។

ក្រុមអាជីវករ និងពាណិជ្ជករដែលមានស្តង់ពិព័រណ៍ និង​ដាក់លក់ផលិត បានបញ្ជាក់ថា ព្រឹត្តិការណ៍ទេសចរណ៍រដូវកាលបៃតងឆ្នាំ២០២៦ រយៈពេលបីថ្ងៃនៅខេត្តកំពត មានភ្ញៀវទេសចរ និងប្រជាពលរដ្ឋមកចូលរួមទស្សនាច្រើន ធ្វើការផ្សព្វផ្សាយ និងការលក់ដូររបស់ពួកគេ ដាច់ជាងនៅខេត្តផ្សេងៗ។ ពួកគេបានថ្លែងអំណរគុណដល់រាជរដ្ឋាភិបាល ក្រសួង និងអាជ្ញាធរខេត្តកំពត ដែលបានរៀបចំព្រឹត្តិការណ៍នេះឡើង ដើម្បីជួយលើកម្ពស់ និងគាំទ្រដល់ផលិតផលខ្មែរ ផ្សារភ្ជាប់នឹងទេសចរណ៍តំបន់ឆ្នេរ។

ព្រឹត្តិការណ៍ទេសចរណ៍រដូវកាលបៃតងឆ្នាំ២០២៦ នៅខេត្តកំពតបានបញ្ចាប់ដោយជោគជ័យកាលពីល្ងាចថ្ងៃទី៤ ខែតុលានេះ។ ព្រឹត្តិការណ៍ថ្មីដ៏មានអត្ថន័យ និងអត្ថប្រយោជន៍មួយនេះ នឹងត្រូវបិទបញ្ចប់នៅរាជធានីភ្នំពេញវិញ នៅចុងខែតុលា ឬដើមខែវិច្ឆិកាខាងមុខ។ ហើយបើតាមការបញ្ជាក់របស់រដ្ឋមន្ត្រីទេសចរណ៍ ព្រឹត្តិការណ៍ទេសចរណ៍រដូវកាលបៃតង នឹងត្រូវបន្តធ្វើជារៀងរាល់ឆ្នាំ ដើម្បីជំរុញចលនាទេសចរក្នុងស្រុក គាំទ្រដល់សេដ្ឋកិច្ចមូលដ្ឋាន។

កំពត៖ ភ្ញៀវទេសចរជាតិ និងអន្តរជាតិចម្រុះជាតិសាសន៍ជាង ២ពាន់នាក់ មកពី ២៦ប្រទេស បានមកជួបជុំគ្នារត់ក្នុង ព្រឹត្តិការណ៍រត់ឆ្លងឧបសគ្គផ្សារភ្ជាប់ទេសចរណ៍ក្នុងរដូវកាលបៃតង ក្រោមប្រធានបទ «រត់ដើម្បីទេសចរណ៍បៃតង លើភ្នំបូកគោ» លើខ្នងភ្នំបូកគោ ដើម្បីលើកម្ពស់ការផ្សព្វផ្សាយពីគោលដៅទេសចរណ៍បៃតង ទេសចរណ៍កីឡា និងលើកកម្ពស់ជីវភាពប្រជាពលរដ្ឋក្នុងមូលដ្ឋានឱ្យកាន់តែរីកចម្រើន។

កំពត៖ រដ្ឋបាលខេត្តកំពត សហការជាមួយក្រសួងទេសចរណ៍ និងស្ថាប័នពាក់ព័ន្ធ បានរៀបចំ «កម្មវិធីបង្ហាញស្នាដៃចម្អិន និងពិព័រណ៍ម្ហូបអាហារ» ចាប់ពីថ្ងៃទី២ ដល់ថ្ងៃទី៤ ខែតុលា ឆ្នាំ២០២៦ វេលាម៉ោង ១៦:៣០ នាទីតទៅ នៅបរិវេណរូបសំណាកបាតដៃ ខេត្តកំពត ក្នុងគោលបំណងលើកកម្ពស់ទេសចរណ៍តំបន់ឆ្នេរ និងបង្ហាញពីសិល្បៈនៃការចម្អិនម្ហូបអាហារក្នុងស្រុក តាមរយៈការរៀបចំស្តង់ពិព័រណ៍ និងសកម្មភាពបង្ហាញស្នាដៃចម្អិនផ្ទាល់។

កំពត៖ ក្រុមការងារអត្តសញ្ញាណប័ណ្ណ នៃអធិការដ្ឋាននគរបាលក្រុងកំពត នឹងចុះបំពេញបែបបទថតផ្តល់អត្តសញ្ញាណប័ណ្ណសញ្ជាតិខ្មែរ (គំរូថ្មី) ជូនប្រជាពលរដ្ឋដោយផ្ទាល់នៅតាមទីតាំងវត្តអារាមក្នុងសង្កាត់អណ្តូងខ្មែរ និងសង្កាត់ត្រើយកោះ ចាប់ពីថ្ងៃទី០១ ដល់ថ្ងៃទី០៦ ខែតុលា ឆ្នាំ២០២៦។

កំពត៖ ថ្នាក់ដឹកនាំខេត្តកំពត ស្នើក្រុមប្រឹក្សាឃុំ មន្ត្រីជំនាញ អង្គការសង្គមស៊ីវិល និងដៃគូអភិវឌ្ឍន៍ បន្តសហការគ្នាយ៉ាងជិតស្និទ្ធ ក្នុងការពិនិត្យ និងគាំទ្រគម្រោងអភិវឌ្ឍន៍នៅមូលដ្ឋាន ពិសេសគម្រោងដែលបានសន្យាគាំទ្រកន្លងមក ត្រូវខិតខំអនុវត្តឱ្យបានទាន់ពេលវេលា ដើម្បីឆ្លើយតបនឹងតម្រូវការជាក់ស្តែងរបស់ប្រជាពលរដ្ឋ។

កំពត៖ ក្រសួងទេសចរណ៍ជំរុញការពង្រឹងចំណេះដឹង និងជំនាញដល់មន្ត្រីបង្គោល និងភាគីពាក់ព័ន្ធក្នុងវិស័យទេសចរណ៍ អំពីនិន្នាការ និងតម្រូវការទេសចរមូស្លីម ដើម្បីលើកកម្ពស់គុណភាពបដិសណ្ឋារកិច្ច និងទាក់ទាញទីផ្សារទេសចរមូស្លីមមកកាន់កម្ពុជា។ ខណៈដែលអាជ្ញាធរខេត្តថាកំពុងត្រៀមពង្រឹងស្តង់ដារសេវាកម្ម ដោយផ្តោតលើម្ហូបហាឡាល់ ការគោរពវប្បធម៌ និងជំនឿ ព្រមទាំងសេវាកម្មដែលងាយស្រួលសម្រាប់គ្រួសារ ដើម្បីប្រែក្លាយកំពតជាគោលដៅទេសចរណ៍មានសុវត្ថិភាព និងភាពកក់ក្តៅសម្រាប់ភ្ញៀវទេសចរមូស្លីម។