ព័ត៌មានក្នុងខេត្ត

កំពត៖កាលពីថ្ងៃទី៩ ខែកញ្ញា ឆ្នាំ២០២៦ រដ្ឋបាលខេត្តកំពត បានរៀបចំ «កិច្ចប្រជុំសាមញ្ញលើកទី២៨ របស់ក្រុមប្រឹក្សាខេត្ត អាណត្តិទី៤» នៅសាលាខេត្តកំពត ក្រោមអធិបតីភាព ឯកឧត្តម តាក ហាប់ ប្រធានក្រុមប្រឹក្សាខេត្ត និង ឯកឧត្តម ម៉ៅ ធនិន អភិបាលនៃគណៈអភិបាលខេត្តកំពត ដើម្បីពិនិត្យ ពិភាក្សា និងអនុម័តលើរបៀបវារៈសំខាន់ៗចំនួន ៦ សំដៅជំរុញកិច្ចការរដ្ឋបាល និងការអភិវឌ្ឍក្នុងខេត្តឱ្យកាន់តែមានប្រសិទ្ធភាព តាមរយៈការកៀរគរមតិ និងការសម្រេចចិត្តរួមពីគ្រប់ភាគីពាក់ព័ន្ធ។

កំពត៖ នាព្រឹកថ្ងៃទី៩ ខែកញ្ញា ឆ្នាំ២០២៦ លោក អ៉ឹម ច័ន្ទសោធន អភិបាលនៃគណៈអភិបាលស្រុកទឹកឈូ បានអនុញ្ញាតឱ្យលោក LIN JIN SHENG ជនជាតិចិន ចូលសម្តែងការគួរសម និងពិភាក្សាការងារ នៅសាលាស្រុកទឹកឈូ ដើម្បីរៀបចំផែនការអភិវឌ្ឍស្រុកលើវិស័យកសិកម្ម អប់រំ និងកីឡា តាមរយៈជំនួបពិភាក្សាផ្ទាល់អំពីទិសដៅកិច្ចសហប្រតិបត្តិការនាពេលខាងមុខ។

កំពត÷ ក្នុងពិធីជួបសំណេះសំណាលសួរសុខទុក្ខសិស្សានុសិស្ស និងគ្រួសារខ្វះខាតផ្នែកជីវភាព ព្រមទាំងផ្តល់អំណោយជាសម្ភារៈសិក្សា ក៏ដូចជាគ្រឿងឧបភោគបរិភោគនៅសង្កាត់ក្រាំងអំពិល ក្រុងកំពត កាលពីរសៀលថ្ងៃទី៥ ខែកញ្ញា ឆ្នាំ២០២៦ ថ្នាក់ដឹកនាំនៃគ្រឹះស្ថានឯកជនបានអះអាងថា គ្រប់កាលៈទេសៈ វិស័យឯកជនតែងត្រៀមសហការជានិច្ចជាមួយរាជរដ្ឋាភិបាលតាមលទ្ធភាពដើម្បីគាំទ្រការអភិវឌ្ឍធនធានមនុស្ស។ មន្ត្រីអាជ្ញាធរបានបញ្ជាក់ថា កិច្ចសហការរវាងវិស័យឯកជន និងរាជរដ្ឋាភិបាលជាកត្តាដែលមិនអាចខ្វះបានក្នុងការចូលរួមកាត់បន្ថយភាពក្រីក្រនៅមូលដ្ឋាន។

ដើម្បទុកជាប្រយោជន៍ដល់ពលរដ្ឋក្នុងភូមិទន្លេនាម ឃុំចំប៉ី ស្រុកអង្គរជ័យ ដែលប្រើប្រាស់ស្រះទឹកទន្លេនាម ប្រធានក្រុមការងាររាជរដ្ឋាភិបាលចុះមូលដ្ឋានខេត្តកំពត រួមនឹងអាជ្ញាធរស្រុក ខេត្ត និងប្រជាពលរដ្ឋ បានព្រលែងកូនត្រី កូនបង្កង និងខ្យងប្រមាណជាង ៩ម៉ឺនកូនទៅក្នុងស្រះ ដើម្បីទុកបំរើផលប្រយោជន៍ពលរដ្ឋនាពេលខាងមុខ។ ស្រះទឹកទន្លេនាមនេះត្រូវបានស្តារឡើងវិញដោយក្រុមការងាររាជរដ្ឋាភិបាលចុះមូលដ្ឋានខេត្តកំពត បន្ទាប់ពីមានការសំណូមពរពីព្រះសង្ឃ និងប្រជាពលរដ្ឋ ដើម្បីទាញយកទឹកមកប្រើប្រាស់។

កំពត៖ សិស្សថ្នាក់ទី១២នៃសាលាវិទ្យាល័យហ៊ុនសែន ព្រែកត្នោត ក្រុងបូកគោ ខេត្តកំពត បានប្រឡងជាប់សញ្ញាបត្រមធ្យមសិក្សាទុតិយភូមិ១០០% និងមានសិស្សទិន្ទេសA ច្រើននាក់ ២ឆ្នាំជាប់ៗគ្នា។បើតាមការបញ្ជាក់របស់នាយកសាលាថា ឆ្នាំក្រោយសិស្សលោកនៅតែប្រឡងជាប់១០០% ហើយអាចមានសិស្សនិទ្ទេសល្អកើនឡើងផងដែរ ដោយសារសាលាមានផែនការ គោលការណ៍បង្រៀន និងតាមដានលទ្ធផលសិក្សារបស់សិស្សម្នាក់ៗយ៉ាងច្បាស់លាស់ ពិសេសការធ្វើតេស្តស្តង់ដា នៅមុនថ្ងៃប្រឡង។

កំពត៖ សិស្សនុសិស្សដែលជាបេក្ខជនប្រឡងសញ្ញាបត្រមធ្យមសិក្សាទុតិយភូមិនៅខេត្តកំពត សម័យប្រឡង១០ សីហា ២០២៦ បានបង្ហាញអារម្មណ៍រំភើបរីករាយ ពេលបានឃើញលទ្ធផលរបស់ខ្លួន និងមិត្តភក្តិ ល្អប្រសើរលើសការរំពឹងទុក។ ទោះបីសិស្សនិទ្ទេសA ថយចុះ២៦ក៏ពិត្តមែន ប៉ុន្តែអត្រាសិស្សជាប់ទូទាំងខេត្តមានការកើនឡើងខ្ពស់ជាងឆ្នាំមុន។ ពួកគេបានថ្លែងអំណរគុណដល់ មាតាបិតា លោកគ្រូ អ្នកគ្រូ និងថ្នាក់ដឹកនាំ និងសូមលើកទឹកចិត្ត ដល់សិស្សដែលប្រឡងមិនទាន់ជាប់ សូមកុំបាក់ទឹកចិត្ត និងអស់សង្ឃឹម។

ដើម្បីឆ្លើយតបតាមតម្រូវការក្នុងការមកទទួលសេវាព្យាបាលជំងឺក្នុងមន្ទីរពេទ្យបង្អែកខេត្តកំពត ដែលបច្ចុប្បន្នមានការគាំទ្រ ក៏ដូចជាកើនឡើងនូវការមកទទួលសេវាសុខាភិបាលរបស់ប្រជាពលរដ្ឋ អាជ្ញាធរខេត្តកំពតនឹងរៀបចំអគារពិនិត្យ និងសម្រាកព្យាបាលជំងឺមួយខ្នង ដែលមានបីជាន់ទាំងជាន់ផ្ទាល់ដី ក្នុងបរិវេណមន្ទីរពេទ្យបង្អែកខេត្តកំពត។ ការសាងសង់អគារបន្ថែមនេះ ដោយមើលឃើញពីការកើនឡើងពីការមកទទួលសេវាពិនិត្យ និងព្យាបាលជំងឺរបស់ប្រជាពលរដ្ឋ នៅមន្ទីរពេទ្យបង្អែកខេត្តកំពត។

កំពត៖ ក្នុងខេត្តកំពតមានបេក្ខជនចំនួន ៦២នាក់ ទទួលបាននិទ្ទេស A ក្នុងការប្រឡងសញ្ញាបត្រមធ្យមសិក្សាទុតិយភូមិ (បាក់ឌុប) សម្រាប់សម័យប្រឡងថ្ងៃទី១០ ខែសីហា ឆ្នាំ២០២៦។ នេះបើយោងតាមការបញ្ជាក់ពីលោក ខៀវ ធនវុឌ្ឍី ប្រធានស្តីទីនៃមន្ទីរអប់រំ យុវជន និងកីឡា ខេត្តកំពត ខណៈដែលអត្រាប្រឡងជាប់សរុបក្នុងខេត្តបានកើនឡើងរហូតដល់ ៩០.០១%។

កំពត៖ ភ្ញៀវទេសចរជាតិ និងអន្តរជាតិជាង១៧ម៉ឺននាក់បានមកលេងកម្សាន្ត និងស្នាក់នៅក្នុងខេត្តកំពតក្នុងអំឡុងខែសីហា ឆ្នាំ២០២៦ កើនឡើងជាង២៦ភាគរយធៀបនឹងរយៈពេលដូចគ្នាឆ្នាំមុន។ កំណើននេះត្រូវបានមើលឃើញថា កំពតនៅតែមានភាពទាក់ទាញសម្រាប់ភ្ញៀវ ទោះបីជាស្ថិតក្នុងរដូវវស្សាក៏ដោយ ដោយសារមានតំបន់ទេសចរណ៍ចម្រុះ សេវាស្នាក់នៅស្អាត ស្ងប់ស្ងាត់ និងផលិតផលទេសចរណ៍ថ្មីៗកាន់តែច្រើន។

កំពត៖ នៅរសៀលថ្ងៃទី៣១ ខែសីហា ឆ្នាំ២០២៦ អាជ្ញាធរក្រុងកំពត បានចុះអនុវត្តរុះរើសំណង់ដែលសាងសង់របងបិទផ្លូវសាធារណៈ ស្ថិតនៅភូមិកំពង់បាយខាងជើង សង្កាត់កំពង់បាយ ក្រុងកំពត ខេត្តកំពត បន្ទាប់ពីរដ្ឋបាលក្រុងបានជូនដំណឹងជាបន្តបន្ទាប់ ប៉ុន្តែម្ចាស់សំណង់មិនបានចូលរួមដោះស្រាយតាមការណែនាំរបស់អាជ្ញាធរ។

កំពត៖ អាជ្ញាធរ និងប្រជាពលរដ្ឋថា សមិទ្ធផលផ្លូវបេតុងអាមេថ្មីនៅសង្កាត់កំពង់បាយ និងសង្កាត់កំពង់កណ្ដាល ក្រុងកំពត មិនត្រឹមជួយសម្រួលការធ្វើដំណើរ និងដឹកជញ្ជូនរបស់ប្រជាពលរដ្ឋប៉ុណ្ណោះទេ ប៉ុន្តែថែមទាំងរួមចំណែកលើកកម្ពស់សោភ័ណភាពទីក្រុង បង្កើតបរិយាកាសរស់នៅកាន់តែល្អ និងជួយបង្កើនភាពទាក់ទាញភ្ញៀវទេសចរមកកម្សាន្តក្នុងខេត្តកំពត។

កំពត៖ ការអភិវឌ្ឍផ្លូវបេតុងអាមេជាច្រើនខ្សែរបស់មូលនិធិឃុំនានា នៃស្រុកជុំគិរី ខេត្តកំពត កំពុង ផ្តល់ភាពងាយស្រួលដល់ការធ្វើដំណើរ ការដឹកជញ្ជូនកសិផល និងការតភ្ជាប់ប្រជាពលរដ្ឋទៅកាន់ទីផ្សារ សាលារៀន មណ្ឌលសុខភាព និងសេវាសាធារណៈនានា ខណៈសមិទ្ធផលទាំងនេះក៏បានរួមចំណែកលើកកម្ពស់ភូមិឋានស្អាត ជីវភាព និងគុណភាពរស់នៅរបស់ប្រជាពលរដ្ឋនៅជនបទផងដែរ។