ព័ត៌មានក្នុងខេត្ត

កំពត៖ នាព្រឹកថ្ងៃទី០៤ ខែសីហា ឆ្នាំ២០២៦ លោក អ៉ឹម ច័ន្ទសោធន អនុប្រធានសហភាពសហព័ន្ធយុវជនកម្ពុជា (ស.ស.យ.ក) ខេត្តកំពត និងជាប្រធាន ស.ស.យ.ក ស្រុកទឹកឈូ បានដឹកនាំក្រុមគ្រួសារ ស.ស.យ.ក ស្រុក ពិភាក្សា និងរៀបចំ «យុទ្ធនាការចែករំលែកក្តីស្រឡាញ់» នៅស្រុកទឹកឈូ ដើម្បីជួយសម្រួល និងគាំទ្រដល់បេក្ខជនប្រឡងសញ្ញាបត្រមធ្យមសិក្សាទុតិយភូមិ (បាក់ឌុប) ឆ្នាំ២០២៦ តាមរយៈការផ្តល់សេវាផ្ញើមធ្យោបាយធ្វើដំណើរ អាហារ ទឹកសុទ្ធ និងកន្លែងស្នាក់នៅដោយមិនគិតថ្លៃ។ នេះបើតាមការផ្សាយក្នុងផេករបស់ លោក អ៉ឹម ច័ន្ទសោធន អភិបាលស្រុកទឹកឈូ។

កំពត៖ អនុប្រធានអចិន្ត្រៃយ៍គណៈកម្មាធិការសាខាកាកបាទក្រហមកម្ពុជាខេត្តកំពត បានជំរុញសិស្សានុសិស្ស យុវជន និងប្រជាពលរដ្ឋ ចូលរួមដាំ និងថែរក្សាដើមឈើឱ្យបានច្រើន ដើម្បីបង្កើនបរិស្ថានបៃតង កាត់បន្ថយផលប៉ះពាល់ពីការប្រែប្រួលអាកាសធាតុ និងបន្សល់ទុកធនធានធម្មជាតិដ៏មានតម្លៃសម្រាប់មនុស្សជំនាន់ក្រោយ ហើយថា «ដាំដើមឈើថ្ងៃនេះ ដើម្បីជីវិតថ្ងៃស្អែក»។

កំពត៖ នៅព្រឹកថ្ងៃទី៤ ខែសីហា ឆ្នាំ២០២៦ ឯកឧត្តម ម៉ៅ ធនិន អភិបាលនៃគណៈអភិបាលខេត្តកំពត បានអញ្ជើញជួបសម្របសម្រួល និងដោះស្រាយក្តីកង្វល់ដោយផ្ទាល់ជូនប្រជាពលរដ្ឋមកពីស្រុកអង្គរជ័យ និងក្រុងកំពត នៅសាលាខេត្តកំពត មុនពេលចូលរួមដឹកនាំកិច្ចប្រជុំ ដើម្បីជួយកាត់បន្ថយការលំបាក សម្រួលការធ្វើដំណើរ និងផ្តល់យោបល់តម្រង់ទិសផ្លូវច្បាប់លើបញ្ហាប្រឈមផ្សេងៗរបស់ប្រជាពលរដ្ឋ។ នេះបើយោងតាមការផ្សាយរបស់ផេក«រដ្ឋបាលខេត្តកំពត»។

កំពត៖ លោក អ៉ឹម ច័ន្ទសោធន អភិបាលស្រុកទឹកឈូ និងជាប្រធានគណៈបញ្ជាការឯកភាពស្រុក បានដឹកនាំក្រុមការងារស្រុក និងអាជ្ញាធរមូលដ្ឋានភូមិ-ឃុំ ចុះសម្រុះសម្រួលដោះស្រាយវិវាទដីធ្លី ១កន្លែង ដោយបានឈានដល់កិច្ចព្រមព្រៀងសះជា និងបញ្ចប់ទំនាស់ដោយសន្តិវិធី កាលពីរសៀលថ្ងៃទី៣ ខែសីហា ឆ្នាំ២០២៦ នៅទីតាំងដីដែលមានវិវាទផ្ទាល់ ស្ថិតក្នុងភូមិម៉ាក់ប្រាង្គ ឃុំកំពង់ក្រែង ស្រុកទឹកឈូ ដើម្បីបញ្ចប់ទំនាស់ក្រៅប្រព័ន្ធតុលាការ និងបង្កើតភាពសុខសាន្តជូនប្រជាពលរដ្ឋ។ នេះបើយោងតាមផេកផ្លូវការរបស់លោក អ៉ឹម ច័ន្ទសោធន អភិបាលស្រុកទឹកឈូ។

កំពត៖ សាលាបឋមសិក្សាអង្គជុំ ស្ថិតក្នុងស្រុកជុំគិរី ខេត្តកំពត បានដណ្តើមបានជ័យលាភី និងពានរង្វាន់ថ្នាក់ជាតិជាបន្តបន្ទាប់ចាប់តាំងពីឆ្នាំ២០១៥ មក តាមរយៈការអនុវត្តយុទ្ធសាស្ត្រដឹកនាំយ៉ាងម៉ឺងម៉ាត់ ព្រមទាំងមានការចូលរួមគាំទ្រ និងសហការគ្នាយ៉ាងជិតស្និទ្ធរវាងសាលារៀន សហគមន៍ អាជ្ញាធរមូលដ្ឋាន និងប្រព័ន្ធអប់រំ។

ដើម្បីជាសក្ដីភាព ក៏ដូចជាការលើកកម្ពស់តម្លៃមន្ត្រីរាជការ មន្ត្រីជាប់កិច្ចសន្យាឱ្យកាន់តែមានទឹកចិត្ត ដែលមានស្មារតីម្ចាស់ការក្នុងការបំពេញភារកិច្ចជូនជាតិមាតុភូមិ គ្រឿងឥស្សរិយយសមេដាយការងារត្រូវបានផ្តល់ជូនមន្ត្រីរាជការ ក្រោមការគិតគូររបស់ប្រមុខរាជរដ្ឋាភិបាល ក្នុងអាណត្តិទី៧។ នេះបញ្ជាក់ឱ្យឃើញយ៉ាងច្បាស់ពីការដឹងគុណចំពោះការលះបង់ និងគុណូបការៈរបស់មន្ត្រីរាជការ ដែលបានរួមដំណើរជាមួយរាជរដ្ឋាភិបាលក្នុងកិច្ចការអភិវឌ្ឍប្រទេសជាតិ និងបំរើប្រជាពលរដ្ឋ។

កំពត៖ មន្ត្រីជំនាញ និងអាជ្ញាធរខេត្តកំពត បានបញ្ជាក់ថា សេរីភាពសារព័ត៌មាន និងការបញ្ចេញមតិនៅខេត្តកំពត ត្រូវបានការពារ និងលើកកម្ពស់ស្របតាមរដ្ឋធម្មនុញ្ញ និងច្បាប់ស្តីពីរបបសារព័ត៌មាន។ ទន្ទឹមនឹងនេះ ក្រសួងព័ត៌មានក៏កំពុងជំរុញការពង្រឹងសមត្ថភាព និងក្រមសីលធម៌វិជ្ជាជីវៈអ្នកសារព័ត៌មាន ដើម្បីធានាការផ្សព្វផ្សាយព័ត៌មានឱ្យបានលឿន ពិតប្រាកដ ទុកចិត្តបាន និងរួមចំណែកទប់ស្កាត់ព័ត៌មានក្លែងក្លាយ។

កំពត៖ ប្រជាពលរដ្ឋជាច្រើនគ្រួសារ នៅសង្កាត់កោះតូច ក្រុងបូកគោ ខេត្តកំពត បានវិលត្រឡប់មកប្រកបរបរដាំសារាយសមុទ្រឡើងវិញ បន្ទាប់ពីទីផ្សារមានតម្រូវការកើនឡើង និងមានក្រុមហ៊ុនចុះប្រមូលទិញដោយផ្ទាល់ ដែលបានផ្តល់ទំនុកចិត្តដល់អ្នកផលិត។ ប្រជានេសាទក៏ស្នើឱ្យអាជ្ញាធរ និងមន្ត្រីជំនាញជួយរៀបចំតំបន់ដាំដុះ និងចងក្រងជាសហគមន៍ ដើម្បីធានាភាពនិរន្តរភាពនៃមុខរបរនេះ។

កំពត៖ អាជ្ញាធរស្រុកជុំគិរីបានបញ្ជាក់ថា ក្រៅពីមានការអភិវឌ្ឍខ្លាំងលើវិស័យឧស្សាហកម្ម ស្រុកជុំគិរីក៏មានការអភិវឌ្ឍលើវិស័យកសិកម្មផងដែរ ដោយសារបច្ចុប្បន្នស្រុកជុំគិរីមានទំនប់ទឹកធំៗចំនួន ៦ទីតាំង និងទំនប់រងចំនួន ១២ទីតាំង ដែលអាចចែកចាយទឹក សម្រាប់ប្រើប្រាស់លើវិស័យកសិកម្មទាំងលើការដាំ និងចិញ្ចឹមសត្វបានទូទាំងស្រុក ជាពិសេសដំណាំស្រូវអាចធ្វើបាន២ទៅ ៣ដងក្នុងមួយឆ្នាំ។

កំពត៖ មន្ទីររៀបចំដែនដី នគរូបនីយកម្ម សំណង់ និងសុរិយោដី ខេត្តកំពត បានរៀបចំពិធីប្រកាសបិទផ្សាយទិន្នន័យជាសាធារណៈនូវឯកសារនៃការវិនិច្ឆ័យ សម្រាប់ការចុះបញ្ជីដីធ្លីមានលក្ខណៈជាប្រព័ន្ធ ប្រមាណ ១ ៦៤៧ ក្បាលដី ក្នុងភូមិចំនួន៤ នៃឃុំស្ទឹងកែវ និងឃុំម៉ាក់ប្រាង្គ ស្ថិតក្នុងស្រុកទឹកឈូ ខេត្តកំពត។

កំពត៖ អាជ្ញាធរមូលដ្ឋាន និងប្រជាកសិកររស់នៅក្នុងស្រុកជុំគិរី ខេត្តកំពត បានសម្តែងក្តីរីករាយ និងលើកឡើងនៅសប្តាហ៍នេះថា សកម្មភាពបង្កបង្កើនផលស្រូវនៅក្នុងស្រុកជុំគិរី អាចធ្វើទៅបានរហូតដល់ ២ ឬ ៣ដងក្នុងមួយឆ្នាំ ដែលកត្តានេះកើតឡើងទៅបាន ដោយសារតែតំបន់នោះមានប្រព័ន្ធទំនប់ទឹកជាច្រើនព័ទ្ធជុំវិញ។

កំពត៖ មន្ទីរធនធានទឹក និងឧតុនិយមខេត្តកំពត នៅថ្ងៃទី២៤ ខែកក្កដា ឆ្នាំ២០២៦ បានចេញសេចក្តីជូនដំណឹងស្តីពីស្ថានភាព «ព្យុះទី១២ ឈ្មោះ ណូល (Noul) T2612» ដែលបាននឹងកំពុងមានឥទ្ធិពលលើបណ្តាផ្ទៃសមុទ្រ ព្រមទាំងប្រទេសមួយចំនួននៅក្នុងតំបន់ និងអំពាវនាវឲ្យប្រជាពលរដ្ឋមានការប្រុងប្រយ័ត្នខ្ពស់ផងដែរ។