ព័ត៌មានក្នុងខេត្ត

កំពត៖ ប្រធានគណៈកម្មការទី៣ នៃរដ្ឋសភា បានកោតសរសើរ និងវាយតម្លៃខ្ពស់ចំពោះការដឹកនាំ និងការអភិវឌ្ឍរបស់រដ្ឋបាលខេត្តកំពត ដែលធ្វើឱ្យខេត្តមានការរីកចម្រើនស្ទើរគ្រប់វិស័យ និងទាក់ទាញការវិនិយោគកាន់តែច្រើន និងបានជំរុញឱ្យអាជ្ញាធរខេត្ត បន្តទាញយកសក្តានុពលដែលនៅសេសសល់ បន្ថែមទៀត ដើម្បីឆ្លើយតបនឹងទិសដៅអភិវឌ្ឍន៍របស់រាជរដ្ឋាភិបាលនាពេលអនាគត។

រដ្ឋមន្ត្រីក្រសួងទេសចរណ៍ ឯកឧត្តម ហួត ហាក់ បានបង្ហាញក្តីរំពឹង និងជឿជាក់ថា ក្រុងកំពតនឹងទទួលបានជ័យលាភីចូលជាសមាជិកបណ្តាញទីក្រុងច្នៃប្រឌិតរបស់អង្គការយូណេស្កូ ផ្នែកម្ហូបអាហារ ដោយសារខេត្តនេះមានសក្តានុពលខ្ពស់លើវិស័យទេសចរណ៍ វប្បធម៌ និងអត្តសញ្ញាណម្ហូបអាហារដែលមានភាពល្បីល្បាញទាំងក្នុង និងក្រៅប្រទេស។ ការលើកឡើងនេះធ្វើឡើងក្នុងពិធីបើកសិក្ខាសាលាស្តីពី «ការរៀបចំឯកសារបេក្ខភាពក្រុងកំពតចូលក្នុងបណ្តាញទីក្រុងច្នៃប្រឌិតរបស់អង្គការយូណេស្កូ» ដែលរៀបចំនៅសណ្ឋាគារ Castle Bayview ខេត្តកំពត នាថ្ងៃទី២៤ ខែមិថុនា ឆ្នាំ២០២៦។

ថ្នាក់ដឹកនាំក្រសួងមហាផ្ទៃបានលើកឡើងថា ការចូលរួមពិនិត្យ និងកែសម្រួលបែបបទនីតិវិធីរបស់ក្រសួង និងស្ថាប័នពាក់ព័ន្ធឱ្យសាមញ្ញ និងស្របតាមតម្រូវការជាក់ស្តែងរបស់ប្រជាពលរដ្ឋ គឺជាកត្តាសំខាន់ក្នុងការលើកកម្ពស់ប្រសិទ្ធភាពនៃការផ្តល់សេវារដ្ឋបាលតាមអង្គភាពច្រកចេញចូលតែមួយ ឱ្យកាន់តែលឿន តម្លាភាព និងឆ្លើយតបតម្រូវការប្រជាពលរដ្ឋបានកាន់តែប្រសើរ។

អភិបាលរងខេត្តកំពត ចុះពិនិត្យ និងជំរុញសមាជិកចលនា «ភូមិមួយផលិតផលមួយ» នៅកសិដ្ឋានចិញ្ចឹមសត្វក្រួច ក្នុងក្រុងកំពត ​សកម្មភាពចុះពិនិត្យនេះ ធ្វើឡើងក្នុងគោលបំណង៖ ​ស្វែងយល់ពីវឌ្ឍនភាព៖ តាមដានខ្សែសង្វាក់ផលិតកម្ម ការផ្គត់ផ្គង់ទីផ្សារ និងបញ្ហាប្រឈមនានារបស់សមាជិកក្នុងមូលដ្ឋាន។

នៅព្រឹកថ្ងៃចន្ទ ទី២២ ខែ មិថុនា ឆ្នាំ២០២៦ នេះលោកស្រីវេជ្ជបណ្ឌិត យូ សុគន្ធ អនុប្រធានអចិន្ត្រៃយ៍គណៈកម្មាធិការសាខាកាកបាទក្រហមកម្ពុជា ខេត្តកំពត តំណាងដ៏ខ្ពង់ខ្ពស់ឯកឧត្តម ម៉ៅ ធនិន ប្រធានគណៈកម្មាធិការសាខាកាកបាទក្រហមកម្ពុជាខេត្តកំពត រួមដំណើរដោយ  លោក លោកស្រី សមាជិក សមាជិកា គណៈកម្មាធិការសាខា មន្រ្តីសាខា និងមន្ត្រីអនុសាខា ព្រមទាំងមានការចូលរួមពីអាជ្ញាធរមូលដ្ឋាន បានអញ្ជើញចុះសួរសុខទុក្ខ និងនាំយកអំណោយមនុស្សធម៌របស់កាកបាទក្រហមកម្ពុជា ដែលមានសម្តេចកិត្តិព្រឹទ្ធបណ្ឌិតប៊ុន រ៉ានី ហ៊ុនសែន ជាប្រធាន ផ្តល់ជូនគ្រួសារប្រជាពលរដ្ឋដែលរងគ្រោះដោយគ្រោះធម្មជាតិ-ខ្យល់កន្ត្រាក់ចំនួន ៧៤គ្រួសារ រស់នៅក្នុងស្រុក​បន្ទាយមាស ខេត្តកំពត។

កំពត៖ មន្ត្រីជំនាញ និងអាជ្ញាធរក្រុងបូកគោ ខេត្តកំពត បានអះអាងថា មិនមានការនាំចូលទំនិញខុសច្បាប់ ឬទំនិញពីប្រទេសថៃដែលស្ថិតក្នុងបម្រាមរបស់រាជរដ្ឋាភិបាល តាមកំពង់ផែនានាក្នុងភូមិសាស្ត្រខេត្តកំពតនោះទេ ខណៈអាជ្ញាធរ និងសមត្ថកិច្ចពាក់ព័ន្ធនៅតែបន្តត្រួតពិនិត្យ និងតាមដានយ៉ាងតឹងរ៉ឹង ដើម្បីទប់ស្កាត់បទល្មើសពាណិជ្ជកម្មគ្រប់ប្រភេទ។

កំពត៖ នាថ្ងៃទី២១ ខែមិថុនា ឆ្នាំ២០២៦ លោកជំទាវ មុយ វិរ័ត្ន ប្រធានប្រតិបត្តិ សាខាសមាគមនារីខេត្ត តំណាងលោកជំទាវ ហ៊ុន ចាន់ធី ម៉ៅ ធនិន ប្រធានកិត្តិយសសាខាសមាគមនារីកម្ពុជាដើម្បីសន្តិភាព និងអភិវឌ្ឍន៍ខេត្តកំពត បានអញ្ជើញចូលរួមក្នុងវេទិកាផ្សព្វផ្សាយតម្រង់ទិស ក្រោមប្រធានបទ «កំណត់គោលដៅសិក្សា និងអាជីពការងារ» ជូនដល់យុវតីជាសិស្សានុសិស្សថ្នាក់ទី១០ និងទី១១ ដែលរៀបចំឡើងនៅវិទ្យាល័យហ៊ុនសែនបរិវាស ស្រុកបន្ទាយមាស ខេត្តកំពត។ នេះបើយោងតាមការផ្សព្វផ្សាយដោយផេកផ្លូវការ របស់សាខាសមាគមនារីកម្ពុជាដើម្បីសន្តិភាព និងអភិវឌ្ឍន៍ខេត្តកំពត។

កំពត៖ រូបសំណាកបាតដៃ ដែលជាផលិតផលទេសចរណ៍ថ្មីដ៏ទាក់ទាញមួយក្នុងខេត្តកំពត បានលេចចេញជារូបរាងជិតពេញលេញហើយ គិតត្រឹមថ្ងៃទី២១ ខែមិថុនា ឆ្នាំ២០២៦នេះ។ រូបសំណាកដ៏ធំនេះ ត្រូវបានសាងសង់ឡើងនៅលើឆ្នេរខ្សាច់ព្រែកកំពង់បាយ ស្ថិតក្នុងក្រុងកំពត អមដោយទេសភាពដ៏ស្រស់ស្អាតនាពេលថ្ងៃហៀបលិច ដែលកំពុងទាក់ទាញចំណាប់អារម្មណ៍ពីប្រជាពលរដ្ឋ និងភ្ញៀវទេសចរ។

កំពត៖ នារសៀលថ្ងៃទី២០ ខែមិថុនា ឆ្នាំ២០២៦ លោកស្រី ហួត រី អនុប្រធានប្រតិបត្តិ សាខាសមាគមនារីខេត្ត តំណាងលោកជំទាវ ហ៊ុន ចាន់ធី ម៉ៅ ធនិន ប្រធានកិត្តិយសសាខាសមាគមនារីកម្ពុជាដើម្បីសន្តិភាព និងអភិវឌ្ឍន៍ខេត្តកំពត បានអញ្ជើញចូលរួមក្នុងវេទិកាផ្សព្វផ្សាយតម្រង់ទិស ក្រោមប្រធានបទ «កំណត់គោលដៅសិក្សា និងអាជីពការងារ» ជូនដល់យុវតីជាសិស្សានុសិស្សថ្នាក់ទី១០ និងទី១១ ដែលរៀបចំឡើងនៅវិទ្យាល័យទូកមាស ស្រុកបន្ទាយមាស ខេត្តកំពត។ នេះបើយោងតាមការផ្សព្វផ្សាយដោយផេកផ្លូវការ របស់សាខាសមាគមនារីកម្ពុជាដើម្បីសន្តិភាព និងអភិវឌ្ឍន៍ខេត្តកំពត។

ថ្នាក់ដឹកនាំក្រសួងព័ត៌មានបានជំរុញឱ្យមន្ត្រីព័ត៌មាន បង្កើនការច្នៃប្រឌិត និងប្រើប្រាស់បច្ចេកវិទ្យាទំនើបក្នុងការផលិតមាតិកាព័ត៌មាន ដើម្បីឱ្យការផ្សព្វផ្សាយកាន់តែមានភាពទាក់ទាញ ទាន់សម័យ និងអាចឈានទៅដល់សាធារណៈជន បានកាន់តែទូលំទូលាយ ជាពិសេសយុវវ័យ ដែលជាក្រុមអ្នកប្រើប្រាស់បណ្តាញសង្គមដ៏សកម្ម។

កំពត៖ អាជ្ញាធរក្រុងបូកគោបានបំពេញបេសកកម្ម និងអនុវត្តការងារត្រួតពិនិត្យនៅទីតាំងកំពង់ផែកំពតផត រួចរាល់អស់ជាច្រើនម៉ោង ទើបទំព័រហ្វេសប៊ុក (Page) ឈ្មោះ «សម្លេងអមតៈ» បានធ្វើការផ្សព្វផ្សាយព័ត៌មាន និងរូបភាពពាក់ព័ន្ធនឹងទីតាំងដដែលនេះ។ ករណីនេះបង្ហាញថា អាជ្ញាធរមូលដ្ឋានបានចាត់វិធានការ និងចុះអនុវត្តការងារជាក់ស្តែងមុនពេលមានការផ្សព្វផ្សាយព័ត៌មាននៅលើបណ្តាញសង្គម។

កំពត៖ យោងតាមផេកផ្លូវការរបស់រដ្ឋបាលក្រុងបូកគោបានឲ្យដឹងថា នៅព្រឹកថ្ងៃទី១៩ ខែមិថុនា ឆ្នាំ២០២៦ លោក ឡេន ឌឿន អភិបាលរងក្រុងបូកគោ តំណាងលោក លាង រឿនសុធី អភិបាលក្រុងបូកគោ បានដឹកនាំក្រុមការងារគណៈបញ្ជាការឯកភាពរដ្ឋបាលក្រុង ចុះត្រួតពិនិត្យនៅកំពង់ផែកំពតផត ស្ថិតក្នុងសង្កាត់កោះតូច ក្រុងបូកគោ ខេត្តកំពត។