ព័ត៌មានក្នុងខេត្ត

កំពត៖ លោកអធិការស្រុកជុំគិរី បានបញ្ជាក់ថា ស្ថានភាពសន្តិសុខសណ្តាប់ធ្នាប់ នៅទូទាំងស្រុកមានភាពល្អប្រសើរ ព្រោះការអនុវត្តគោលនយោបាយភូមិឃុំសង្កាត់មានសុវត្ថិភាព មានប្រសិទ្ធភាពខ្ពស់។ ហើយជាពិសេស ការលបលួចបើកទីតាំងប្រព្រឹត្តអំពើឆបោកតាមប្រព័ន្ធអនឡាញ មិនមានទេ ទោះស្រុកមានរោងចក្រ និងជនបរទេសស្នាក់នៅ និងធ្វើការច្រើនក៏ដោយ។

កំពត៖ សមត្ថកិច្ចជំនាញបានបញ្ជាក់ថា ទាំងនៅអធិការ និងនៅប៉ុស្តិ៍មូលដ្ឋានទូទាំងខេត្តកំពត ជារៀងរាល់ថ្ងៃមានភាពមមាញឹកខ្លាំង ជាមួយនឹងការផ្តល់សសេវារដ្ឋបាល ពិសេសការធ្វើអត្តញ្ញាណប័ណ្ណថ្មី និងការបន្តសុពលភាពអត្តសញ្ញាណប័ណ្ណចាស់ផុតកំណត់។ សមត្ថកិច្ចថាអត្តសញ្ញាណប័ណ្ណ ជាត្រូវការចាំបាច់បំផុតសម្រាប់ពលរដ្ឋគ្រប់រូប ដូច្នេះលោកស្នើដល់មន្ត្រីសមត្ថកិច្ចជំនាញ ត្រូវបន្តប្រឹងប្រែងធ្វើជូនឲ្យបានឆាប់រហ័ស។

កំពត៖ ប្រធានអង្គការមូលនិធិអាស៊ានដើម្បីអប់រំនិងអភិវឌ្ឍបានលើកឡើងថា ការប្តេជ្ញាចិត្តរួមគ្នាក្នុងការលើកកម្ពស់គុណភាពអប់រំ បង្កើនឱកាសសិក្សា និងអភិវឌ្ឍសមត្ថភាពយុវជន ដើម្បីចូលរួមអភិវឌ្ឍប្រទេសជាតិឱ្យកាន់តែរីកចម្រើនខណៈរាជរដ្ឋាភិបាលអាណត្តិទី៧បានចាត់ទុកវិស័យអប់រំជាវិស័យចំបងមួយក្នុងយុទ្ធសាស្ត្របញ្ចកោណ ដើម្បីរួមគ្នាសម្រេចគោលដៅកម្ពុជាក្លាយជាប្រទេសមានចំណូលខ្ពស់ក្នុងឆ្នាំ២០២៥។

កំពត៖ ដើម្បីបង្ការ និងទប់ស្កាត់ការរីករាលដាលនៃជំងឺគ្រុនឈាមក្នុងរដូវវស្សា និងលើកកម្ពស់សុវត្ថិភាពសុខភាពសិស្សានុសិស្ស ថ្នាក់ដឹកនាំខេត្តកំពត សហការជាមួយមន្ទីរសុខាភិបាលខេត្ត បានចុះអនុវត្តយុទ្ធនាការដាក់ថ្នាំអាបែត និងផ្សព្វផ្សាយវិធានការបង្ការជំងឺគ្រុនឈាម នៅតាមគ្រឹះស្ថានសិក្សាក្នុងខេត្ត នារសៀលថ្ងៃទី២២ ខែកក្កដា ឆ្នាំ២០២៦។

កំពត៖ នាព្រឹកថ្ងៃទី២១ ខែកក្កដា ឆ្នាំ២០២៦ រដ្ឋបាលខេត្តកំពត បានសហការជាមួយអគ្គលេខាធិការដ្ឋានគណៈកម្មាធិការដឹកនាំការងារកែទម្រង់ការគ្រប់គ្រងហិរញ្ញវត្ថុសាធារណៈ នៃក្រសួងសេដ្ឋកិច្ច និងហិរញ្ញវត្ថុ រៀបចំកិច្ចពិភាក្សាលម្អិតមួយ ដើម្បីធ្វើ “បច្ចុប្បន្នកម្មអនុក្រឹត្យស្តីពីការគ្រប់គ្រងការវិនិយោគសាធារណៈ” នៅសាលសន្និសីទបូកគោ សាលាខេត្តកំពត។

ខេត្តកំពត៖ នៅព្រឹកថ្ងៃទី២២ ខែកក្កដា ឆ្នាំ២០២៦ ក្រុមប្រឹក្សាស្រុកទឹកឈូ សហការជាមួយក្រុមយុវជន ស.ស.យ.ក បានចុះសួរសុខទុក្ខ និងនាំយកអំណោយឧបត្ថម្ភដោយផ្ទាល់ជូនដល់ប្រជាពលរដ្ឋជួបគ្រោះថ្នាក់ដោយចៃដន្យដែលកំពុងជួបការលំបាក និងមានជីវភាពខ្វះខាត រស់នៅក្នុងភូមិមានរិទ្ធិ ឃុំកណ្តោល ស្រុកទឹកឈូ ខេត្តកំពត ដើម្បីជួយសម្រាលបន្ទុកគ្រួសារបានមួយកម្រិត។ នេះបើយោងតាមការផ្សព្វផ្សាយរបស់ផេកផ្លូវការ «បេះដូងទឹកឈូ»។

កំពត៖ អាជ្ញាធរស្រុកជុំគិរីបានបញ្ជាក់ថា ប៉ុន្មានឆ្នាំចុងក្រោយនេះ ស្រុកជុំគិរីបានប្រែក្លាយមុខមាត់ថ្មី លើសពីការរំពឹងទុក បច្ចុប្បន្នស្រុកមានរោងចក្របាននិងកំពុងដំណើរការរៀបចំ ជាង១០រោងចក្រ និងតំបន់សេដ្ឋកិច្ចពិសេសចំនួន២ទីតាំងដែលទីតាំងនិមួយៗ ត្រូវការបុគ្គលិក កម្មករ រាប់ម៉ឺននាក់ ខណៈដែលស្រុកមានពលរដ្ឋសរុបប្រមាណជាង៥ម៉ឺននាក់ប៉ុណ្ណោះ។អាជ្ញាធររំពឹងថា អនាគតដ៏ខ្លីខាងមុខ វិស័យឧស្សាហកម្ម និងជំរុញសេដ្ឋកិច្ចពលរដ្ឋស្រុកជុំគិរីឲ្យកាន់តែប្រសើរឡើងថែមទៀត។

កំពត៖ នៅព្រឹកថ្ងៃទី២០ ខែកក្កដា ឆ្នាំ២០២៦ លោកឧត្តមសេនីយ៍ទោ ឡេង ប៊ុនណា អគ្គលេខាធិការរង អគ្គលេខាធិការ នៃអគ្គលេខាធិការដ្ឋានអាជ្ញាធរជាតិប្រយុទ្ធប្រឆាំងគ្រឿងញៀន និងឯកឧត្តម សេន សាប៊ីល អភិបាលរងខេត្តកំពត បានអញ្ជើញជាអធិបតីក្នុងពិធីអបអរសាទរ ទិវាអន្តរជាតិប្រយុទ្ធប្រឆាំងគ្រឿងញៀន ២៦ មិថុនា ក្រោមប្រធានបទ «រួមគ្នាឆ្លើយតបបញ្ហាគ្រឿងញៀនក្នុងបរិបទថ្មី ប្រកបដោយភាពច្នៃប្រឌិត»។

កំពត៖ រដ្ឋលេខាធិការក្រសួងអធិការកិច្ចបានបានជំរុញលើកទឹកចិត្ត ដល់មន្ត្រីមន្ទីរអធិការកិច្ចខេត្តកំពតឲ្យ ខិតខំប្រឹងប្រែងអនុវត្តភារកិច្ច តួនាទីរបស់ខ្លួនដោយផ្អែកលើយុទ្ធសាស្ត្រ "ព៤ជ៤" របស់ក្រសួង ក្នុងស្មារតីទទួលខុសត្រូវខ្ពស់ ដើម្បីពង្រឹងភាពយុត្តិធម៌ តម្លាភាព អភិបាលកិច្ចល្អ និងទំនុកចិត្តលើស្ថាប័នសាធារណៈ តាមរយៈការពង្រឹងការអនុវត្តច្បាប់ និងការកែលម្អប្រសិទ្ធភាពការងាររបស់ស្ថាប័នរដ្ឋ ស្របតាមគោលនយោបាយរបស់រាជរដ្ឋាភិបាល ។

កំពត៖ នាព្រឹកថ្ងៃទី១៩ ខែកក្កដា ឆ្នាំ២០២៦ មន្ទីរបរិស្ថានខេត្តកំពត សហការជាមួយសាកលវិទ្យាល័យភូមិន្ទកសិកម្ម និងអ្នកពាក់ព័ន្ធ បាននាំយកកូនឈើចម្រុះប្រមាណ ១៣០ដើម ទៅដាំនៅក្នុងបរិវេណវត្តព្រែកត្នោត សង្កាត់ព្រែកត្នោត ក្រុងបូកគោ ដើម្បីលើកកម្ពស់សោភ័ណភាព ការពារបរិស្ថាន និងជាប្រយោជន៍សម្រាប់សាធារណជនទូទៅ។ នេះបើតាមការផ្សព្វផ្សាយតាមទំព័រហ្វេសប៊ុកផ្លូវការរបស់មន្ទីរបរិស្ថានខេត្តកំពត។

សាកលវិទ្យាធិការរង និងថ្នាក់ដឹកនាំខេត្តកំពតបានគូសបញ្ជាក់ថា ជំនាញឌីជីថលលែងជា «ជម្រើស» ទៀតហើយ ប៉ុន្តែវាបានក្លាយជា «តម្រូវការចាំបាច់ដាច់ខាត» សម្រាប់មនុស្សគ្រប់រូប ជាពិសេសសម្រាប់និស្សិត ដែលត្រូវត្រៀមខ្លួនចូលទៅក្នុងទីផ្សារការងារប្រកួតប្រជែង។ហើយការប្រើប្រាស់ប្រព័ន្ធបញ្ញាសិប្បនិម្មិត(AI) នឹងក្លាយជាឧបករណ៍ និងជាកាតាលីករដ៏មានឥទ្ធិពល ក្នុងការជួយដោះស្រាយបញ្ហាស្មុគស្មាញ បង្កើនប្រសិទ្ធភាពការងារ និងបង្កើតគំនិតច្នៃប្រឌិតថ្មីៗ។

កំពត៖ មន្ត្រីសុខាភិបាលខេត្តកំពត បានអំពាវនាវដល់ប្រជាពលរដ្ឋ បង្កើនការប្រុងប្រយ័ត្ន និងចូលរួមអនុវត្តវិធានការបង្ការជំងឺគ្រុនឈាមឱ្យបានខ្ជាប់ខ្ជួន ក្នុងអំឡុងរដូវវស្សា ខណៈចំនួនអ្នកកើតជំងឺនេះនៅក្នុងខេត្តមានការកើនឡើងបើធៀបនឹងឆ្នាំមុន។ ទន្ទឹមនឹងនេះ មន្ទីរសុខាភិបាលខេត្តបានសហការជាមួយអាជ្ញាធរគ្រប់លំដាប់ថ្នាក់ ចុះអប់រំផ្សព្វផ្សាយ និងណែនាំប្រជាពលរដ្ឋពីវិធីការពារ និងទប់ស្កាត់ជំងឺគ្រុនឈាមនៅតាមមូលដ្ឋាន។