ព័ត៌មានក្នុងខេត្ត
ទាំងអស់សេចក្តីជូនដំណឹងសេចក្តីប្រកាសព័ត៌មានសកម្មភាពថ្នាក់ដឹកនាំសកម្មភាពអាជ្ញាធរនយោបាយកសិកម្មទេសចរណ៍ពាណិជ្ជកម្មបទយកការណ៍សិល្បៈនិងវប្បធម៌សន្តិសុខសង្គមអប់រំ និងកីឡាសុខាភិបាលបរិស្ថានការអភិវឌ្ឍគ្រោះធម្មជាតិព័ត៌មានក្នុងខេត្ត
ព័ត៌មានក្នុងខេត្ត
បណ្ណកម្មសិទ្ធិប្រមាណជាង ៦២ម៉ឺនបណ្ណបានចែកដល់ដៃពលរដ្ឋក្នុងខេត្តកំពត ខណៈក្បាលដីប៉ាន់ស្មានជាង ៧៨ម៉ឺនក្បាលដីបញ្ចប់ការវាស់វែង
មន្ត្រីជំនាញសុរិយោដីបានឱ្យដឹងថា ក្បាលដីប៉ាន់ស្មានក្នុងខេត្តកំពតសរុបប្រមាណ ៧៨៤ ០៦៤ក្បាលដី ត្រូវបានមន្ទីរជំនាញវាស់វែងបញ្ចប់ ហើយបានចេញបណ្ណកម្មសិទ្ធចែកជូនដល់ដៃប្រជាពលរដ្ឋទូទាំងខេត្តបានប្រមាណ ៦២៣ ៧២៤ បណ្ណ ខណៈបណ្ណដែលនៅសេសសល់នឹងបន្តចែកជូនពលរដ្ឋឱ្យរួចរាល់នៅចុងឆ្នាំ២០២៦។ អភិបាលខេត្តកំពត បានផ្តាំផ្ញើដល់ពលរដ្ឋដែលទទួលបានបណ្ណកម្មសិទ្ធិដីធ្លីរួចហើយ សូមយកទៅប្រើប្រាស់ឱ្យចំគោលដៅដើម្បីទាញយកប្រយោជន៍ពីវិស័យដីធ្លី ពិសេសកុំឱ្យមានទំនាស់ក្រោយពេលទទួលបានបណ្ណ។
ព័ត៌មានក្នុងខេត្ត
និយ័តករធានារ៉ាប់រងកម្ពុជាផ្សព្វផ្សាយនីតិវិធីដោះស្រាយបណ្តឹង ដើម្បីពង្រឹងទំនុកចិត្តសាធារណជន
កំពត៖ ដើម្បីបង្កើនការយល់ដឹងរបស់សាធារណជនអំពីសិទ្ធិ និងនីតិវិធីដាក់ពាក្យបណ្តឹង ព្រមទាំងពង្រឹងទំនុកចិត្តលើវិស័យធានារ៉ាប់រងនៅកម្ពុជា និយ័តករធានារ៉ាប់រងកម្ពុជា សហការជាមួយរដ្ឋបាលខេត្តកំពតបានរៀបចំសិក្ខាសាលាផ្សព្វផ្សាយអំពីនីតិវិធីនៃការទទួល និងដោះស្រាយបណ្តឹងធានារ៉ាប់រង នៅសណ្ឋាគារ Castle View Resort ខេត្តកំពត កាលពីរសៀលថ្ងៃទី២២ ខែកញ្ញា ឆ្នាំ២០២៦។
ព័ត៌មានក្នុងខេត្ត
ដំណាំអំពៅកំពុងក្លាយជា «ប្រភពចំណូលយ៉ាងសំខាន់» របស់កសិករនៅស្រុកបន្ទាយមាស
កំពត៖ ស្រុកបន្ទាយមាស ត្រូវបានគេស្គាល់ថាជាស្រុកមានសក្តានុពលខ្ពស់លើវិស័យកសិកម្ម មិនថាការធ្វើស្រែចម្ការ ការដាំបន្លែ ឬការចិញ្ចឹមសត្វនោះទេ។ ក្នុងចំណោមដំណាំរួមផ្សំទាំងអស់ «ដំណាំអំពៅ» បាន និងកំពុងដើរតួនាទីយ៉ាងសំខាន់ក្នុងការទ្រទ្រង់ជីវភាពគ្រួសារកសិករក្នុងតំបន់នេះអស់រយៈពេលជាច្រើនឆ្នាំមកហើយ។
ព័ត៌មានក្នុងខេត្ត
អាជ្ញាធរស្រុកទឹកឈូចុះពិនិត្យការដ្ឋានសាងសង់ផ្លូវថ្មីឆ្ពោះទៅកាន់រមណីយដ្ឋានប្រវត្តិសាស្ត្រភ្នំឈ្ងោក
កំពត៖ នាព្រឹកថ្ងៃទី២៣ ខែកញ្ញា ឆ្នាំ២០២៦ លោក អ៉ឹម ច័ន្ទសោធន អភិបាលស្រុកទឹកឈូ បានដឹកនាំក្រុមការងារបច្ចេកទេសស្រុក អាជ្ញាធរឃុំ និងភូមិ ចុះពិនិត្យផ្ទាល់សកម្មភាពការដ្ឋានសាងសង់ផ្លូវថ្មីមួយខ្សែ ស្ថិតនៅក្នុងភូមិបុះត្របែក ឃុំត្រពាំងព្រីង ស្រុកទឹកឈូ ខេត្តកំពត ដើម្បីឆ្លើយតបទៅនឹងតម្រូវការចាំបាច់របស់ប្រជាពលរដ្ឋ សម្រួលដល់ការដឹកជញ្ជូន និងជំរុញវិស័យទេសចរណ៍។
ព័ត៌មានក្នុងខេត្ត
មន្ទីរសុខាភិបាលខេត្តកំពត ចេញសេចក្តីបំភ្លឺព័ត៌មាន ករណីមរណភាពស្ត្រីសម្រាលកូនអាយុ ៣០ឆ្នាំ
កំពត៖ មន្ទីរសុខាភិបាលនៃរដ្ឋបាលខេត្តកំពត បានចេញសេចក្តីបំភ្លឺព័ត៌មានជាផ្លូវការនៅថ្ងៃទី២៥ ខែកញ្ញា ឆ្នាំ២០២៦ ជុំវិញករណីមរណភាពរបស់ស្ត្រីអាយុ ៣០ឆ្នាំ រស់នៅភូមិអង្គពពាយ ឃុំដំណាក់សុក្រំ ស្រុកដងទង់ ដែលបានទទួលមរណភាពបណ្តាលមកពី «ស្ទះសរសៃឈាមសួតដោយសារទឹកភ្លោះ (Amniotic Fluid Embolism)» ក្នុងអំឡុងពេលក្រុមគ្រូពេទ្យជំនាញនៃមន្ទីរពេទ្យបង្អែកខេត្តកំពត ខិតខំប្រើប្រាស់គ្រប់វិធានការបច្ចេកទេស និងការវះកាត់សង្គ្រោះបន្ទាន់យ៉ាងយកចិត្តទុកដាក់បំផុត។
ព័ត៌មានក្នុងខេត្ត
ជុំគិរីជាស្រុកទី៣របស់កម្ពុជាត្រូវបានប្រកាសជាស្រុកគ្មានផ្សែង
កំពត៖ ស្រុកជុំគិរី ខេត្តកំពតជាស្រុកទី៣ ត្រូវបានប្រកាសជាផ្លូវការជាស្រុកគ្មានផ្សែងនៅរសៀលថ្ងៃទី២២ ខែកញ្ញា ឆ្នាំ២០២៦នេះ បន្ទាប់ពីប្រជាពលរដ្ឋក្នុងមូលដ្ឋានបានផ្លាស់ប្តូរឥរិយាបថចម្អិនអាហារ ដោយប្រើប្រាស់ថាមពលស្អាតជាចម្បងលើសពី៨៥ ភាគរយ។ សមិទ្ធផលនេះជាការរួមចំណែកលើកកម្ពស់សុខភាពប្រជាពលរដ្ឋ កាត់បន្ថយផ្សែងក្នុងផ្ទះ និងការពារបរិស្ថាន តាមរយៈការជំរុញការចម្អិនស្អាតនៅតាមសហគមន៍។
ព័ត៌មានក្នុងខេត្ត
រដ្ឋបាលខេត្តកំពត រៀបចំយុទ្ធនាការចាប់យកឌីជីថលសម្រាប់សហគ្រាសក្នុងវិស័យទេសចរណ៍
កំពត៖ នៅថ្ងៃទី២១ ខែកញ្ញា ឆ្នាំ២០២៦ រដ្ឋបាលខេត្តកំពត សហការជាមួយភាគីពាក់ព័ន្ធ បានរៀបចំ «យុទ្ធនាការចាប់យកឌីជីថលសម្រាប់សហគ្រាស ក្នុងវិស័យទេសចរណ៍ខេត្តកំពត» នៅសាលាប្រជុំសន្និសីទបូកគោ តាមរយៈការចែករំលែកបទពិសោធន៍ និងបច្ចេកទេសពីអ្នកជំនាញឌីជីថល ដើម្បីជំរុញ និងពង្រឹងសមត្ថភាពសហគ្រាសទេសចរណ៍ក្នុងមូលដ្ឋាន ឱ្យចេះអនុវត្ត និងប្រើប្រាស់បច្ចេកវិទ្យាឌីជីថលក្នុងការធ្វើអាជីវកម្មឱ្យកាន់តែមានប្រសិទ្ធភាព។
ព័ត៌មានក្នុងខេត្ត
អាជ្ញាធរក្រុងកំពត ចុះតាមខ្នងផ្ទះចែកប័ណ្ណព័ត៌មានអ្នកបោះឆ្នោត និងនាំយកអំណោយជូនពលរដ្ឋ ៤០ គ្រួសារ
កំពត៖ នាព្រឹកថ្ងៃទី២២ ខែកញ្ញា ឆ្នាំ២០២៦ លោកស្រី ងិន ផលរ័ត្ន អភិបាលនៃគណៈអភិបាលក្រុងកំពត សហការជាមួយលោកចៅសង្កាត់អណ្ដូងខ្មែរ និងក្រុមយុវជន ស.ស.យ.ក. បានចុះដោយផ្ទាល់ដល់ខ្នងផ្ទះ ព្រមទាំងនាំយកអំណោយជូនដល់គ្រួសារប្រជាពលរដ្ឋសរុបចំនួន ៤០ គ្រួសារ នៅសង្កាត់អណ្ដូងខ្មែរ ដើម្បីជួយសម្រួលជីវភាព និងចែកប័ណ្ណព័ត៌មានសម្រាប់ការពិនិត្យបញ្ជីឈ្មោះបោះឆ្នោត។
ព័ត៌មានក្នុងខេត្ត
រដ្ឋបាលស្រុកទឹកឈូ ចេញលិខិតបំភ្លឺជុំវិញការផ្សាយព័ត៌មានរឿងការកាយពង្រីកទីតាំងដីនៅស្រុកទឹកឈូ
កំពត៖ រដ្ឋបាលស្រុកទឹកឈូ ខេត្តកំពត បានចេញលិខិតបំភ្លឺព័ត៌មាន កាលពីថ្ងៃទី២១ ខែកញ្ញា ឆ្នាំ២០២៦ ដើម្បីឆ្លើយតបទៅនឹងការចុះផ្សាយរបស់សារព័ត៌មាន DSN News ពាក់ព័ន្ធនឹងករណីកាយដី និងអាជីវកម្មដីក្រហម ដោយបានបញ្ជាក់ពីភាពស្របច្បាប់នៃទីតាំងដី និងអាជ្ញាបណ្ណអាជីវកម្ម ព្រមទាំងអំពាវនាវឱ្យមានការផ្ទៀងផ្ទាត់ព័ត៌មានជាមុន។
ព័ត៌មានក្នុងខេត្ត
អភិបាលខេត្តកំពតទុកពេល២ខែឱ្យអ្នកវិនិយោគផ្សារកំពង់ត្រាចរៀបចំ តូប ផ្លូវបេតុង និងប្រព័ន្ធលូដោះទឹក ជូនអាជីវករ
កំពត៖ ក្នុងដំណើរចុះពិនិត្យ និងជួបជាមួយអាជីវករលក់ដូរក្នុងផ្សារកំពង់ត្រាចដោយផ្ទាល់ អភិបាលខេត្តកំពត បានទុកពេលឱ្យអ្នកវិនិយោគផ្សារកំពង់ត្រាចរយៈពេល ២ខែ ដើម្បីធ្វើការរៀបចំតូប ផ្លូវបេតុងក្នុង និងជុំវិញផ្សារ ដើម្បីសោភ័ណភាព ក៏ដូចជាឱ្យមានអនាម័យ ពិសេសរៀបចំប្រព័ន្ធលូដោះទឹកដើម្បីបញ្ជៀសការជន់លិចពេលមានភ្លៀងធ្លាក់ ពិសេសក្នុងរដូវវស្សា។
ព័ត៌មានក្នុងខេត្ត
អភិបាលខេត្តកំពត៖ ប្រធានមន្ទីរល្អ ត្រូវចេះទាំងការងារដឹកនាំ និងការងារគ្រប់គ្រង
កំពត៖ អភិបាលខេត្តកំពត បានណែនាំប្រធានមន្ទីរសេដ្ឋកិច្ច និងហិរញ្ញវត្ថុខេត្តថ្មី ឱ្យប្រើចំណេះដឹង ជំនាញ និងបំណិន ទាំងការដឹកនាំ និងការគ្រប់គ្រងមន្ត្រី ព្រមទាំងចេះបែងចែកភារកិច្ច និងថែរក្សាសាមគ្គីភាពផ្ទៃក្នុង ដើម្បីពង្រឹងប្រសិទ្ធភាពការងារ និងការដឹកនាំស្ថាប័នឱ្យសម្រេចបានលទ្ធផលល្អប្រសើរ។
ព័ត៌មានក្នុងខេត្ត
ឱកាសការងារជាង៩ម៉ឺនកន្លែងរង់ចាំផ្តល់ជូនពលរដ្ឋខេត្តកំពតដាក់ពាក្យស្នើសុំ
កំពត÷ ដើម្បីសម្រាលក្តីលំបាកក្នុងជីវភាពរស់នៅ ព្រមទាំងកាត់បន្ថយការចាកចេញទៅក្រៅប្រទេស ក៏ដូចជាការធ្វើចំណាកស្រុករបស់ប្រជាពលរដ្ឋ រាជរដ្ឋាភិបាលកម្ពុជាតាមរយៈក្រសួងការងារ បានត្រៀម ការងារប្រមាណជាង៩ម៉ឺនកន្លែងនៅទូទាំងប្រទេស សម្រាប់ផ្តល់ជូនពលរដ្ឋខេត្តកំពតដាក់ពាក្យស្នើសុំ ហើយក្នុងនោះឱកាសការងារនៅក្នុងខេត្តកំពតផ្ទាល់ មានជាង២ពាន់កន្លែងផងដែរ។
ព័ត៌មានក្នុងខេត្ត
កាកបាទក្រហមកម្ពុជាជំរុញឲ្យពង្រឹងការងារទំនាក់ទំនងគ្រួសារ(RFL)ដើម្បីឆ្លើយតបស្ថានភាពអាសន្ន
កំពត៖ កាកបាទក្រហមកម្ពុជា បានជំរុញឱ្យមន្ត្រីស្តារទំនាក់ទំនងគ្រួសារ (RFL) តាមសាខាទាំង២៥ រាជធានី-ខេត្ត បន្តពង្រឹងសមត្ថភាព និងគុណភាពសេវា ដើម្បីអាចឆ្លើយតបបានទាន់ពេលវេលា និងប្រកបដោយមនុស្សធម៌ នៅពេលមានការបាត់ខ្លួន ការផ្លាស់ទីលំនៅ ជម្លោះ ឬគ្រោះមហន្តរាយដែលបង្កឱ្យមានការបែកបាក់គ្រួសារ។