ព័ត៌មានក្នុងខេត្ត

អភិបាលខេត្តកំពតបានបញ្ជាក់ថា បណ្ណសំគាល់ម្ចាស់អចនវត្ថុ ឬបណ្ណកម្មសិទ្ធិដីធ្លី គឺជាមរតកដ៏មានតម្លៃរបស់រាជរដ្ឋាភិបាល ផ្តល់ជូនប្រជាពលរដ្ឋ ដើម្បីអាចប្រើប្រាស់ដីរបស់ខ្លួន ឲ្យអស់សក្តានុពល ក្នុងបំណងបង្កើនជីវភាព រក្សាលំនឹងផ្លូវ ភាពសុខដុមរមនា  បញ្ចប់បញ្ហាទំនាស់ដីធ្លី និងរួមចំណែកអភិវឌ្ឍ មូលដ្ឋានឲ្យកាន់តែប្រើសើរ។ ដូច្នេះពលរដ្ឋត្រូវប្រើប្រាស់ដី និងបណ្ណកម្មសិទ្ធិឲ្យមានតម្លៃបំផុត។

សិស្សានុសិស្ស និងយុវជនខេត្តកំពតលើកឡើងថា មានតែការរួមគ្នាផ្សព្វផ្សាយ និងពង្រឹងអក្ខរកម្មព័ត៌មាន និងប្រព័ន្ធផ្សព្វផ្សាយប៉ុណ្ណោះទេ អាចជួយទប់ស្កាត់ព័ត៌មានក្លែងក្លាយ ដែលធ្វើឲ្យប៉ះពាល់ធ្ងន់ធ្ងរដល់ផលប្រយោជន៍បុគ្គល គ្រួសារ សង្គម សេដ្ឋកិច្ច សុខភាពសាធារណៈ និងស្ថិរភាពរបស់ប្រទេសជាតិ។ដូច្នេះមុននឹងចែករំលែកព័ត៌មាន ត្រូវមានភាពទទួលខុសត្រូវ និងនឹកដល់វិធាន “៣កុំ ១ការពារ” ។

នៅ​ព្រឹក​ថ្ងៃ​ទី​២​៦​ ខែ​មិថុនា​ឆ្នាំ​២០២៦​ មន្ទីរព័ត៌មានខេត្តកំពត បានបន្តអនុវត្តយុទ្ធនាការ «និយាយថាទេ ចំពោះព័ត៌មានក្លែងក្លាយ» ជំហានទី២ ក្រោមប្រធាន បទ​ "ពង្រឹង​អក្ខរកម្ម​ព័ត៌មាន និង​ប្រព័ន្ធ​ផ្សព្វ ផ្សាយ ដើម្បី​សុវត្ថិភាព​ព័ត៌មាន"​

រដ្ឋលេខាធិការក្រសួងអភិវឌ្ឍន៍ជនបទបានបញ្ជាក់ថា រាជរដ្ឋាភិបាលកម្ពុជាអាណតិ្តទី៧នេះ និងប្រែក្លាយសង្គមជនបទកម្ពុជាបច្ចុប្បន្ននេះ ឱ្យទៅជាសង្គមជនបទស៊ីវីល័យតាមរយៈក្រសួងអភិវឌ្ឍន៍ជនបទ ដោយមានការសាងសង់ និងជួសជុលថែទាំផ្លូវជនបទដែលជាសរសៃឈាមសេដ្ឋកិច្ចដ៏សំខាន់ក្នុងការផ្សារភ្ជាប់សកម្មភាពធុរកិច្ចផ្សេងៗក្នុងតំបន់ ដើម្បីជំរុញឱ្យមានការផ្លាស់ប្តូរជីវភាពរស់នៅរបស់ប្រជាជនជនបទឱ្យកាន់តែល្អប្រសើរ។

កំពត៖ ប្រធានគណៈកម្មការទី៣ នៃរដ្ឋសភា បានកោតសរសើរ និងវាយតម្លៃខ្ពស់ចំពោះការដឹកនាំ និងការអភិវឌ្ឍរបស់រដ្ឋបាលខេត្តកំពត ដែលធ្វើឱ្យខេត្តមានការរីកចម្រើនស្ទើរគ្រប់វិស័យ និងទាក់ទាញការវិនិយោគកាន់តែច្រើន និងបានជំរុញឱ្យអាជ្ញាធរខេត្ត បន្តទាញយកសក្តានុពលដែលនៅសេសសល់ បន្ថែមទៀត ដើម្បីឆ្លើយតបនឹងទិសដៅអភិវឌ្ឍន៍របស់រាជរដ្ឋាភិបាលនាពេលអនាគត។

ភ្នំពេញ៖ ឯកឧត្តម កឹម គុណវឌ្ឍន៍ រដ្ឋលេខាធិការក្រសួងព័ត៌មាន បានផ្តល់ការណែនាំដោយផ្ទាល់ ដល់អ្នកគ្រប់គ្រងគេហទំព័រតាមបណ្តាមន្ទីរព័ត៌មានរាជធានី-ខេត្តទាំងអស់ ឱ្យបង្កើនការយកចិត្តទុកដាក់ខ្ពស់ លើចំណុចសំខាន់ពីរ គឺរូបភាព និងខ្លឹមសារអត្ថបទ ដើម្បីបង្កើនភាពទាក់ទាញ និងមានប្រយោជន៍ដល់សាធារណជន។ ការណែនាំនេះធ្វើឡើងនៅថ្ងៃទី២៤ ខែមិថុនា ឆ្នាំ២០២៦ នេះ នៅក្នុងពិធីបិទវគ្គបណ្ដុះបណ្ដាលស្ដីពី «ការសរសេរព័ត៌មានតាមគេហទំព័រ» នៅសាលមណ្ឌលបណ្ដុះបណ្ដាល និងវិក្រិតការវិជ្ជាជីវៈសារព័ត៌មាន នៃទីស្តីការក្រសួងព័ត៌មាន។

រដ្ឋមន្ត្រីក្រសួងទេសចរណ៍ ឯកឧត្តម ហួត ហាក់ បានបង្ហាញក្តីរំពឹង និងជឿជាក់ថា ក្រុងកំពតនឹងទទួលបានជ័យលាភីចូលជាសមាជិកបណ្តាញទីក្រុងច្នៃប្រឌិតរបស់អង្គការយូណេស្កូ ផ្នែកម្ហូបអាហារ ដោយសារខេត្តនេះមានសក្តានុពលខ្ពស់លើវិស័យទេសចរណ៍ វប្បធម៌ និងអត្តសញ្ញាណម្ហូបអាហារដែលមានភាពល្បីល្បាញទាំងក្នុង និងក្រៅប្រទេស។ ការលើកឡើងនេះធ្វើឡើងក្នុងពិធីបើកសិក្ខាសាលាស្តីពី «ការរៀបចំឯកសារបេក្ខភាពក្រុងកំពតចូលក្នុងបណ្តាញទីក្រុងច្នៃប្រឌិតរបស់អង្គការយូណេស្កូ» ដែលរៀបចំនៅសណ្ឋាគារ Castle Bayview ខេត្តកំពត នាថ្ងៃទី២៤ ខែមិថុនា ឆ្នាំ២០២៦។

ព្យុះទី៨ ឈ្មោះ ហ៊ីហ្គោស (Higos)T2608 ដែលគន្លងផ្លូវដើររបស់ព្យុះនេះស្របនឹងព្យុះទី៧ ឈ្មោះ មេខឡា ហើយមានឥទ្ធិពលលើរបបខ្យល់មូសុងនិរតីដែលបក់លើឈូងសមុទ្របេងហ្គាល សមុទ្រអាន់ដាម៉ាន់ សមុទ្រចិនខាងត្បូង អាងទន្លេមេគង្គ សមុទ្រកម្ពុជា និងលើប្រទេសកម្ពុជា​ តែកម្ពុជាពុំស្ថិតនៅក្នុងគន្លងផ្លូវដើររបស់ព្យុះទាំងពីរនេះទេ។

ថ្នាក់ដឹកនាំក្រសួងមហាផ្ទៃបានលើកឡើងថា ការចូលរួមពិនិត្យ និងកែសម្រួលបែបបទនីតិវិធីរបស់ក្រសួង និងស្ថាប័នពាក់ព័ន្ធឱ្យសាមញ្ញ និងស្របតាមតម្រូវការជាក់ស្តែងរបស់ប្រជាពលរដ្ឋ គឺជាកត្តាសំខាន់ក្នុងការលើកកម្ពស់ប្រសិទ្ធភាពនៃការផ្តល់សេវារដ្ឋបាលតាមអង្គភាពច្រកចេញចូលតែមួយ ឱ្យកាន់តែលឿន តម្លាភាព និងឆ្លើយតបតម្រូវការប្រជាពលរដ្ឋបានកាន់តែប្រសើរ។

ប្រេងសាំងធម្មតាលក់ក្នុងតម្លៃ ៤ ៣៥០រៀល/លីត្រ  (ចុះ ២៥០ រៀល) និងប្រេងម៉ាស៊ូតលក់ក្នុងតម្លៃ ៤ ២៥០រៀល/លីត្រ (ចុះ ៤៥០ រៀល) នេះបើយោងតាមសេចក្តីជូនដំណឹងរបស់ក្រសួងពាណិជ្ជកម្ម ស្តីពី ថ្លៃលក់រាយប្រេងឥន្ធនៈនៅតាមស្ថានីយ ចុះផ្សាយនៅព្រឹកថ្ងៃទ២៣ ខែមិថុនា ឆ្នាំ២០២៦។

អភិបាលរងខេត្តកំពត ចុះពិនិត្យ និងជំរុញសមាជិកចលនា «ភូមិមួយផលិតផលមួយ» នៅកសិដ្ឋានចិញ្ចឹមសត្វក្រួច ក្នុងក្រុងកំពត ​សកម្មភាពចុះពិនិត្យនេះ ធ្វើឡើងក្នុងគោលបំណង៖ ​ស្វែងយល់ពីវឌ្ឍនភាព៖ តាមដានខ្សែសង្វាក់ផលិតកម្ម ការផ្គត់ផ្គង់ទីផ្សារ និងបញ្ហាប្រឈមនានារបស់សមាជិកក្នុងមូលដ្ឋាន។

នៅព្រឹកថ្ងៃចន្ទ ទី២២ ខែ មិថុនា ឆ្នាំ២០២៦ នេះលោកស្រីវេជ្ជបណ្ឌិត យូ សុគន្ធ អនុប្រធានអចិន្ត្រៃយ៍គណៈកម្មាធិការសាខាកាកបាទក្រហមកម្ពុជា ខេត្តកំពត តំណាងដ៏ខ្ពង់ខ្ពស់ឯកឧត្តម ម៉ៅ ធនិន ប្រធានគណៈកម្មាធិការសាខាកាកបាទក្រហមកម្ពុជាខេត្តកំពត រួមដំណើរដោយ  លោក លោកស្រី សមាជិក សមាជិកា គណៈកម្មាធិការសាខា មន្រ្តីសាខា និងមន្ត្រីអនុសាខា ព្រមទាំងមានការចូលរួមពីអាជ្ញាធរមូលដ្ឋាន បានអញ្ជើញចុះសួរសុខទុក្ខ និងនាំយកអំណោយមនុស្សធម៌របស់កាកបាទក្រហមកម្ពុជា ដែលមានសម្តេចកិត្តិព្រឹទ្ធបណ្ឌិតប៊ុន រ៉ានី ហ៊ុនសែន ជាប្រធាន ផ្តល់ជូនគ្រួសារប្រជាពលរដ្ឋដែលរងគ្រោះដោយគ្រោះធម្មជាតិ-ខ្យល់កន្ត្រាក់ចំនួន ៧៤គ្រួសារ រស់នៅក្នុងស្រុក​បន្ទាយមាស ខេត្តកំពត។