ព័ត៌មានក្នុងខេត្ត

កំពត៖ នាព្រឹកថ្ងៃទី១៩ ខែកក្កដា ឆ្នាំ២០២៦ មន្ទីរបរិស្ថានខេត្តកំពត សហការជាមួយសាកលវិទ្យាល័យភូមិន្ទកសិកម្ម និងអ្នកពាក់ព័ន្ធ បាននាំយកកូនឈើចម្រុះប្រមាណ ១៣០ដើម ទៅដាំនៅក្នុងបរិវេណវត្តព្រែកត្នោត សង្កាត់ព្រែកត្នោត ក្រុងបូកគោ ដើម្បីលើកកម្ពស់សោភ័ណភាព ការពារបរិស្ថាន និងជាប្រយោជន៍សម្រាប់សាធារណជនទូទៅ។ នេះបើតាមការផ្សព្វផ្សាយតាមទំព័រហ្វេសប៊ុកផ្លូវការរបស់មន្ទីរបរិស្ថានខេត្តកំពត។

សាកលវិទ្យាធិការរង និងថ្នាក់ដឹកនាំខេត្តកំពតបានគូសបញ្ជាក់ថា ជំនាញឌីជីថលលែងជា «ជម្រើស» ទៀតហើយ ប៉ុន្តែវាបានក្លាយជា «តម្រូវការចាំបាច់ដាច់ខាត» សម្រាប់មនុស្សគ្រប់រូប ជាពិសេសសម្រាប់និស្សិត ដែលត្រូវត្រៀមខ្លួនចូលទៅក្នុងទីផ្សារការងារប្រកួតប្រជែង។ហើយការប្រើប្រាស់ប្រព័ន្ធបញ្ញាសិប្បនិម្មិត(AI) នឹងក្លាយជាឧបករណ៍ និងជាកាតាលីករដ៏មានឥទ្ធិពល ក្នុងការជួយដោះស្រាយបញ្ហាស្មុគស្មាញ បង្កើនប្រសិទ្ធភាពការងារ និងបង្កើតគំនិតច្នៃប្រឌិតថ្មីៗ។

កំពត៖ មន្ត្រីសុខាភិបាលខេត្តកំពត បានអំពាវនាវដល់ប្រជាពលរដ្ឋ បង្កើនការប្រុងប្រយ័ត្ន និងចូលរួមអនុវត្តវិធានការបង្ការជំងឺគ្រុនឈាមឱ្យបានខ្ជាប់ខ្ជួន ក្នុងអំឡុងរដូវវស្សា ខណៈចំនួនអ្នកកើតជំងឺនេះនៅក្នុងខេត្តមានការកើនឡើងបើធៀបនឹងឆ្នាំមុន។ ទន្ទឹមនឹងនេះ មន្ទីរសុខាភិបាលខេត្តបានសហការជាមួយអាជ្ញាធរគ្រប់លំដាប់ថ្នាក់ ចុះអប់រំផ្សព្វផ្សាយ និងណែនាំប្រជាពលរដ្ឋពីវិធីការពារ និងទប់ស្កាត់ជំងឺគ្រុនឈាមនៅតាមមូលដ្ឋាន។

កំពត៖ ពលរដ្ឋរស់នៅក្នុងស្រុកឈូក ដែលមកទទួលសេវាពិនិត្យ ពិគ្រោះ និងព្យាបាលជំងឺទូទៅនៅមន្ទីរពេទ្យបង្អែកស្រុកឈូក បានសម្ដែងការពេញចិត្ត ចំពោះការផ្ដល់សេវាព្យាបាលសុខភាពថា បុគ្គលិកមានភាពរួសរាយរាក់ទាក់ យកចិត្តទុកដាក់ មានជំនាញច្បាស់លាស់អាចជឿទុកចិត្តបាន។ ទន្ទឹមនឹងនោះដែរប្រជាពលរដ្ឋអ្នកទទួលសេវាព្យាបាលនៅតែចង់អោយមានការយកចង់ចិត្តទុកដាក់ លើការផ្ដល់សេវាជូនដល់ប្រជាពលរដ្ឋកាន់តែមានភាពល្អប្រសើរឡើង។

កំពត៖ អាជ្ញាធរ និងមន្ត្រីជំនាញកសិកម្មស្រុកឈូក បានឲ្យដឹងថា កសិកម្មជាវិស័យស្នូលសម្រាប់ស្រុកឈូកក្នុងការជួយស្តារ និងលើកកម្ពស់ជីវភាពរបស់ប្រជាពលរដ្ឋ និងសេដ្ឋកិច្ចស្រុកក៏ដូចជាខេត្តកំពត។ ហើយបច្ចុបុបន្នស្រុកកំពុងតែយកចិត្តទុកដាក់ ជំរុញ និងលើកកម្ពស់ដល់ការដាំ ការចិញ្ចឹម និងការផ្សព្វផ្សាយដើម្បីស្វែងរកទីផ្សារជូនពលរដ្ឋ ខណៈដែលវិសាលភាពផ្ទៃដីកសិកម្មមានដល់ជិត៥ម៉ឺនហិកតា។

រដ្ឋមន្ត្រីក្រសួងការងារនិងបណ្តុះបណ្តាលវិជ្ជាជីវៈ​ បញ្ជាក់ថាជំនាញ TVET មានគុណតម្លៃស្មើនឹងជំនាញផ្សេងៗ និងឆ្លើយតបតម្រូវការទីផ្សារការងារព្រមទាំងជួយកសាងអនាគតរបស់បុគ្គល គ្រួសារ និងសង្គមជាតិ។ ឯកឧត្តមរដ្ឋមន្ត្រីបានជំរុញនិងលើកទឹកចិត្តឱ្យយុវជនជ្រើសរើសជំនាញ TVET ដើម្បីមានជំនាញឆ្លើយតបតម្រូវការទីផ្សារ និងជួយលើកកម្ពស់សេដ្ឋកិច្ចគ្រួសារ និងសេដ្ឋកិច្ចជាតិ។

កំពត៖ កាលពីព្រឹកថ្ងៃទី១៥ ខែកក្កដា ឆ្នាំ២០២៦ ថ្នាក់ដឹកនាំ មន្ត្រីរាជការ និងប្រជាពលរដ្ឋ បានជួបជុំគ្នាចូលរួមដោយផ្ទាល់ ដាំដើមឈើចំនួន ១ ៥០០ដើម នៅទីតាំងចំនួន ៣កន្លែង ស្ថិតក្នុងស្រុកដងទង់ ខេត្តកំពត ដើម្បីបង្កើនគម្របបៃតង និងថែរក្សាបរិស្ថាន។ នេះបើតាមការផ្សព្វផ្សាយតាមរយៈទំព័រហ្វេសប៊ុកផ្លូវការរបស់មន្ទីរបរិស្ថានខេត្តកំពត នៅថ្ងៃទី១៨ ខែកក្កដានេះ។

ខេត្តកំពត៖ នៅព្រឹកថ្ងៃទី១៧ ខែកក្កដា ឆ្នាំ២០២៦ ប្រជានេសាទប្រមាណ ៣០គ្រួសារ មកពីភូមិម៉ាក់ប្រាង្គ ឃុំកំពង់គ្រែង ស្រុកទឹកឈូ ដែលជាតំណាងឱ្យប្រជានេសាទសរុបចំនួន ១០០គ្រួសារ បានធ្វើដំណើរមកកាន់សាលាខេត្តកំពត ដើម្បីស្នើសុំកិច្ចអន្តរាគមន៍ និងជួយដោះស្រាយពីសំណាក់ ឯកឧត្តម ម៉ៅ ធនិន អភិបាលខេត្តកំពត ជុំវិញករណីមានបុគ្គលបិទផ្លូវមិនឱ្យពួកគាត់ធ្វើដំណើរចុះទៅប្រកបមុខរបរនេសាទ។ នេះបើតាមការបង្ហោះផ្សាយរបស់ទំព័រហ្វេកប៊ុក«បេះដូងកំពត»។

កំពត៖ អាជីវករលក់ទាអាំង ម្ចាស់សិប្បកម្មកែច្នៃប្រេងដូង និងកសិករម្ចាស់ចម្ការដូងនៅស្រុកឈូក ខេត្តកំពត បានបញ្ជាក់ថាពួកគេកំពុងសប្បាយរីករាយក្នុងការប្រកបមុខរកស៊ីទទួលទាន ព្រោះផលិតផល និងកសិផលក្នុងស្រុក របស់ពួកគេ មានការនិយមគាំទ្រប្រើប្រាស់ និងទទួលទានកាន់តែច្រើនឡើងៗ។ ពួកគេគ្រោងពង្រីក និងកែច្នៃបង្កើនមុខរបរបន្ថែមដើម្បីលើកកម្ពស់ជីវភាពឲ្យកាន់តែប្រសើរ ចូលរួមចំណែកអភិវឌ្ឍប្រទេសជាមួយរាជរដ្ឋាភិបាល។

កំពត៖ មន្ត្រីជំនាញ និងគ្រូបង្រៀនបានបញ្ជាក់ថា បច្ចេកវិទ្យាឌីជីថលបានក្លាយជាកម្លាំងចលករដ៏សំខាន់ក្នុងការផ្លាស់ប្តូរមុខមាត់ថ្មីរបស់វិស័យអប់រំ ពីការរៀននិងបង្រៀនតាមបែបប្រពៃណីដែលថ្នាក់រៀនមានតែសៀវភៅ និងក្តារខៀន មកជាការសិក្សានៅក្នុងថ្នាក់រៀនឌីជីថល ឬ «ថ្នាក់រៀនឆ្លាតវៃ» ដែលភ្ជាប់ទំនាក់ទំនងទៅកាន់ពិភពលោកទាំងមូល នេះគឺជាសក្ខីភាពនៃការវិវត្តដែលកំពុងផ្តល់ឱកាសកាន់តែទូលំទូលាយសម្រាប់សិស្សានុសិស្សគ្រប់រូប។

សមត្ថកិច្ច និងប្រជាពលរដ្ឋស្រុកឈូក ខេត្តកំពត បានបញ្ជាក់ថាស្ថានភាពសុន្តិសុខ សណ្តាប់ធ្នាប់សាធារណៈនៅក្នុងមូលដ្ឋានស្រុកឈូក មានភាពល្អប្រសើរឡើងជាបន្តបន្ទាប់ ហើយក្នុងនោះការងារបង្ការទប់ស្កាត់បទល្មើសផ្សេងៗ ការគ្រប់គ្រងចរាចរណ៍តាមដងផ្លូវ ការបម្រើសេវារដ្ឋបាល និងការអនុវត្តគោលនយោបាយភូមិឃុំមានសុវត្ថិភាព ក៏មានភាពល្អប្រសើរផងដែរ។

កំពត៖ រយៈពេល ២ឆ្នាំកន្លះ ចាប់ពីឆ្នាំ២០២៣ ដល់ឆមាសទី១ ឆ្នាំ២០២៦ វិស័យផ្គត់ផ្គង់ទឹកស្អាតនៅខេត្តកំពតបន្តមានវឌ្ឍនភាពគួរឱ្យកត់សម្គាល់ ដោយចំនួនគ្រួសារទទួលបានទឹកស្អាតប្រើប្រាស់ និងការពង្រីកបណ្តាញចែកចាយមានការកើនឡើងជាបន្តបន្ទាប់ ស្របតាមគោលនយោបាយរបស់រាជរដ្ឋាភិបាលក្នុងការធានាឱ្យប្រជាពលរដ្ឋមានទឹកស្អាតប្រើប្រាស់ប្រកបដោយគុណភាព សុវត្ថិភាព និងនិរន្តរភាព។